NEHEI LEUSI 12:3 - ALLAH NIHYET MEM TUNGWATU NYA

³ Disok dihyet ei je dip bak mben Israel yahagom ba, jipai biyok bipia ug ei njap gi nisimnai mem bed jep dini lene suar nibou ig bei nsi nya yahagom idimig domba mien ningut gom bibui mem ide ig bei nsi nya.

NEHEI LEUSI 12:3 ပူးပေါင်းရင်းမြစ်များ

NITRITI 22:8

Lene Abraham buhup “Dwai. Allah Nonti mitin ei domba nimien hi mem sa yo.” Lene yahacem imbut kikau.

NITRITI 4:4

Lene Habel jem nide domba nipmot bou leu api bui bidigo bikwas nimmau ndok tut tuhan. Apino tuhan joi sut Habel tut nide munkwas.

NIBOHON MBEN ISRAEL GI NICAN 35:7

Nibou Ndig Yosia kwas nide mindhe-ndhe nimuhup tu nya tut yo di idem yam ei mem Njap Ndig Paskah leu binhyepo ibibon midut nindig mindhe-ndhe kep humti ba, ibikuk yok bak tuhan. Noni kwas domba di mahan tu kin domba mien kin kambir nehen pap ba, nimangti ug ei ningut sribu ningot ningai bitut sapi nikre ningut sribu ningai tut yok.

NEHEI LEUSI 12:2

“Bed dini minok bed gi nimbie him leu bed nindigsi nya mem je ba, minok bed gi nigom mem je bikwop ari bingwam.

NEHEI LEUSI 12:21

Lene Musa nduk nibou mben Israel yahagom kwei bipai biyok “Jahagom juug ba, jijem domba pmot ningut gom kwei mem jide ig bei nsi nya leu binhyepo jitin ei mem nibon midut Njap Ndig Paskah.

NEHEI LEUSI 12:4

Gino ig bei nsi nya ibou poi he ba, igyem mindhe ningut gom titut yam kan bi lene nibou ig dima kin nisut gom bitut nide ig bei nsi nya yahagom ibicom yam nok gom ba, igyem mindhe mien dima lo, suar ikwas ba, dem igbit yo di igyem nya.

NEHEI LEUSI 12:6

Suar jikes mindhe dima biya bibou ug ei njap gi nisimnaibrimigtai ug e. Lene mben Israel yahagom ibui ide mindhe-ndhe dima yok sur yam ei njap dima mem mmunti.

NEHEI LEUSI 14:15

Lene tuhan hig ser Musa “Nggon rino ahara Da mem gima dimpu na i? Acuk mben Israel bimbut kikau.

NEHEI LEUSI 20:19

Lene ipai bak Musa “Gino ambrap bit nye lene minintu kep ahyet. Noro ma Allah mbrap pijum bit nye au lewo minimai.”

NEHEI LEUSI 4:30

Ba, Harun tri tut mun di tuhan cuk Musa tut hagom biyok leu api Musa ndo mun di mindur nya brei bou yahagom igyai him.

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

YEHEZKIEL 40:1

Nijam di nibong ei ningkiaisi dima ne njap gi nisimnai mem bed gi nigom ei ari bingwam gi nyatungwagom ba, muhwi ri. Nijam dima ne ari bingwam gi nisimnaibrimigtai niabiati minu ndig Yerusalem cut leu su ri. Njap dima ne dingkek kan bipia tuhan de nisindemti sindem tut da bibuwak da ba, nuug.

IMAM NYA IDE MIDYAI 1:2

leu binhyepo mben Israel ibit hagom. Gino tungwagom ba nide mindhe bikuk no bak tuhan bindig titut kep hum ei nimbar hum dokti lene ma noni jem ningut gom leu nide sapi kin domba kin kambir nya kwei.

IMAM NYA IDE MIDYAI 5:6

Lene ma noni jem domba e, he kambir niwek e, ningut gom kwei bak tuhan biluei sisar dima. Lene suar imam bon midut nibiyai nikos ser sisarti leu binhyepo tuhan mikos ser no dima nide sisar.

MBEN ISRAEL IMBUT-MBUT NYEN 15:11

Suar jittei mun dima yok tirigi jiba sapi nikre kin domba nikre kin domba pmot nikre kin kambir bikuk je bak tuhan.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 1:36

Tirigi Yohanes ngat Yesus di njiriek noni lene pai “Domba Pmot Allah de pima rima!”

YOHANES 12:1

Njap muhwindagom bu nipou tirigi tto bou dem mem Njap Ndig Paskah bigyo lene Yesus kwei hanyen ei minu mien Betania. Lazarus di Yesus win hanyen leu nimai eisi bong ei sirima.

YOHANES 12:12

Njapti kui bu lene tungwatu ningot ndig di induk yam kwei mem Njap Ndig Paskah imiap tut Yesus nikwei krau minu ndig Yerusalem hanyenti.

KORINTUS GI NIGOM 5:7

Ma jikus roti ninjep timiei di ndo tut sisar leu jikieti leu binhyepo jinok tepun nijep di ninjep srigsi bi. Ba, dikan tut bipia jinok tepun di nijep. Tungwatu nya ibui Kristus noyam kin gi ibui domba kep Njap Ndig Paskah di bindei ba, ide Njap Ndig Paskah dem ei su.

YOSUA 7:14

Gima rino Yosua e, ma apai biyok bipia njap tekti di hyep lene midiyok diyai kep yoni ide keret gom-gom sindam. Gino dindo keret gom lene ma tungwatu nya di intun keret dima him ikiju bigya tut insi de nya gom-gom sindam ba, yahagom igya bibie leu api midiyok diyai kep yok. Ba, gino dindo hi ninsi de gom lene ma no dima ya tut ninsi de dima bikwop ig bei nsi gom-gom ikiju bigya bibie leu api midiyok diyai kep ig bei nsi gom-gom sindam. Ba, gino dindo ig bei nsi gom lene ma yo di ig bei nsi gom dima tungwagom-gom kiju biya bibie ba, midiyok diyai kep tungwagom-gom sindam.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

SAMUEL GI NIGOM 7:9

Gima rino Samuel bui domba mien ningut gom bibon midut nindig mindhe titut kep humti bak Allah. Gima ngwig lene noni ngat nadi leu binhyepo Allah mimpu Nide limwa di mben Israel. Apino Allah buhup nide nadi.