NEHEI LEUSI 12:12 - ALLAH NIHYET MEM TUNGWATU NYA

¹² Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NEHEI LEUSI 12:12 ပူးပေါင်းရင်းမြစ်များ

NIBOHON MBEN ISRAEL GI NIGOM 14:12

Tirigi tentara Filistin inang leu lene ibindei cut ide kwar nya bijo ei mpia dima hak. Tirigi Daud ngat kwar dima yok lene cuk nide limwa nya ba, indig hagom kep hum hak ug.

MAZMUR 135:8

Noni yai nimai bak munggwom mighumbou nya kin mindhe-ndhe nipmot bou nya yahagom ei minu Mesir.

MAZMUR 82:1

Doia Asaf. Allah bie tut Nide awak di pai tes nya di induk yam ei gomti ei gwamti. Noni kos tut biyok bipai,

MAZMUR 82:6

Da di Allah Di Dinyeng Jei dipai bije bipia jeni ne awak di dipai tes nya rin ba, jinok dimunggwom bat nya.

MAZMUR 91:7

Mbro nok gino ibou sribu gom imai biwer nimbiam simiak na lene ibou sribu simnai di igya ttai na cem imai biwer nimbiam lo, nani mporo atug midut bi.

MAZMUR 95:3

Lewo tuhan ne Allah di ninyeng jei bibor ri. Noni sindem bibor bininyeng tak kep kwar nya yahagom.

NEHEI LEUSI 12:23

Tirigi tuhan ya bidem minu Mesir nisurti-nipekti biyai nimai bak mben Mesir lene Noni mingat domba dima ninggrom ei jide ighyei cin kin dimbou hui kin biei njiti di jo nai dimbou hui bou niyai him apino minjiriek jide ig dima yok. Noni misindui sut Malaikati Di Bindei Nimai coi ug ei jide ig dima biyai nimai bije bi.

NEHEI LEUSI 18:11

Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

NEHEI LEUSI 21:6

ma niceu buwak noni ug ei ide ig mbusyamei bikes noni biya kui dihim gom ei dimbou heisi. Lene niceu tu nitingou meng. Tug hon nibon midut dima lene awak dima miyai midyai mem niceu kikau ug bipek niyaijo ningwig honti kep.

NEHEI LEUSI 22:28

Ma jihyet wer mpiahi tut Allah ba, jirom jihyet kui jide nibou ndig cem au.

NEHEI LEUSI 6:2

Dindo Danti bak Abraham kin Ishak kin Yakub nok Allah Di Sindem Bibor ei mpe di po dindo Danti biyok pima. Noro dindo Danti nok tuhan biyok bi.

NEHEI LEUSI 9:6

Njap di hyep bu lene tuhan yai hagom bit leu nok nipaisi leu api mben Mesir ide mindhe-ndhe nya hagom mai bingwig noro mben Israel ide hi mai bi.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YEREMIA 43:12

Midipindei ig kwar di mben Mesir ide lene nibou ndig minu Babel mindig kwar di ikuk yok bak nya hagom. Nibou ndig minu Babel mindig kwar nya bihi kep hum lene pwoi bihi buug sut ei nitimieisi. Noni micok minu Mesir bipwoi kei noyam kin gino no di gembala bindei pwoi nide sinsun leu auuna. Nibou ndig mingkwei hanyen ba, hi di bigen ser noni bi.

YEREMIA 43:13

Noni mibindei tig mma di mben Mesir itas pijum bikuk yok bak nya ei Heliopolis bindung-ndiem. Ningat ne noni mindig ig kwar ngot di mben Mesir ide hagom bitimek.”

YEREMIA 46:25

tuhan di Sindem Bibor di Allah Israel pai “Midikes hukum ei kwar Amon ei Tebe kin minu Mesir titut yam bitut ide kwar nya kin nibou ndig di ide nya cem hagom dip. Tut nibou ndig minu Mesir kin yahagom di iba ingon com noni nya ne,

YEHEZKIEL 12:16

Midisindui sut ibou poi he bingwes ngun leu pran kin ninggum kin nsuwer ajar cem leu binhyepo ingon huk niti tut ide nibon munti di kinei bibor nya ei ngkiai nya ikieti. Yoni mipai jit bipia Dani ne tuhan ri.”

AMOS 5:17

Tungwatu nya di igyai midyai ei miai ba anggur nghousi yahagom igyai nggwei mikibor tut nimai lewo jei bi ne dihwou kes hukum ei je dip. Da di tuhan disimbot dat tu.”

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.

MBEN ISRAEL IMBUT-MBUT NYEN 33:4

Mpe dima ne mben Mesir nya inda jo kep ipmot bat mighumbou nya di tuhan yai nimai biyok nya di itig kep nya ri. Tug hon tuhan niyai munti dima lene bindo biyok bipia Noni sindem bibor dor njiriek mben Mesir nya ide nung di ikuk yok bak nya.

SAMUEL GI NIGOM 5:3

Njap di hyep bu lene timiei Asdod nya icem kep ide kwar Dagon mem gwam ntuisi bingat lo, kwar dima tti ug ei dihyeisi biba ningwak bikik dihyei ei Brua Gi Preu nuhui a. Gima rino ikon Dagon kui bitas bijo nijoti hanyen.

SAMUEL GI NIGOM 6:5

Gima rino ma jiba mas bibon kwar hi nok ningkek dip dimaham kin ncup di igyem jide njita bingwig leu je cem leu api ma jikon mben Israel ide Allah ninyenga. Tug hon nisinati dima Noni mikes hukum ei jeni kin jide kwar nya kin jide dihyei hanjop nsi nya dip bu bi.