NEHEI LEUSI 15:20 - ALLAH NIHYET MEM TUNGWATU NYA

²⁰ Lene Miryam di nok nabi sop di Harun nikwohop pima ug yai nide mun di nggileng ba, nisut bat sop nindigsi nya yahagom impig ide mun di nggileng nya bit noni bipri-pri nyen.

NEHEI LEUSI 15:20 ပူးပေါင်းရင်းမြစ်များ

MAZMUR 150:4

Ma jipri-pri nyen bijiba mun di nggileng di jimpig-mpig nyen nibimbi binggei sut Noni. Ma jiba nggong nya kin porei nya nibimbi binggei sut Noni.

SAMUEL GI NIGOM 18:6

Tirigi Daud kwei hanyen leu niyai nimai bak Goliatti ba, tentara nya ingkwei hanyen bicoi ug ei ide minu ndig lene sop nya yehei leu ide minu ndig nya hagom ei hanjop Israel bigya um Nibou Ndig Saul. Yoni iba ingon di llei bibor bipai doia ba, ipri-pri nyen bikek ide mun di nggileng kin ide nggong mbrei nya cem.

MAZMUR 68:25

Allah e, yahagom ingat Na tirigi akri yo di abindei timek yok nya kwei. Ditde Allah di Nibou Ndig e, aya bit yo di injei bram yam ug ei mpia di agwam kikau eisi.

NIJAM NIKEI NYA 11:34

Tirigi Yefta ngkwei hanyen kwei ei Mizpa lene nipmisop misop gwam nitta pilei kwei ya um noni bingon-mingon ba, bibui mun di nggileng cem. Noni ne Yefta nipmisop di nimig gom ngat ri.

MBEN ISRAEL IMBUT-MBUT NYEN 26:59

Amram wak nitnem Yokhebed di Lewi nipmisop. Yokhebed dima srek ei minu Mesir. Amram kin Yokhebed igyai ipmot bat nya ibou can di Harun kin Musa lene igyai ipmisop gom di ninyeng Miryam.

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

MAZMUR 149:3

Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

NIJAM NIKEI NYA 4:4

Mpe dima lene Debora ne nikei mem mben Israel rin ba, noni cem nok nabi sop. Nijjep ninyeng Lapidot.

LUKAS 2:36

Gima cem sindig-ndau Hana di nok nabi sop no rima. Nicig ninyeng Fanuel ba, noni ntun keret Asyer him. Tirigi sop dini wak nijjep ba, niyaijo bit nijjep ei ninsi ari bingwam muhwindacan leu

MAZMUR 81:2

Ma jikon doia ba, jibinggei sut Allah di nok ide nisindemti ninyeng. Jiba jingon di nggei-hi-nggei bimbos-hi-mbos tut Yakub de Allah.

NIBOU NDIG NYA GI NICAN 22:14

Lene Hilkia kin Ahikam kin Akhbor kin Safan kin Asaya yahagom yuug hig ser Hulda. Sop dini ne nabi sop rin ba, noni bong ei hanjop di nijep ei minu ndig Yerusalem. Nijjep ninyeng Salum lene Salum nicig ninyeng Tikwa ba, Tikwa nicig ninyeng Harhas. Salum yai midyai ninyohou ig gudan di sinsun nibon midut jo keyam eisi ei tuhan De Ig. Yo dini ipai sut mun di pek kep mem yok pima hagom bak Hulda.

NEHEI LEUSI 2:4

Lene ningwoi-ngwoi dima nikwohop ku no nyahan ei mam bei bitou kep mun di mipek kep mem nikijam.

KISAH 21:9

Filipus yai nipmisop bat sop gwam nitta pilei nya ibou bitai di igyai nisindemti leu Allah mem gima itri tut Allah nihyet.

MAZMUR 68:11

Leu api Ade limwa nya ibong timiei ei mpia dima. Allah e, anyohou yo di yuhui mbum nya tug hon angon di kei sut yoti.

MAZMUR 30:11

tuhan e, amiap kep dihyet ba, angondut dani cem leu api ampu da o!”

SAMUEL GI NICAN 6:14

Lene noni pri-pri nyen sindem bibor bibinggei sut tuhan. Mpe dima lene noni juk nide sinsun ser nonti bi noro kri sre linen nicun he kep nintig boua.

SAMUEL GI NIGOM 10:5

Lene ambut kikau ug bipek Allah de nungug tou Gibea leu api angat prak meng yati di mben Filistin ide. Tirigi aug krau dimbou hui ei minu dima lene aum nabi nya nimpung gom di sindi ijuk kwei leu nimbar hum dok ei nungug tou dima. Yoni mikek nggong nya kin ndug nya kin porei nya kin nggong mbrei nya tirigi ipri-pri nyen ba, imbos-hi-mbos.

NIJAM NIKEI NYA 21:21

jiyai ngkiem. Tirigi sop gwam nitta pilei di leu Silo nya itau kwei ba, ibien-bien nyen bingon mingon ei nibon midut kikepti mem tuhan dima lene suar bikwop jigom-gom jikiju leu jiku je eisi dima bijikat sop gwam nitta pilei gom bijinang tut kikau ug ei keret Benyamin de dihyei hanjop nsi bijijem nok jitnem.

MBEN ISRAEL IMBUT-MBUT NYEN 20:1

Lene mben Israel yahagom ikwei krau iggum ndigsi gom di Zin mem bed gi nigom bibong ei Kades. Mpe dima ne Miryam niyaijo ngwig hon ba, itig noni ei sirima.

KORINTUS GI NIGOM 11:5

No di sop di ya ei yo di imang bibor yoho bei bingat nadi ba, tri tut Allah nihyet cem lo, nggai kep ser nibou bi binim kep nijep. Gima tereu nok ikak nibou nta leu su.

SAMUEL GI NICAN 6:16

Tirigi sindi ittei Brua dima bicoi kwei ei minu dima lene Mikhal po Saul nipmisop pima ya ei kendera mihyeti bingat lo, Nibou Ndig Daud pri-pri nyen bibinggei sut tuhan lene Mikhal ningon pus tut noni nindig bibor.

SAMUEL GI NICAN 6:5

Lene Daud kin mben Israel nindigsi nya yahagom ipri-pri nyen bipai doia sindem bibor ba, ibinggei sut tuhan. Lene ikek ide nggong mbrei nya kin ndug nya kin mun di nggileng nya kin gong di nok yeng tug nya.

KORINTUS GI NIGOM 14:34

ma sop nya di igwam bit yo di mbusyamei nya ikimut yuhui. Harin dima yahap iji bimbrap a. Ma sop nya yoom yok leu ba, ibie tut tungwatu nya au. Gini bit leu nok Puig Yahudi niggai serti.

MBEN ISRAEL IMBUT-MBUT NYEN 12:1

Mpe dima ne Musa wak sop mben Kus gom nok nitnem noro Miryam kin Harun iba ighyet biyai noni drek dip.

NITRITI 31:27

Nggon rino aris bida ba, anang nyahan tut yok lo, apai sut brei bida bi i? Gino apo akuk na ba, apigo da leu lene midiba dingon llei bibor bikes je ba, nyeni nipai doia kin nibui ndung-ndung nya kin nimiep porei nya kep je noro bi.

SAMUEL GI NICAN 1:20

Ma jitri tut nihyet dini bak mben Gat ba, jahap jiji tut kak simpak nya ei Askelon au. Ma jibindei sop Filistin nya ingon llei bibor ba, sindig di intun yo di igwam Allah ninghim nya him imbos-hi-mbos au.

NIBOHON MBEN ISRAEL GI NIGOM 6:3

Amram yai nipmot bat nya ibou can ba, inyeng rino Harun kin Musa. Noni yai nipmisop Miryam cem. Harun yai nipmot bat nya ibou bitai. Nadab kin Abihu kin Eleazar kin Itamar.

NIBOHON MBEN ISRAEL GI NIGOM 15:16

Daud cuk nibou Lewi dima yok leu binhyepo indo ibou poi leu ide keret mem gima ipai doia ba, ibikek nggong mbrei kin yeng beng ngkimom-tembaga di ibui cem ba, ibipai doia niyai nillei cem.

NIBA NINGON SRIP HUKTI 3:4

nituti mem ipim kin nituti mem ipa cem ba, nituti mem ingon ngguk kin nituti mem ipri-pri nyen cem ba,

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

MBEN ISRAEL IMBUT-MBUT NYEN 12:2

Lewo yahacem inso-nso nyen bipai “tuhan sok nihyet ei Musa nongkom dip bak mben Israel e? Noni sok nihyet ei nyeni dip cem mem yok bi e?” Lene mun di ipai dima tibim ug ei tuhan nitingou nsi.

NEHEMIA 6:14

Lene dingat nadi “Allah e, ma ayo ngon kep Tobia Sanbalat nya ibon munti dima ba, akes hukum ei yok dip drek dip! Lene ayai nok gima tut nabi sop Noaja kin nabi nindigsi nya di ijoi sut yahak nittin ei dati dini.”

MAZMUR 68:26

Nimpung nipai doia injei bibie lene nimpung di ikek nggong mbrei injei abia kep yok lo, nimpung sop nigwam nitta pilei di impig mun di nggileng igya nahacanti. Doia di ipai dima nibimbiti pai,