Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NEHEI LEUSI 13:2 - ALLAH NIHYET MEM TUNGWATU NYA

2 “Ma adimig munggwom pinai mighumbou nya yahagom ei mem Da lewo dinyeng tak kep mben Israel ide munggwom pinai mighumbou nya kin ide mindhe-ndhe nipmot bou nya yahagom.”

အခန်းကိုကြည့်ပါ။ ကော်ပီ




NEHEI LEUSI 13:2
19 ပူးပေါင်းရင်းမြစ်များ  

Minibuwak nipmot bat mighumbou nya bak imam nya ei tuhan De Ig leu binhyepo nidimig yok pijum ei mem Allah bit leu Nide nikos tutti nya. Minikwas sapi kin domba kin kambir nipmot bou nya cem tut Allah.


Minittei tepun di niba gandum di nikos nimbie him ngat biniyai bak imam nya ei tuhan De Ig bikwop ari bingwam. Miniyai nok gima tut munkwas nindigsi nya nok ba anggur ngei kin mini zaitun ngei kin biei ngat nindigsi nya cem. Minikwas ningat leu miaisi gom leu ningot gom lene nok leu api nikes hagom ei Lewi nya indati. Lewo yoni ingon ya mem gima imbus munkwas nya gom leu ningot gom lene nok gima bidem minu ndig di niyai miai eisi nya hagom.


Ma jihyet wer mpiahi tut Allah ba, jirom jihyet kui jide nibou ndig cem au.


Ma jikon gandum ningat ndrim hi ei Ditde ig mbusyameisi bikwop ari bingwam hagom. Lewo Dani ne tuhan ba, dinok jide Allah ri. Gino jikwen domba pmot ninghui e, he kambir pmot ninghui e, lene jiba nipmem nido ngei bikwen ei yeng gomti au.”


Lene asok kep noni bipia Da di tuhan disimbot dat bipia Israel ne dimunggwom mighumbou ri.


Leu api abui amunggwom bat pinai nya kin sop nya ba, andig yok ei nimbar hum dokti leu api abikuk na bak kwar nya. Ade ningon gom tut da bisi dima dem mem nani bi e?


Suar ma ayai dimunggwom bat nya cem ba, abui yok ba, andig yok ei nimbar hum dokti mem abikuk na bak kwar pima yok e?


Mindhe nipmot bou ne tuhan de ri. Gima rino harin dima jikwas gi hi dima nok mun di jikwas pijum ei mem nibon midut bit leu jijoi sutti a. Sapi nipmot bou kin domba nipmot bou kin kambir nipmot bou ne tuhan de hagom.


Bitut mben Israel ipmot mighumbou nya kin ide mindhe-ndhe nihyen kep nipmot bou nya hagom di ikwas pijum tut Dani ne ade ri. Noro suar asindui sut ba, mben Israel iba mitiei bipek ipmot mighumbou nya kin ide mindhe-ndhe di map kuisi nya hanyen.


“Nogindini dimbus yo di intun keret Lewi him bigya luei munggwom pinai mighumbou mben Israel yahagom. Keret Lewi nya ne Ditde nya ri.


Mpe di diyai nimai bak mben Mesir imunggwom bat mighumbou nya yahagom lene didimig mben Israel ipmot bat mighumbou nya kin ide mindhe-ndhe nihyen kep nipmot bou nya hagom pijum ei mem Danti. Ditde gima yok hagom. Dani ne tuhan ri.”


Lewo Allah nicukti pai “Suar jidimig bikwop pinai mighumbou yahagom ei mem Allah.”


“Ma jikwas sapi kin kambir kin domba nipmot bou nya hagom tut jide tuhan Allah. Ma jiba sapi nipmot bou nya dima bikkin dihyei ba, jikos domba nipmot bou dima ninta leu cem au.


Jikwei ya hon Allah nimunggwom mighumbou nya di iba ingon di llei bibor binduk yam kwei ba, inyeng tibim kin Allah de daptar ei gwamti. Jikwei ya hon Allah ba, Noni ne nikei di mbus tungwatu nya yahagom ingonti ri. Ba, jikwei ya hon tungwatu di ingon sren di imai su di Allah bindei bikei-kau.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ