NEHEI LEUSI 13:14 - ALLAH NIHYET MEM TUNGWATU NYA

¹⁴ Gino jipmot bat nya ingon kiowi tut nibon midut dini bihig ser je tut ei nidipti bu lene jibuhup biyok bipia tuhan buwak nye bingwes ngun leu minu Mesir tug hon Nide nisindemti di nindig bibor lewo mben Mesir yuubon nye nok awak ei sirima nipou su.

NEHEI LEUSI 13:14 ပူးပေါင်းရင်းမြစ်များ

NITRITI 30:33

Ei nidipti bu lene krop kei mem na di Andigpoi akan tut bipia diba dingon sren biyai midyai. Gino na di Andigpoi akwei ngig ayai kep ditde mindhe-ndhe nya ba, angat lo, kambir di ninta llikti bi kin domba di ninta nimmun bi srigsi lene na di Andigpoi akan tut bipia dimbrai gi hi dima leu nani tu.”

NIBOHON MBEN ISRAEL GI NIGOM 16:12

Je di jintun Yakub him di jinok Allah de awak kin je di jintun mben Israel him di jinok Nide limwa di mbus je ei su nya e, jiyok ngon kep mindur di Noni bon nya hagom. Ma jibbwe ser nikos tutti nya au.

NEHEMIA 1:10

tuhan e, nyeni ne Ade awak kin Ade limwa nya ri. Nipou ne ateu nye biningwes ngun tug hon Ade nisindemti di nindig bibor di nok mindur bibor cem.

MAZMUR 136:11

Noni buwak mben Israel ba, yehei leu minu Mesir. Nide ningon ngakeisi jo ninghig-niker.

MAZMUR 145:4

Tungwatu nya mitri tut Ade midyai di mindur nya bak ide nintun him yamti di bram yam nya sindam bitri tut mimbri di kui angkek cem.

MAZMUR 78:4

Niku gima bijo nding leu nimunggwom bat nya bi. Minitri tut tuhan nisindemti kin Nide midyai di nindig bibor nya kin Nide mindur di bon nya hagom bak nintun nye him gi nidipti bu nya.

NEHEI LEUSI 10:2

Lene apui sut notou diba mben Mesir bikek tug hon mindur dini yok bak amunggwom bat nya kin agnyon bat nya. Ba, jahagom mijikan tut bipia Dani ne tuhan ri.”

NEHEI LEUSI 12:41

Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.

NEHEI LEUSI 13:3

Lene Musa pai bak mben Israel “Ma jiyok ngon kep njap di ammani nok njap dino jimbut bijingwes ngun leu mben Mesir nya di yuubon je nok awak. Lewo njap di ammani ne tuhan buwak je leu minu dima tug hon Nide nisindemti di nindig bibor. Gima rino ma jiyem roti di dwoi mem njap dini au.

NEHEI LEUSI 13:8

Tirigi sindi jikinyon ei gi jibon pesta dimati lene ma jimbot kep tut pesta dima bak jipmot bat nya bipia nibon midut dini ndo tut mun di tuhan bibon mem je tirigi jimbut leu minu Mesir.

NEHEI LEUSI 13:9

Nibon midut dima mipingok jingonti dem kep nok mun di bindo di jingot kin jinda kin jingwak. Lene nibon midut dima mipus jingonti leu binhyepo jindat kep tuhan niggai serti nya ei juhui him ba, jiku hagom ei jingonti cem lewo tuhan buwak je bijingwes ngun leu minu Mesir tug hon Nide nisindemti di nindig bibor.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

NEHEI LEUSI 6:1

Lene tuhan binut bu bipai bak Musa “Dani ne tuhan ri.

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

DANIEL 9:15

tuhan di nyende Allah e, ando Ade nisindemti tirigi po abuwak Ade limwa nya kwei leu minu Mesir. Tungwatu nya yahagom igyok ngon kep Ade nisindemti dima kikau kwei bipek ammani kep. Noro nibon kep sisar biniyai mun tunggwei cem tu.

KISAH 13:17

Mben Israel ide Allah dimig ide pung di intun him nya leu api bindei ba, ibong ingkiaisi ei minu Mesir bidigek bibor. Leu api Noni ba nisindemti di nindig bibor bibuwak yok kwei leu minu dima.

NINDAT KEP TUHAN NICUKTI NYA 5:15

Ma jiyok ngon kep bipia nipou yo lene mben Mesir yuubon je nok awak. Leu api Da di dinok jide tuhan Allah diba nisindemti di nindig bibor bikwek jeni. Gima rino dicuk je bipia ma jibon midut nibiyok ngon kep Njap Nigwam Kep Ninghuisi a.

NINDAT KEP TUHAN NICUKTI NYA 5:6

tuhan tri tut ‘Dani ne jide tuhan Allah di teu je bijingwes ngun leu minu Mesir mpia po yuubon je nok awak eisi pima ri.

NINDAT KEP TUHAN NICUKTI NYA 6:12

ma jingon sok kep jenti leu binhyepo jingon prion ser tuhan po teu je bijingwes ngun leu mben Mesir di yuubon je nok awak pima au.

YOSUA 22:24

Nisut bat jen, nyeni ningon kanti nok gima bi sren. Noro niwin nimbar hum dok dima lewo nikrau ningon tut bipia leu ma ei nidipti bu lene jide nintun him yamti di bram yam nya mipai kep yo di intun nyeni him nya ‘Jeni ne jimbier kim tuhan Allah Israel bi bibor.

YOSUA 24:17

tuhan di nok nyeni ide Allah teu idigup bat-idigai bat nya kin nyeni ba, ingwes ngun leu mben Mesir di yuubon nye nok awak. Ningat tuhan de mindur nya di Noni bibon ei sirima bou nyeni niyai him tu. Noni nyohou nye ba, ya srak ko hagau nye kak puig sinon kikau nyeni nimbutti nya tirigi nimbut ei ngkiai nya ikieti tu.

YOSUA 4:6

Tig dima ne tig nibiyok ngon kep mindur di tuhan bon mem je ei mpia dini ri. Tirigi jimunggwom bat nya ihig ser je ei nidipti bu tut tig nibiyok ngon kep di jidingug dini lene,

NIJAM NIKEI NYA 2:12

Mbro nok gino tuhan di nok idigup bat-idigai bat nya ide Allah teu yok bingwes ngun leu minu Mesir lo, tini bu ne ikes hon ba, ikuk yok bak Noni bu bi. Leu api ikuk yok bak ngkiai di ibong ttai yok ide kwar nya bibindei ba, tuhan ningon sibui sut yok.

NIJAM NIKEI NYA 6:8

Lene tuhan cuk nabi gom ndam yok bisok nihyet ei nabi dima dip bak mben Israel bipai “Dani ne tuhan bidinok jide Allah rin ba, diteu je bijingwes ngun leu mben Mesir po yuubon je nok awak pima tu.