NEHEI LEUSI 11:10 - ALLAH NIHYET MEM TUNGWATU NYA

¹⁰ Gima rino Musa kin Harun ibon mindur dima yok hagom ei Firaun noho bei noro tuhan bindei ba, ningkek ndok ser apino noni sindui sut mben Israel ba, kes yok bimbut leu minu Mesir bi.

NEHEI LEUSI 11:10 ပူးပေါင်းရင်းမြစ်များ

AYUB 9:4

Tut Allah ne ningon ki bibor ba, sindem bibor cem. Tou rino sindem mem gima kui dip Noni i?

NEHEI LEUSI 10:20

Noro tuhan bindei ba, Firaun ningkek ndok tut mben Israel hanyen bu ba, sindui sut yok bimbut ug bi.

NEHEI LEUSI 10:27

Lene tuhan bindei ba, Firaun ningkek ndok tut mben Israel bu ba, sindui sut yok bimbut bi.

NEHEI LEUSI 12:1

Mpe dima ne tuhan pai bak Musa kin Harun tirigi ingat rin ei minu Mesir,

NEHEI LEUSI 3:19

Lene Allah binut bu bipai “Dikan tut bipia gino dikes mun di buhun bibor ei noni dip drek dip je bi lene noni misindui sut je bijimbut kan bi.

NEHEI LEUSI 4:21

Lene tuhan pai hanyen bak Musa “Nisindemti mem gima abibon mindur nya ne diyai bina tu. Tirigi aug krau minu Mesir hanyen bu lene abibon mindur pima hagom ei Firaun noho bei. Noro midibindei ba, ningkek ndok tut ahyet apino noni mikes mben Israel bimbut bingwes ngun bi.

NEHEI LEUSI 7:3

Noro midibindei ba, Firaun ningkek ndok ahyet. Mbro nok gino dikes mindur di buhun bibor ei mben Mesir dip lo, noni mimiap ahyet bibit kan bi.

NEHEI LEUSI 9:12

Noro tuhan bindei Firaun ningkek ndok leu api noni bit Musa kin Harun ighyet bi bit leu nok nipaisi pima.

YESAYA 63:17

tuhan e, nggon rino asindui sut nye ba, nisrawir i? Nggon rino abindei ba, nyeni ningkek ndok apino nittin tut Na bu bi i? Ma akwei ba, angat rin bit nye hanyen bu lewo angon a tut Ade awak nya di inok Ade limwa nya drek dip gima aba Nakep nye nipou su.

YOHANES 12:40

‘Ditak igyai ba, tu tu. Dikes ningon ndok serti ei yokti ser nhyema iba igyai bingat ba, ingon dor niti au. Diyai nok gima leu binhyepo ingkwei hanyen ndam Da bidibindei ba, ikei hanyen bi.’ ”

ROMA 9:18

Gima rino Allah ngondut igom bit leu ningon kanti bibindei igom ningon tindak bit leu ningon kanti.

ROMA 9:22

Nok gima cem tut Allah niyai munti nya. Noni kos tut bipia ndo ningon sibui sut sisarti brei bak tungwatu nya leu binhyepo ingon huk niti tut Nide nisindemti. Noro om ningon tut yo di suar itug ndei hukum drek dip gi ibindei ningon sibui sut yok.

NINDAT KEP TUHAN NICUKTI NYA 2:30

Noro Nibou Ndig Sihon ce tut mem imbut kak pui di bikwam nide minu hacan dima bi. Gima nok lewo jide tuhan Allah bindei ba, Sihon ningkek ndok. Ningon tindak cem leu binhyepo bon nituti mem nyeni ibindei timek noni. Lene nyeni ibrim nide minu bigyati kwei bipek ammani kep.

YOSUA 11:20

tuhan bindei ba, yo dima ingon tindak bikon pran bit mben Israel leu binhyepo bon nituti mem tentara Israel yoom ingonti binggriu sut yok bi noro ibindei sar yahagom ningwig a. Igyaisi dima dem igbit tuhan nicukti po kes ei mem yok tug hon Musa pima ri.

SAMUEL GI NIGOM 6:6

Nggon rino jingkek ndok nok gi po nibou ndig mben Mesir kin nide limwa nya ingkek ndok pima i? Ma jiyok ngon kep bipia Noni ba mben Mesir bikek kikau bibou ikes yok bingwes ngun leu minu Mesir ug e.