NEHEI LEUSI 14:22 - ALLAH NIHYET MEM TUNGWATU NYA

²² Lene minyei kwas hacan. Tirigi mben Israel isigon lene imbut imig ei minyei jou di pingge leu su ba, minyei di tti kui nai tti butnap kui biwer tring sir yok.

NEHEI LEUSI 14:22 ပူးပေါင်းရင်းမြစ်များ

NIBOU NDIG NYA GI NICAN 2:14

Lene noni ba Elia de ban bibui minyei ngwa dip bipai “Elia de tuhan Allah No ritou i?” Lene ba ban dima bibui minyei ngwa dip mbigom kin bu bibindei ba, minyei bitun hacan leu yam leu api noni mbut ei minyei nipingge leusi buug ei nite dima ug.

NIBOU NDIG NYA GI NICAN 2:8

Lene Elia juk nide ban binjui kok yam leu api ba ban dima bibui minyei ningwa dip bibindei ba, minyei bitun hacan leu yam leu api noni kin Elisa imbut ei minyei nipingge leusi biyuug ei nite dima ug.

NEHEMIA 9:11

Atin puig mem Ade limwa nya ei muk ngeisi ba, abie tut yok bimbut kak ninggati. Noro minyei dima kot yo di yuhuk bram yok bisar bingwig ei minyei jou dem kep nok tig di cut ug ei muk mpoti.

MAZMUR 106:9

Muk Lipig pingge lai de bit leu Nide nicukti leu api Noni buwak Nide limwa nya bimbut ninggati ei muk ninggimau yon dem kep nok imbut ei iggum ndigsi.

MAZMUR 136:13

Noni kwas Muk Lipig hacan buut kui nai buut butnap. Nide ningon ngakeisi jo ninghig-niker.

MAZMUR 136:14

Noni buwak Nide limwa mben Israel ba, yuug dihip ei nite hi. Nide ningon ngakeisi jo ninghig-niker.

MAZMUR 66:6

Noni luei muk ndigsi binok dihyei nggati bu. Nyeni nidigup bat-nidigai bat nya imbut ba, isigon biyuug dihip ei nite hi. Nyeni ningon nggei-hi-nggei sut nibon munti ei mpia pima.

MAZMUR 74:15

Abindei ba, minyei bousi kin minyei nda nya biam lo, minyei pmem pingge hanyen.

MAZMUR 78:13

Noni tin puig ei muk nahacanti leu api ya tut yok bisigon ug ei nite hi. Minyei kui sur yam kui nok gi Noni jung ser minyei ei inda com kin inda prak.

NEHEI LEUSI 14:29

Noro mben Israel imbut imig ei minyei ninggimau di ngga kei lo, minyei hagom tti kui nai tti butnap biwer tring sir yok.

NEHEI LEUSI 15:19

Mben Israel imbut imig ei minyei jou di bon ninggati ei minyei ninggimau. Noro tuhan bindei ba, minyei biam hanyen bisur yam ser mben Mesir tirigi ide kroba pran nya kin kuda nya kin yo di ibri bikrau nya yuhuk bram yok.

NEHEI LEUSI 15:8

Amiep minyei ngwa dip apino abindei hagom tti kui nai tti butnap biya pijum dem kep nok tring. Abindei ba, minyei jou dem kep nok ninggati di ngkiem bibor.

YESAYA 11:15

tuhan mibindei ba, muk nuhuisi Suez pingge leu api hou di dut kui bibindei ba, Minyei Efrat nok minyei pmot muhwindacan di jut bi. Ba, tungwagom-gom ba srop he bisigon ug ei nite hi.

YESAYA 11:16

Puig ndig di noyam kin puig di mben Israel ikak mpe di po yehei leu minu Mesir pima miningat rin mem tuhan De limwa di niken-ken nya di yehei kwei leu minu Asyur yo.

YESAYA 43:16

tuhan tin simpak gom ei muk ndigsi ninggimau bitin puig ei muk di kui mpia nyen nikieti nipou su.

YESAYA 51:10

Nani rino abindei di muk ndigsi di jut pingge hak ug a. Atin puig ei minyei nikieti leu binhyepo dem mem yo di ateu yok di ingwes ngun nya ikak biyuug dihip ei nite hi.

YESAYA 63:12

tuhan po ya tut Musa pima no ritou i? Lewo Noni ba ninda di sindem bibor bitot minyei ngwa dip ei yoho bei bibindei ba, tungwatu nya ikon ninyeng bijo ninno bijo kikau.

YESAYA 63:13

tuhan po bie tut yok tirigi imbut imig ei minyei jou pima ritou i? Mpe dima lene inok kuda di mbut sindem bibor ei iggum ndigsi di cut-cut nyen bi sren.”

ZAKHARIA 2:5

tuhan preu ei bipia Nonti ne hum di cig-cai di nok ngug tig di bikrop ttai minu ndig dima binyohou yok lene bigwam tut Nide nisindemti kin ninyeng di jei biborti hagom eisi.”

MBEN ISRAEL IMBUT-MBUT NYEN 33:8

Lene ijo leu Pi-Hahirot bisigon Muk Lipig leu api imbut kak iggum ndigsi Etam mem njap ningai biyuug krau Mara lene yohok ide prak meng nya ei sirima.

KORINTUS GI NIGOM 10:1

Disut bat jen, ma jiyok ngon kep mun di pek kep mem idigup bat-idigai bat nya di ibit Musa. Bumbuhui ttou nyohou yok ba, yahagom isigon Muk Ngwoi bikwei dihip ei nite dini kwei.

IBRANI 11:29

Niba ningon comti bindei ba, mben Israel isigon Muk Ngwoi tereu nok imbut ei ninggati. Noro tirigi mben Mesir ibingon ba, isigon lene minyei kot yahagom bingwig.

YOSUA 3:16

minyei mikes hon ba, biam bu bi. Leu api minyei hagom mitti kui nai dem kep gino hi hajung ser minyei ei minu ndig Adam dideu minu ndig Sartan. Lene minyei ninggup di biam ug ei Igpong Nsim bon nipingge leusi. Gima rino bon nituti di kei bibor mem mben Israel isigon Yordan pingge leusi di birok kik minu ndig Yerikho.

YOSUA 3:17

Tirigi mben Israel ikak ninggati dima lene imam di ikon tuhan de Brua Gi Preu pima igya ei minyei nipingge leusi ei minyei nggimau bibou tungwatu nya yahagom yuug dihip ei nite dima ug nipou leu ug e.

YOSUA 4:22

ma jipui biyok tut mpe di po je di mben Israel jisigon Minyei Yordan bijimbut kak nipingge leusi.

SAMUEL GI NIGOM 25:16

Nijam di ninyohou domba kin kambir nya dideu yoni lene yoni inyohou nye bikwop mmun-njap.