NEHEI LEUSI 15:18 - ALLAH NIHYET MEM TUNGWATU NYA

¹⁸ Nani ne tuhan cem Nibou Ndig cem rin ba, anyeng mitak kep Ade limwa nya bijo ninno bijo kikau.”

NEHEI LEUSI 15:18 ပူးပေါင်းရင်းမြစ်များ

NITRITI 21:33

Lene Abraham ta biei tamariska nikioi gom ei Bersyeba. Hon kep njap dima kui lene noni kuk no bak tuhan dino Allah Di Niyaijo Kikau ei sirima.

MAZMUR 10:16

tuhan ninyeng tak kep limwa nya bijo ninno bijo kikau. Ngkiai nya di ikan tut Noni bi nya misar bingwig leu Nide dihyei a.

MAZMUR 146:10

tuhan ne Nibou Ndig bijo ninno bijo kikau ri. Je di timiei Sion e, jide Allah ninyeng tak kepti jo ninno bijo kikau. Ma jinggei sut tuhan!

MAZMUR 29:10

tuhan ninyeng tak kep muk ndigsi di jut bibor ba, ninyeng tak kep nok Nibou Ndig bijo ninno bijo kikau.

MAZMUR 9:8

tuhan ninyeng tak kep tungwatu nya bijo ninno bijo kikau. Noni win Nide banggo mbrei mem gima bimbus tungwatu dihyeisi dini ingonti.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 4:3

Mbenjen! Nide bindo di ndo brei binye nindig bibor! Mbenjen! Nide mindur di bibon mem nye cem mipbor ngat! Allah ne nibou ndig bijo ninno bijo kikau ri. Ninyeng tak kepti ug hon nohonti bi sren.”

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

DANIEL 7:27

Mpe dima lene Allah Di Ninyeng Jei Bibor miyai ninyeng tak kepti ide nisindemti kin nikei-kau-keisi ei dihyei nisurti-nipekti hagom bak Nide limwa nya. Ide nisindemti mem inyeng tak kep mijo ninno bijo kikau leu api nibou ndig dihyeisi dini yahagom mikuk yok biyok bibit ighyet.”

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

NINDAT KEP TUHAN NICUKTI NYA 33:5

Tirigi mben Israel kin ide nibou nya imbus yam ei pima lene tuhan ndo Nonti nok ide Nibou Ndig.”