NEHEI LEUSI 15:22 - ALLAH NIHYET MEM TUNGWATU NYA

²² Lene Musa bie tut mben Israel ba, ijo leu Muk Lipig biyuug ndam iggum ndigsi Syur. Imbut ei iggum ndigsi kikau mem mmun-njap ningai noro ingat minyei su hi bi.

NEHEI LEUSI 15:22 ပူးပေါင်းရင်းမြစ်များ

NITRITI 16:7

Lene tuhan de malaikati tau kep noni ei iggum ndigsi tirigi dut minyei leu minyei bousi di jo kak puig di ug ei Syur ba,

SAMUEL GI NIGOM 15:7

Lene mben Amalek icut bak Saul tirigi noni hwen yok ei minu ndig Hawila kikau ug ei Syur di jo dideu minu Mesir bei mpia nipriti.

NITRITI 25:18

Ismael de nintun him yamti di ibram yam nya ibong ei minu Hawila kin Syur nikieti ba, minu ndig dini jo dideu minu Mesir nite bei mpia nipriti kikau ug ei minu Asyur. Ba, yahagom imbres yok bibong minu ting leu yo di intun Abraham him nindigsi nya.

NEHEI LEUSI 3:18

Ditde limwa nya mingig itingou mem ahyet. Lene abuwak nibou mben Israel ba, juug ngat Firaun leu api apai binoni bipia tuhan di nok mben Ibrani ide Allah ndo Nonti bina tu. Suar Firaun sindui sut je bijimbut jimig mem mmun-njap ningai ug ei iggum ndigsi leu binhyepo jibon midut nindig mindhe-ndhe ei humti bak tuhan di nok jide Allah.”

NITRITI 20:1

Lene Abraham jo leu Mamre buug ei minu Kanaan nite bei mpia nibiho leu api bong ei Kades kin Syur ikieti. Jei bi lene noni ug bong ei Gerar bu.

MBEN ISRAEL IMBUT-MBUT NYEN 33:8

Lene ijo leu Pi-Hahirot bisigon Muk Lipig leu api imbut kak iggum ndigsi Etam mem njap ningai biyuug krau Mara lene yohok ide prak meng nya ei sirima.

SAMUEL GI NIGOM 27:8

Ei nijam di jei dima lene Daud ya tut nide tentara nya ba, icut igkep mben Gesur kin mben Girzi kin mben Amalek bihwen yok ningwig a. Mben dima yok ibong timiei mimbrek ngan ei dihyei hanjop nsi dima tu. Daud hwen ide minu ndig nya kikau ug ei Sur kikau bipek minu Mesir cem.

MAZMUR 77:20

Ambut ei muk di tti bibor ningwa dip. Asigon muk di jut bibor lo, hi gingat amig ceti nya bi.

MAZMUR 78:52

Leu api bie tut Nide limwa nya dem kep nok gembala di bie tut nimpung domba bikrau inda bijem yok ug ei iggum ndigsi.

MAZMUR 78:53

Yo di icoi bit nibie tut yokti ingon jo nyahan ba, idigit tut mun nyeng hi bi. Noro ide siceu di igyon igkep yok isar ei muk jou.

MAZMUR 136:16

Noni bie tut Nide limwa nya ba, ite-te nyen ei iggum ndigsi. Nide ningon ngakeisi jo ninghig-niker.

NEHEI LEUSI 17:1

Lene mben Israel yahagom ijo leu iggum ndigsi Sin bimbut-mbut nyen bit leu nok tuhan nibie tut yoti. Mpe di gom lene yuug krau Rafidim ba, yohok ide prak meng yati ei sirima noro minyei su hi biam ei mpia dima bi.