NEHEI LEUSI 12:22 - ALLAH NIHYET MEM TUNGWATU NYA

²² Lene juug yai minta hisop ningot gom kwei bijitur ei domba ninggrom di jo ei bokorti. Lene jibijos ig hyei cin ei jide dimbou hui kin biei njiti di jo nai dimbou hui dima cem. Lene ma jibihi hei ug ei nisai mem mmun dima bipek njap bigyokti au.

NEHEI LEUSI 12:22 ပူးပေါင်းရင်းမြစ်များ

IBRANI 11:28

Nide niba ningon comti bindei ba, noni dimig Njap Ndig Paskah lene cuk nide limwa nya bipia iba domba ninggrom bihwen dimbou hui ser leu binhyepo Malaikati di sindem mem gima hwen tungwatu nya yai nimai bak ipmot bat mighumbou nya bi.

MAZMUR 51:7

Diyai mun tunggwei ba, dingon mui habiei disrekti he bi. Sisar kui da hammi tirigi dipmem sindi nghop tut da.

MBEN ISRAEL IMBUT-MBUT NYEN 19:18

Gi nigom tut gino tungwa hi mai ei prak meng nsi lene suar hiter di nipuig kwes ug yai biei hisop pima nintam gom lene tur ei minyei dimati ba, bigimahap prak meng dima bitut mun nyeng hagom di joti kin tungwatu nya di ingat rin ei sirima cem. Gi nican tut gino tungwa hi ngget nimai ngut kin jui dip kin nimai njum nya lene suar hiter di nipuig kwes ba minyei bigimahap yok noyam kin gi pima cem.

IBRANI 9:19

Nimbigom ne Musa tri tut niggai serti nya hagom bak mben Israel. Leu api noni yai sapi nehen pap kin kambir nikre inggrom di srig minyeiti lene ba bika hisop kin domba ninta ngwoi bigimahap srat di niggai serti joti ningat kin mben Israel yahagom.

IBRANI 9:1

Gi preu nitimiei bon nide nidimig sutti mem yo di ikuk yok bak Allah lene bon nide ig di tungwatu nya ibon bou inda him mem ikuk yok eisi cem.

NEHEI LEUSI 12:7

Suar yahagom igyai mindhe-ndhe dima yok inggrom poi bibijos ig hyei cin ei dimbou hui kin biei njiti di jo nai dimbou hui ei ig bei di igyem mikwau dima eisi.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

MATIUS 26:30

Lene yo dima ipai doia nibinggei sut Allahti leu api imbut biyuug ei Nungug Zaitun.

YESAYA 26:20

Ditde limwa nya e, ma jicoi ug ei jide ig leu api jinggam dimbou a. Jiku je sri bibou tuhan niggati cut leu e.

YOSUA 2:19

Gino jigom hei ug ei nisai bitug midut lene suar noni biang niyai munti nibuhunti leu api nyeni ningon mui drek dip ningut bi. Ne gino hi mitug midut tirigi noni gwam ei ade ig dini lene nyeni ningon mui drek dip ningut.