NEHEI LEUSI 15:2 - ALLAH NIHYET MEM TUNGWATU NYA

² tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

NEHEI LEUSI 15:2 ပူးပေါင်းရင်းမြစ်များ

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 49:18

tuhan e, dimem kep ser tto bou tirigi akwei teu da hak!

SAMUEL GI NICAN 22:3

tuhan ne tentara nibousi di diya coi di bindei ba, dingon jo nyahan ri. Digwam coi Noni lewo Noni nok bor ngug biyon gau da. Noni ba Nide mun di bipukep ser tibor ninggwenti nya binyohou da kikau.

SAMUEL GI NICAN 22:47

tuhan niyaijo o! Dikon ditde No di ya srak ko hagau da ninyeng o! Jikon ditde Allah di teu da bidingwes ngun ninyeng di jei o!

SAMUEL GI NICAN 22:51

Allah sindem tut Nide nibou ndig di Nonti kon ninyeng leu binhyepo bindei cut siceu nya bicut bibor ug. Ningon ngakei No di Noni dimig ei su kikau. No dima ne Daud kin nide nintun him di bram yamti bijo ninno bijo kikau ri.

SAMUEL GI NICAN 7:24

Na di tuhan abindei ba, mben Israel inok Ade limwa nya bijo ninno bijo kikau ba, Nanti anok ide Allah.

SAMUEL GI NICAN 7:5

“Disok dihyet ei na dip bak Ditde awak Daud. Apai binoni bipia dem mem gima noni ngot ig mem Da bidibongti bi.

NIBOU NDIG NYA GI NIGOM 8:13

Tini bu ne dingot ig di kei-kau-kei mem Na leu binhyepo akwei bong bit nye bijo ninno bijo kikau.”

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOHON MBEN ISRAEL GI NIGOM 16:14

Ide Allah ne tuhan ri. Nikos tutti nya hagom bon ninyeng mem tungwatu dihyeisi dini hagom.

MAZMUR 109:1

Doia Daud mem no di bie tut doia nimpung. Allah di dikon-kon nyen anyeng e, ma agwam ba, ammou hak au.

MAZMUR 118:14

Noni sindem tut da leu api dinggei sut Noni lewo Noni teu da bidingwes ngun tu.

MAZMUR 118:21

tuhan e, dinggei sut Na lewo abuhup dihyet ba, abindei dino siceu nya icut bida tu.

MAZMUR 118:28

Nani ne ditde Allah rin ba, dipai sigyo biNa biditri tut anyeng jeisi.

MAZMUR 132:5

bibou dingot ig mem Yakub de Allah kin nghim nsi gom mem tuhan Di Sindem Bibor ug e.”

MAZMUR 140:7

tuhan e, dipai bina “Nani ne ditde Allah rin. Angig atingou mem dihyet di dahara hwou biNa.

MAZMUR 145:1

Daud de doia nibinggei sut tuhan. Ditde Allah kin ditde Nibou Ndig e, miditri tut anyeng di jei bidipai sigyo biNa bijo ninno bijo kikau.

MAZMUR 18:46

Mimbri di kui ingkek cut leu yok leu api iba idigit-digoi behei leu ide tentara nibousi di igya coi nya.

MAZMUR 22:10

Na di Allah e, Nangkom abindei hei da kwei leu dipmem ninghopti leu api dingon jo nyahan tirigi po digwam ei dipmem nimigsi.

MAZMUR 22:3

Ditde Allah e, dahara Na mem mmun-njap noro abuhup dihyet bi. Dingat nadi mem mmun noro dingon jo nyahan bi sren.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 28:8

tuhan yai nisindemti bak Nide limwa nya biya srak ko hagau Nide nibou ndig di Noni dimig ei su. Tuhan nok tentara nibousi di noni ya coi.

MAZMUR 30:1

Doia Daud mem nipiga Allah De Igsi.

MAZMUR 34:3

Dinggei sut Noni tut niyai munti nya. Ma yo di indwau nya ingig itingou mem dihyet di bindei ba, ingon llei.

MAZMUR 48:14

Jicap ngug tig ba, jiyok jiyai kep tentara nibousi di igya coi nya leu binhyepo jipui sut gima yok hagom bak jide nintun him yamti di bram yam nya bu. Ma jipui biyok,

MAZMUR 59:17

Noro diba doia bikiek Ade nisindemti. Bikwop njap tekti lene dipai doia bidihyet bong ba, dibikiek angon ngakeisi kin angon gomti. Lewo Nani ne mpia di dinang coi ba, mpia di digwam coi ei mpe di duum mun di buhun ri.

MAZMUR 68:20

Ma jinggei sut tuhan lewo Noni ne Allah di teu nye di ingwes ngun bikon ide mun di buhun ei ninghat dip bikwop njap-njap cem ri.

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NEHEI LEUSI 4:22

Lene asok kep noni bipia Da di tuhan disimbot dat bipia Israel ne dimunggwom mighumbou ri.

NEHEI LEUSI 40:34

Lene bumbuhui pima juk kwei binggai kep tuhan de Prak Meng leu api tuhan de nikei-kau-keisi piga ei Prak Meng nsi.

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 25:1

tuhan e, Nani ne ditde Allah rin ba, dikon anyeng bidinggei sut anyeng cem. Lewo Ade midyai di ayai nya bindei ninggap leusi. Aba angon di gom bindei mbut angon kanti di atin ei habiei leu nimbie him kwei su ba, ug kikau.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YEREMIA 3:23

Gi ninduk yam ug ei nungug dip nya binikuk nye bak kwar nya ne mikui-kausi he. Nyende tuhan Allah Nongkom mimpu nye di mben Israel.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:38

Mpe dima lene Ditde limwa nya rino yoni ba, dinok ide Allah.

HABAKUK 3:13

Akinyon ei Ade midyai dimati leu binhyepo akwek Ade limwa nya ba, ateu nibou ndig di adimig ei su ba, ningwes ngun. Abindei timek no di bie tut yo di imbuk bibor nya leu api ahwen nide limwa nya cem ba, itimek bingwig.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

LUKAS 1:77

atri tut bak Nide limwa nya bipia Noni miteu yok leu sisar leu binhyepo igyai niyaijo nijep tug hon gi igyai nikos ser ide sisarti.

LUKAS 2:30

Dingat No di miteu tungwatu nya leu ide sisar biyai niyaijo nijep biyok bou diyai him tu.

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

KORINTUS GI NICAN 5:19

Nitri tut bipia Allah yai tungwatu yahagom ingon kwes kin Noni hanyen tug hon Kristus. Noni kwop kep ide sisar di ibon tunggwei sut Noni bu bi. Leu api Allah kes midyai nitri tut ningon kwes kin Noniti hanyen ei nye dip tu.

EFESUS 2:22

Kristus ba jeni kin nindigsi di inok gom kin Noni jahagom bingot ig ningat gom mem Allah di ba Ninnei bibong ser.

NINDAT KEP TUHAN NICUKTI NYA 10:21

Ma jinggei sut Noni lewo Noni ne tuhan di nok jide Allah ri. Noni bibon mun di mindur nindig bibor kin mun di bindei ba, jinga leu Noni tut mem je bou jiyai him tu.

FILIPI 2:11

Ba, yahagom mitri tut brei bak tungwatu nya bipia Yesus Kristus ne Tuhan rin ba, inggei sut Icig Allah.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

KOLOSE 2:9

Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

NINGAT-HI-NGAT NYA 19:1

Gima ngwig leu lene dimiap mun di nok tungwatu nya ningot ndig ighyet di kui yam ei gwamti bipai “Jikwei ba, inggei sut Allah! Noni teu tungwatu nya leu sisar biyai niyaijo nijep biyok ba, ninyeng jei bibor ba, Noni sindem bibor cem!

NIJAM NIKEI NYA 5:21

Minyei Kisyon su nindig bibor bikot nyende siceu nya yahagom bimai bingwig. Sinnei e, kei mem sibrim singkek ba, simbut sindem.