NEHEI LEUSI 15:6 - ALLAH NIHYET MEM TUNGWATU NYA

⁶ tuhan e, Ade nisindemti di nindig bibor bindei ba, nahagom ninga leu sut bijo ninno. Lewo atam Ade siceu nya binnir-wap tug hon Ade nisindemti tu.

NEHEI LEUSI 15:6 ပူးပေါင်းရင်းမြစ်များ

MAZMUR 17:7

Ando tut ade ningon ngakeisi di bindei ninggap leu sutti a. Lewo ateu yo di igwam coi Nani ba, ingwes ngun. Nok gino ide siceu ipi bihwen yok lo, yo di igwam kui Na ingon jo nyahan.

MAZMUR 2:9

Mporo aba tom ngkimom nitu bibui yok bidahat leu api acom yok dem kep nok acom dibijig di ki kukiau ninnirwapti.

MAZMUR 24:8

Nibou Ndig di ninyeng jei dima tou i? Noni ne tuhan di sindem bibor ba, mimbri kui ningkek bibor cem ri. Noni kon pran bit Nide siceu nya ba, bindei timek yahagom bingwig.

MAZMUR 44:3

Nanti rino ajji ngkiai nya leu itimieisi leu api ayai ide dihyei di inda rom dima bak Ade limwa nya apino ibong ser minu dima. Abindei ba, mben ngkiai hiter nya yuum mun di buhun noro asindui sut Ade limwa nya ba, idigek kep mpia.

MAZMUR 44:4

Ade limwa nya inda rom dihyei dima bigyati tug hon ide singau simeda bi. Iba yonti ide nisindemti cem boom kep ide siceu nya bi. Noro igyai bigyati tug hon Na di tuhan Ade nisindemti kin Ade nipigati di bindo tut gima Angat rin bit yok lewo ajoi sut Ade limwa nya.

MAZMUR 60:5

Asindui sut Ade limwa nya ba, icut ei ninghuisi wei di buhun biborti. Nibou ngwak sibui-sibui nyen nok no di dut pes di pu no pimo.

MAZMUR 74:11

Nggon rino agimpu nye bu bi i? Nggon rino akes anda leu nye i?

MAZMUR 77:10

Allah bbwe ser ningondut nyeti tu e? Nigga nyeti om kep ningondut nyeti e?”

MAZMUR 89:14

Ade nisindemti nindig bibor bindei ba, nyeni ninggap leu bijo ninno bijo kikau!

MAZMUR 98:1

Ma jipai doia di nijep bak tuhan drek dip Nide niyai munti di bibon ninggap leusi nya! Noni ba Nide ninyeng jeisi kin nisindemti bibindei timek siceu nya tu.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 15:12

Lewo asu anda com apino dihyei hap niji bipinde nyende siceu nya yahagom tu.

NEHEI LEUSI 15:16

Yahagom ittin ba, ingon nde bibor lewo ingat Na di tuhan Ade nisindemti bou igyai him tu. Yahagom inghuisi jet ba, ittin bibor bibou Ade limwa nya di akwek yok leu awak pima imbut sin yokti binjiriek yok ug e.

NEHEI LEUSI 18:8

Lene Musa pui kep hukum di mindur nya di tuhan kes ei Firaun kin nide limwa nya dip tirigi po Noni buwak mben Israel bingwes ngun leu minu Mesir pima. Ba, pui sut mun po buhun tak yok kak puig sinon kin notou tuhan teu yok bingwes ngun leu mun di cut igkep yok hagom pima.

NEHEI LEUSI 3:20

Noro midiba Ditde nisindemti bikes hukum ei mben Mesir dip tug hon mun di buhun bibor di micut igkep yok. Apino Firaun misindui sut je bijimbut hak.

NEHEI LEUSI 6:1

Lene tuhan binut bu bipai bak Musa “Dani ne tuhan ri.

YESAYA 30:14

Midibindei ba, jiki kukiau noyam kin dibijig di ki binnir-wap. Bit bon hi di ngat ninnir wapti hi di dem mem gima biket hum cem bitau minyei cem kan bi.”

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YESAYA 63:12

tuhan po ya tut Musa pima no ritou i? Lewo Noni ba ninda di sindem bibor bitot minyei ngwa dip ei yoho bei bibindei ba, tungwatu nya ikon ninyeng bijo ninno bijo kikau.

YEREMIA 13:14

Leu api diba yok bibui yam nyen. Midingon nggriu sut ndigpoi nya kin pilei nya bi sren. Midibindei sar yok lewo dingon nem tut yok ba, dingondut yok cem bi. Da di tuhan disimbot dat tu.”

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

NINGAT-HI-NGAT NYA 2:27

Yoni iba tom ngkimom nitu binyeng tak kep yok leu api idram yok kukiau bit leu nok idram dibijigya. Diyai nisindemti di Dicig yai bida biyok.

SAMUEL GI NIGOM 2:10

tuhan de siceu nya ittin nindig bibor apino mitug midut tug hon hukum di dem kep nok kru di nisu bong ei mpia-bbed him di Noni kes ei yok dip. tuhan migwam nok nikei mem tungwatu dihyeisi dini hagom. Noni miyai nisindemti bak nibou ndig di Noni ta ei su. Lene mibindei ba, nibou ndig dima nide siceu nya yahagom micut bak noni.”