NEHEI LEUSI 13:9 - ALLAH NIHYET MEM TUNGWATU NYA

⁹ Nibon midut dima mipingok jingonti dem kep nok mun di bindo di jingot kin jinda kin jingwak. Lene nibon midut dima mipus jingonti leu binhyepo jindat kep tuhan niggai serti nya ei juhui him ba, jiku hagom ei jingonti cem lewo tuhan buwak je bijingwes ngun leu minu Mesir tug hon Nide nisindemti di nindig bibor.

NEHEI LEUSI 13:9 ပူးပေါင်းရင်းမြစ်များ

NEHEMIA 1:10

tuhan e, nyeni ne Ade awak kin Ade limwa nya ri. Nipou ne ateu nye biningwes ngun tug hon Ade nisindemti di nindig bibor di nok mindur bibor cem.

MAZMUR 136:11

Noni buwak mben Israel ba, yehei leu minu Mesir. Nide ningon ngakeisi jo ninghig-niker.

MAZMUR 136:12

Noni ba ninda di sindem di mimbri kui bibuwak yok leu. Nide ningon ngakeisi jo ninghig-niker.

MAZMUR 89:13

Apai tes minu di jo nite bei mpia nijjai kin mpia nibiho cem. Nungug Tabor kin Nungug Hermon iba ingon di llei bimbos-hi mbos dem kep nok tungwatu nya.

NEHEI LEUSI 12:14

Ma jiyok ngon kep njap ndig tut nibon midut dini nok mun di pus jingonti tut mun di Da di tuhan dibibon mem je. Suar jiyok ngon kep njap ndig dini bikwop ari bingwam hagom bijo ninno bijo kikau.”

NEHEI LEUSI 12:41

Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.

NEHEI LEUSI 13:14

Gino jipmot bat nya ingon kiowi tut nibon midut dini bihig ser je tut ei nidipti bu lene jibuhup biyok bipia tuhan buwak nye bingwes ngun leu minu Mesir tug hon Nide nisindemti di nindig bibor lewo mben Mesir yuubon nye nok awak ei sirima nipou su.

NEHEI LEUSI 13:16

Lene nibon midut dini mipingok jingonti dem kep nok mun di bindo di jingot kin jinda kin jingwak bipingok jingonti tut gi po tuhan buwak je bijingwes ngun leu minu Mesir tug hon Nide nisindemti di nindig bibor.”

NEHEI LEUSI 13:3

Lene Musa pai bak mben Israel “Ma jiyok ngon kep njap di ammani nok njap dino jimbut bijingwes ngun leu mben Mesir nya di yuubon je nok awak. Lewo njap di ammani ne tuhan buwak je leu minu dima tug hon Nide nisindemti di nindig bibor. Gima rino ma jiyem roti di dwoi mem njap dini au.

NEHEI LEUSI 3:20

Noro midiba Ditde nisindemti bikes hukum ei mben Mesir dip tug hon mun di buhun bibor di micut igkep yok. Apino Firaun misindui sut je bijimbut hak.

NEHEI LEUSI 7:4

Mpe dima lene midikes hukum di buhun bibor ei yok dip leu api midibuwak Ditde limwa di mben Israel yahagom ba, yehei bingwes ngun leu minu Mesir.

NIPINGOK NINGONTI 1:9

Lewo ide nipingok nati nya mibindei ba, angon singat kei lene gima tereu nok mun di abimau abou kin miep komti di andei.

NIPINGOK NINGONTI 3:21

Gima rino dimunggwom na e, ma akrau kep ningon kiti kin nikan-kan nyenti di mahan! Ma akes gima jit ei au.

NIPINGOK NINGONTI 7:23

bibou tibor ndei ningon bikus nite hi ba, noyam kin ha di srou jala cem lewo jei bi ne niyaijo ngwig hon nohonti lo, ningon dorti tut bi.

DIUN MIMUN 8:6

Abindei bidinok angon kieti. Ma anggriou hiter au noro ma anggriou dangkom ngat he. Lewo ningon ngakeisi dima nisindemti noyam kin nimai nisindemti ba, ningut kanti cem ninyeng tak kep limwa nya noyam kin nimai. Ningon ngakeisi ninjeng di sror dem kep hum njeng di ninjeng cig-cai bibor.

YESAYA 27:1

Mpe dima lene tuhan miba nide singau simeda di sindem di ninggwenti nggres kei bikes hukum ei mindhe Lewiatan di srei di nghau-nghau nyen dima dip ba, yai nimai bak mindhe naga di bong muk ngeisi cem.

YESAYA 40:10

Jingat i! tuhan Di Sindem Bibor dideu su ba, ninyeng mitak kep biyai nibou tut yok bit leu Nonti ningon kanti. Noni buwak yo di Noni kwek yok tu pima bigya abia kep Noni kwei.

YESAYA 44:5

Ngkiai nya gom-gom sindam mipai jit bipia dikuk da bak tuhan. Yoni miba yok bikum yo di intun Yakub him. Bikwop yo dini yahagom miwim tuhan ninyeng ei inda pang bipai sut yonti bipia yoni ne tuhan de limwa nya ri.”

YESAYA 49:16

Minu ndig Yerusalem e, diyok ngon kep na kikau ba, dipas kep anyeng ei dinda bia bei.

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

YESAYA 59:21

Dibon nipreu ei mem jeti nok gini. Diyai Ditde nisindemti kin dingginausi bije bijo ninno bijo kikau. Njap di ammani kui ne ma jiba dihyet bingginau jimunggwom bat nya leu binhyepo ibingginau imunggwom bat nya leu nintun him yamti di bram yam ug ei nintun him yamti di bram yam gi bram bu bijo ninno bijo kikau.”

YEREMIA 22:24

tuhan pai bak Nibou Ndig Yoyakhin di Yoyakim nipmot di nok nibou ndig mem minu Yehuda “Dipai bina tug hon Da di Allah di niyaijo dinyeng bipia mbro nok gino adem kep srak mas nibitak buk di jo dinda comti lo, midijuk na leu dinda,

DANIEL 9:15

tuhan di nyende Allah e, ando Ade nisindemti tirigi po abuwak Ade limwa nya kwei leu minu Mesir. Tungwatu nya yahagom igyok ngon kep Ade nisindemti dima kikau kwei bipek ammani kep. Noro nibon kep sisar biniyai mun tunggwei cem tu.

YOEL 2:11

tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

MBEN ISRAEL IMBUT-MBUT NYEN 15:39

Sinsun bou mbu dima ne mun nibiyok ngon kep ri. Bikwop mpe di jingat gima yok lene ma jiyok ngon kep dicuk jeti nya hagom ba, jiyai igbit. Tug hon nisinati dima mijibbwe ser Dani leu ba, jibit jenti jingon kanti kin jingon pri kepti nya bi.

MATIUS 23:5

Igyai kep igyai kepti nya hagom brei bou tungwatu nya igyai him he. Ikui li ba, indei miep ho di ayat joti nya binap ninggrun di jei bibor bindun him ide sinsun ndok di jei ninghas him cem,

ROMA 10:8

Noro nimbot kepti pai “Allah Nihyet jo dideu je ei juhui him kin jingonti.” Gima ne nihyet di pai bipia suar tungwatu nya iba ingon com Allah di nitri tut bije.

NINDAT KEP TUHAN NICUKTI NYA 30:14

Ma jihig yam nok gima au. Lewo nicuk jeti nya jo dideu bibor ei jibou ngwakti kin juhui him cem. Gima rino krop kei mem jibit hagom nok gi kei.

NINDAT KEP TUHAN NICUKTI NYA 5:15

Ma jiyok ngon kep bipia nipou yo lene mben Mesir yuubon je nok awak. Leu api Da di dinok jide tuhan Allah diba nisindemti di nindig bibor bikwek jeni. Gima rino dicuk je bipia ma jibon midut nibiyok ngon kep Njap Nigwam Kep Ninghuisi a.

NINDAT KEP TUHAN NICUKTI NYA 6:21

Lene ma jibuhup ‘Gi nipou lene ninok awak mem nibou ndig mben Mesir noro tuhan teu nye biningwes ngun tug hon Nide nisindemti di nindig bibor.

NINDAT KEP TUHAN NICUKTI NYA 6:6

Ma jingon prion ser nicukti dini yok di ditri tut bije njap di ammani jit au.

NINDAT KEP TUHAN NICUKTI NYA 6:8

Ma jiba nicukti dima yok bikri jinda pang ba, jibikri jingwak nok bindo.

NINGAT-HI-NGAT NYA 18:8

Pai nok noro nsuwer ajar mihwen noni drek dip nipaisi dima. Noni minggwen cem ningon mingguk bibor cem ninggum bibor mihwen noni cem ba, hagom micut igkep noni mem njap gom ngat he. Hum miyem noni bingkiong lewo Allah Di Sindem Bibor rino kes hukum ei noni dip a.”

NIJAM NIKEI NYA 2:12

Mbro nok gino tuhan di nok idigup bat-idigai bat nya ide Allah teu yok bingwes ngun leu minu Mesir lo, tini bu ne ikes hon ba, ikuk yok bak Noni bu bi. Leu api ikuk yok bak ngkiai di ibong ttai yok ide kwar nya bibindei ba, tuhan ningon sibui sut yok.