NEHEI LEUSI 10:3 - ALLAH NIHYET MEM TUNGWATU NYA

³ Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.

NEHEI LEUSI 10:3 ပူးပေါင်းရင်းမြစ်များ

NIBOU NDIG NYA GI NIGOM 18:21

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.

NIBOU NDIG NYA GI NIGOM 21:29

“Ayok ayai kep Ahab di ba ningon di huk niti bikuk no ei Doho bei tu e? Leu gima rino midibindei ba, mun di buhun bibor micut igkep noni bi kikau bibou niyaijo ngwig hon ug e. Midibindei ba, mun di buhun bibor dima micut igkep nide mbier nikimti nya mem nijam di nipmot ya luei nohoti.”

NIBOU NDIG NYA GI NICAN 22:19

attin ser ade sisar ba, akuk na biDa lene arik ade sinsun rok na him cem apim ba, ayai nggwei kibor ba, amiap tut notou midikes hukum ei timiei minu ndig Yerusalem nya bitut ide minu ndig dip cem tu. Midibindei ba, mporo tungwatu nya igyai ngkek ttin ningat minu ndig Yerusalem. Lene yoni mindat kep minu dima ninyeng tirigi ibimbriom yam. Noro dingig ditingou mem ade nadi tu.

NIBOHON MBEN ISRAEL GI NICAN 33:12

Tirigi Manasye tug ndei niwei-nidut dima rino om nonti ei tuhan Allah Noho bei bingat nadi bak leu binhyepo tuhan mikwei mpu no.

NIBOHON MBEN ISRAEL GI NICAN 33:19

Manasye de nadi di ngat bak Allah bitut Allah nibuhup hanyenti bak kin nipai jit nide sisar di bon nya nipou tirigi ttin ser sisar di bon bigyo nya kin mpia di mem nikuk no bak kwar eisi di nonti ngot nya kin kwar ngot di nonti tas ei mem kwar Sop Asyera nya kin kwar nindigsi di kuk no bak nya cem nipas kepti hagom jo ei srat Nibohon Nabi Nyati.

NIBOHON MBEN ISRAEL GI NICAN 34:27

anso nanti tut leu api aboom nanti tut ei Doho bei. Ditin ei mem gima dihwen minu ndig Yerusalem bidikes hukum ei dip. Noro tirigi amiap tut dihyet dima rino apim ba, arik sinsun di ajuk ser angkek dip cem nok bindo tut angon di ngguk. Dimiap kep ade nadi tu ba,

NIBOHON MBEN ISRAEL GI NICAN 7:14

gino Ditde limwa di ikrau kep dinyeng dima ittin ser ibon munti di kinei bibor leu api yoom yonti ba, ingat nadi biDa lene ingkwei hanyen ndam Da lene midingig ditingou mem ide nadi di ingat biDani ei gwamti. Lene midikos ser ide sisar di ibon nya leu api dibindei ba, ide minu mpung tut nibong kei nigwam keisi hanyen bu.

AYUB 42:6

Gima rino dimmai sut mun di tibim ei duhui him hagom bidigwam atriemti nok bindo bipia dittin ser hagom tu.”

NEHEI LEUSI 10:4

Gi bi lene Noni mibindei ba, hai ceng nya mikieng kep minu Mesir mem njap di hyep.

NEHEI LEUSI 16:28

Gima rino tuhan hig ser Musa “Yo dima ingkek ndok tut Ditde nicukti mem njap pig bu i?

NEHEI LEUSI 4:23

Dikes dihyet bak noni mem gima noni sindui sut dimunggwom ba, mbut leu binhyepo kuk no biDa. Noro noni mikou sut. Gi nok lene midiyai nimai bak nonti nimunggwom mighumbou.”

NEHEI LEUSI 5:1

Lene Musa kin Harun yuug ngat Firaun bipai binoni “tuhan di nok mben Israel ide Allah sok nihyet bak na di Andigpoi bipia suar asindui sut Nide limwa nya bimbut ug ei iggum ndigsi leu binhyepo ikuk yok biNoni ei sirima.”

NEHEI LEUSI 9:17

Mbro nok gima lo, ningon jei bijo ninno apino noni mikou sut gima kes Ditde limwa nya bimbut.

NIPINGOK NINGONTI 1:22

Bipai “Je di jingon mbum e, mijisindui sut jingon mbumti kikau e? Ug ei mpe di tou leu api jiba nintin kimboti bikek ba, jikou sut ningon di dor niti bu bi i?

NIPINGOK NINGONTI 1:24

Dihig je ninno tu lo, jikou sut da bijingkek ndok tut dihyet.

NIPINGOK NINGONTI 18:12

Yo di illei-lau nya micut. Tungwatu nya inggei sut no di ba nibou coi mem yok.

YESAYA 1:5

Nggon rino jaham jimbuk kep Noni ninno tu i? Jijoi sut gima tuhan ba hukum di buhun bibor hi kin bu bihwen je e? Jibou bok-ba lene jingon kinei ba, jibou buwei cem tu.

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 13:18

tuhan pai bida “Acuk nibou ndig kin nitnem ba, ijuk kwei leu ide nibou ndig de banggo mbrei lewo ide topi nibou ndig di kei bibor cut leu ibou nggramhim tu.

YEREMIA 50:29

tuhan pai “Jicuk yo di ikri tibor kan nya ba, icoi minu Babel biprindei yok ba, imai ug. Bikwop yo di ikri tibor kan nya ma jinjei sut yok bijiyon ttai minu ndig dima. Ma jisindui sut tungwagom binang ba, ningwes ngun au. Ma jibirop ide nibon munti nya hagom. Ma jibibon yok bit leu ide niyai munti nya. Lewo ibon mun kinei-kinau tut Da di Allah mben Israel Di Dikwes-kwau tu.

YEHEZKIEL 5:6

Noro minu ndig Yerusalem rok Ditde nicukti ei su apino jo nibreisi bipia minu ndig dima kinei bibor dor njiriek ngkiai nya. Minu ndig dima gibit dihyet bi bidor njiriek minu ngkiai nya di jo ttai nya hagom. Minu ndig Yerusalem yai mun tunggwei dicukti nya bikou sut gi bit Ditde niggai serti nya.”

DANIEL 5:22

Mbro nok gino na di Andigpoi ne Nebukadnezar nipmot rin ba, akan tut mun dima yok hagom tu lo, angon jei bibor kikau.

MBEN ISRAEL IMBUT-MBUT NYEN 14:27

“Yo di imbuk dini minso-nso nyen tut Da mem nijam pig bu i? Cobi! Dimiap mun di inso-nso nyen tut dima hagom tu.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

YAKOBUS 4:10

Suar jiba jibou coi mem Allah leu api Noni mikon jinyeng.

PETRUS GI NIGOM 5:6

Gima rino ma jikuk je nyahan bak Allah ba, ninyeng tak kep je leu api Noni mikon jinyeng dem igbit tto bou.