NEHEI LEUSI 15:13 - ALLAH NIHYET MEM TUNGWATU NYA

¹³ Abie tut Ade limwa nya di ateu yok bingwes ngun pima bit leu nok apreu ei mem yok tu. Anyohou yok tug hon Ade nisindemti leu api abie tut yok ug ei minu di kwes kei di apreu ei mem yok tu.

NEHEI LEUSI 15:13 ပူးပေါင်းရင်းမြစ်များ

MAZMUR 77:20

Ambut ei muk di tti bibor ningwa dip. Asigon muk di jut bibor lo, hi gingat amig ceti nya bi.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

MAZMUR 106:9

Muk Lipig pingge lai de bit leu Nide nicukti leu api Noni buwak Nide limwa nya bimbut ninggati ei muk ninggimau yon dem kep nok imbut ei iggum ndigsi.

EFESUS 2:4

Noro Allah De ningon ngakei tungwatu nyati di nindig bibor bindei ba, ningon nggriu sut nye bibor!

MAZMUR 80:1

Doia Asaf mem no di bie tut doia nimpung bit leu nihyet nibikiek Mitou Bakung.

NITRITI 19:16

Noro Lot hig ningon eisi. Lene tuhan ningon nggriu sut noni apino yo cin dima ibrim noni kin nitnem kin nipmisop bat cin inda leu api yehei sut yok leu Sodom.

NEHEMIA 9:12

Aba bumbuhui ttou bibie tut yok mem njap lene aba cou hum bipiga digai ide puig mem mmun.

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

NEHEI LEUSI 15:16

Yahagom ittin ba, ingon nde bibor lewo ingat Na di tuhan Ade nisindemti bou igyai him tu. Yahagom inghuisi jet ba, ittin bibor bibou Ade limwa nya di akwek yok leu awak pima imbut sin yokti binjiriek yok ug e.

NEHEI LEUSI 15:17

Abie tut mben Israel ug ei gumihyep dino apek hanjop eisi mem gima abong bit yok. Ata yok ei Ade nungug di kwes-kwau keiti ba, ei Ade Ig di angot ei su cem.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

SAMUEL GI NICAN 15:25

Lene nibou ndig pai bak Zadok “Ma angkwei sut Brua Gi Preu hanyen ug ei nijoti. Gino tuhan joi sut da lene Noni misindui sut ba, dikwei hanyen ei nidipti bu leu binhyepo diyok diyai kep brua dima kin mpia ttou nsi di joti.

MAZMUR 74:2

Ayok ngon kep Ade limwa di adimig ei habiei nipou kwei su. Ayok ngon kep mben di akwek yok leu binhyepo inok Ade limwa nya. Ayok ngon kep Mbigdip Sion di abindei binok Ade mpia di agwam niti.

MAZMUR 78:35

Igyok ngon kep bipia Allah ne No di ya srak ko hagau yok ba, No Di Ninyeng Jei di teu yok bingwes ngun cem ri.

YESAYA 51:10

Nani rino abindei di muk ndigsi di jut pingge hak ug a. Atin puig ei minyei nikieti leu binhyepo dem mem yo di ateu yok di ingwes ngun nya ikak biyuug dihip ei nite hi.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.