NEHEI LEUSI 13:5 - ALLAH NIHYET MEM TUNGWATU NYA

⁵ tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

NEHEI LEUSI 13:5 ပူးပေါင်းရင်းမြစ်များ

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NEHEI LEUSI 12:24

Suar jeni kin jimunggwom bat nya jibit tuhan nicuk jeti dini hagom bijo ninno bijo kikau.

NEHEI LEUSI 13:10

Ma jibon pesta kep nibon midut dini dem igbit tto bou bikwop ari bingwam hagom.”

NEHEI LEUSI 13:11

Lene Musa pai bak mben Israel bu “tuhan mibuwak je ug ei minu Kanaan bit leu nok Noni ba neheng bipreu ei mem jeni kin jidigup bat-jidigai bat nya. Tirigi jinyeng tak kep minu dima lene,

NEHEI LEUSI 3:17

Dikos tut bipia midibuwak yok leu minu Mesir lewo mben Mesir iba isibut bico kep yok. Leu api midibie tut yok ug ei minu jep di bon ninnumti di kei bibor lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

NEHEI LEUSI 33:1

Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.

NEHEI LEUSI 34:11

Suar jibit niggai serti di diyai bije njap di ammani. Midijji mben Amori kin mben Kanaan kin mben Het kin mben Feris kin mben Hewi kin mben Yebus yahagom bingwig leu je sindam tirigi jicoi ug ei minu dima.

NEHEI LEUSI 6:4

Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.

NEHEI LEUSI 6:8

Lene Musa ndat kep tuhan nihyet dini hagom bak mben Israel noro imiap ba, ibit nihyet bi. Lewo mben Mesir ide niba nisibut bico kep yokti pima bindei ba, ingon cut leu su.

YEREMIA 11:5

Gino ibon mun dima yok hagom lene midiyai bipek kep mun di dipreu ei mem idigup bat-idigai bat nya. Midiyai minu di nogindini ibongti dima di nnum kei di mun nyeng hagom dem kei joti dima biyok ri.” Lene dibuhup bak “tuhan e, Igbit ri.”

YEREMIA 32:22

Ayai minu di nnum kei dini cem biyok bit leu nok Ade nipreu bak idigup bat-idigai bat nyati.

YEHEZKIEL 20:6

Mpe dima lene diba neheng bipai bipia midibuwak yok kwei leu minu Mesir ndam minu gom di dimig ei mem yok. Minu dima bon ninnumti di kei kin dihyei di kei bibor kei dor njiriek minu nindigsi ei dihyeisi dini hagom.

IMAM NYA IDE MIDYAI 20:24

Dipreu kep jeni tut minu di bon ninnumti di kei bibor dima tu. Ba, diyai dihyei dima bije ba, jima bou je nok jide. Dani ne tuhan ba, jide Allah rin ba, didimig jeni bijo ter leu ngkiai nya ikieti.

MBEN ISRAEL IMBUT-MBUT NYEN 11:12

Dipai tes yok ba, disrek tut yok cem bi. Nggon rino ando da mem gima duusap yok dem kep nok no di sop hon ningwoi-ngwoi kikau ug ei minu po apreu sut ei mem idigup bat-idigai bat nya pima i?

MBEN ISRAEL IMBUT-MBUT NYEN 13:27

Ipai bak Musa “Ningig niyai kep minu dima lene jo nibreisi bipia dihyei dima bon ninnumti nindig bibor ba, biei nya hagom nimeng nggrou. Angat biei ngat gom-gom di nibiang kwei rini.

MBEN ISRAEL IMBUT-MBUT NYEN 14:16

tuhan hwen Nide limwa nya bingwig ei iggum ndigsi lewo Noni sindem mem gima buwak yok kikau ug ei minu di Noni preu sut ei mem yok habiei pima kan bi.

MBEN ISRAEL IMBUT-MBUT NYEN 14:30

Gi nipou lene dipreu ei mem je tut minu dima tu noro jigom micoi ug ei minu dima bi sren. Ibou can di inyeng Kaleb kin Yosua he micoi ug eisi.

MBEN ISRAEL IMBUT-MBUT NYEN 32:11

‘Yo dini iba ingon di gom bibit Da bi. Gima rino deheng tut bipia bikwop yo di ide njap ug ei ari bingwam nyatungwagom bikui mpe di po yehei leu minu Mesir pima lene hi dima micoi ug ei minu di dipreu ei bak Abraham Ishak Yakub yoni pima bi.’

NINDAT KEP TUHAN NICUKTI NYA 12:29

“tuhan di nok jide Allah micok tut ngkiai nya bingwig hammi tirigi jicoi ug ei ide minu leu api mijikieng kep bijibong kei jigwam kei eisi.

NINDAT KEP TUHAN NICUKTI NYA 19:1

“Tirigi jide tuhan Allah bindei sar mben dima yok leu jingwak him lene yai ide minu bije leu api jibong ser ide minu ndig nya kin ide ig nya ba, jibong kei jigwam kei eisi tu,

NINDAT KEP TUHAN NICUKTI NYA 26:1

“Niabiati jikieng kep minu di tuhan di nok jide Allah yai bije bijibong kei jigwam kei eisi tu,

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

YOSUA 24:11

Ei niabiati bu lene jisigon Minyei Yordan ba, jimbut ug ei minu ndig Yerikho. Lene tentara Yerikho kin mben Amori kin mben Feris kin mben Kanaan kin mben Het kin mben Girgasi kin mben Hewi kin mben Yebus yahagom ihwen je noro dibindei ba, yoni cem icut bak jeni leu api jihwen yok bingwig.