NEHEI LEUSI 12:51 - ALLAH NIHYET MEM TUNGWATU NYA

⁵¹ Ei njap dima ne tuhan buwak mben Israel yahagom bingwes ngun leu minu Mesir.

NEHEI LEUSI 12:51 ပူးပေါင်းရင်းမြစ်များ

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NIBOU NDIG NYA GI NIGOM 6:1

Mpe dima lene Salomo ninyeng tak kep mben Israel mem ari bingwam bitai su. Noni kinyon ei ningot tuhan De Igti mem Bed Ziw di bed nican. Nijam dima ne ari bingwam gi sratus bitai ningot muhwindaningai niabiati mben Israel ingwes ngun leu minu Mesir ri.

NIBOHON MBEN ISRAEL GI NICAN 14:12

Lene Asa ngat nadi bikes leu api njei sut nide tentara timiei Yehuda nya bikon pran bit nimpung tentara Sudan di nindig bibor dima. Leu api tuhan bindei timek tentara Sudan nya yahagom. Gima rino yahagom itti kep inghim dip binang.

MAZMUR 114:1

Tirigi mben Israel yehei leu minu Mesir ba, yo di intun Yakub him imbut leu ingkiaisi,

MAZMUR 136:11

Noni buwak mben Israel ba, yehei leu minu Mesir. Nide ningon ngakeisi jo ninghig-niker.

NEHEI LEUSI 12:41

Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.

NEHEI LEUSI 12:50

Lene mben Israel yahagom ibit nicukti di tuhan tri tut bak Musa kin Harun.

NEHEI LEUSI 13:1

Lene tuhan pai bak Musa,

NEHEI LEUSI 16:1

Lene mben Israel yahagom ijo leu Elim ba, yuug krau iggum ndigsi Sin mem bed gi nican ba, njap gi nisimnaimuhwidip niabiati ingwes ngun leu minu Mesir. Iggum ndigsi Sin dima jo ei Elim kin Sinai ikieti.

NEHEI LEUSI 19:1

Lene mben Israel ikwei krau iggum ndigsi Sinai mem bed gi niningai ba, njap gi nigom niabiati ijo leu minu Mesir.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 6:26

Yo cin dini igya ei nibou ndig mben Mesir noho bei bibicuk noni leu binhyepo kes mben Israel leu awaga.

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

NEHEI LEUSI 7:4

Mpe dima lene midikes hukum di buhun bibor ei yok dip leu api midibuwak Ditde limwa di mben Israel yahagom ba, yehei bingwes ngun leu minu Mesir.

IMAM NYA IDE MIDYAI 23:43

Leu binhyepo jide nintun him yamti di bram yam nya mikan kep bipia Da di tuhan dikuk mben Israel bibong ser ig jibei nya tirigi po dibie tut yok kwei leu minu Mesir. Dani ne tuhan bidinok jide Allah ri.

AMOS 2:10

Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam.

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

MBEN ISRAEL IMBUT-MBUT NYEN 23:22

Allah buwak yok kwei leu minu Mesir ba, Noni hwen ide siceu nya dem kep nok sapi banteng di bit bon tungwatu nya ipijuk kan bi.

MBEN ISRAEL IMBUT-MBUT NYEN 26:4

Ma jikwop pinai nya di ide njap ug ei ari bingwam nyatungwagom bikui imangti bit leu nok tuhan nicuk Musati. Gini ne mben Israel di yehei leu minu Mesir pima imangti ri.

MBEN ISRAEL IMBUT-MBUT NYEN 33:1

Tirigi po mben Israel ikiju bimbut leu minu Mesir pima lene bikwop keret mben Israel imbut sindam bibit Musa kin Harun ibie tut yokti ba, ibong kak puig sinon ei mpia ttou nsi poi.

KISAH 13:17

Mben Israel ide Allah dimig ide pung di intun him nya leu api bindei ba, ibong ingkiaisi ei minu Mesir bidigek bibor. Leu api Noni ba nisindemti di nindig bibor bibuwak yok kwei leu minu dima.

NINDAT KEP TUHAN NICUKTI NYA 16:1

“Ma jibon midut Njap Ndig Paskah mem bed Abib mem gima jibikon jide tuhan Allah ninyenga. Lewo Noni teu je mem mmun bijingwes ngun leu minu Mesir mem bed dima.

NINDAT KEP TUHAN NICUKTI NYA 4:37

Noni dimig je ei su lewo ningon ngakei jidigup bat-jidigai bat nya leu api buwak je bijingwes ngun leu minu Mesir tug hon Nide nisindemti di nindig bibor.

YOSUA 24:5

Ei niabiati bu lene dicuk Musa kin Harun yuug ngat jide pung nya ei minu Mesir. Lene dibindei ba, mun di buhun mang bibor cut igkep mben Mesir leu api dibuwak je bijingwes ngun leu minu dima.

YUDAS 1:5

Mbro nok gino jikan tut gini hagom tu lo, dimiep hum kin jingonti tut Tuhan di teu mben Israel bingwes ngun leu minu Mesir. Noro ei niabiati bu ne Noni hwen gi hi di ingon jo kep bi nya di isrig ikieti.