NEHEI LEUSI 1:7 - ALLAH NIHYET MEM TUNGWATU NYA

⁷ Noro yo di intun yoni him inyeng rino mben Israel ba, idigek kep mpia bibon imunggwom bat nya imang ndig ba, ide nintun him yamti di bram yam nya ikieng kep minu Mesir nisurti-nipekti hagom.

NEHEI LEUSI 1:7 ပူးပေါင်းရင်းမြစ်များ

NITRITI 1:20

Lene Allah pai bu “Ma wau nya kin mun di ha minyei kan nya hagom ngwig ei muk ngeisi ba, ha nya hagom dimba-dimba nyen ei hou him.”

NITRITI 1:28

Lene Noni njei mun di kei bak yoni bipai “Ma jiyai jimunggwom bat nya imang bibor leu binhyepo jide nintun him yamti di bram yam nya midigek kep mpia bikieng kep dihyei nisurti-nipekti binyohou hagom. Dita jeni bijinyeng tak kep wau nya kin ha nya kin mindhe-ndhe di ibong bigbehei nya hagom.

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 17:16

Midinjei mun di kei bak noni leu api dibindei ba, noni migwam tut apmot gom bina. Midinjei mun di kei bak noni ba, noni minok pung nipmem di mben imang bibor intun him apino nide nintun him yamti di bram yam nya ibihi igyai inyeng nibou ndig.”

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 26:22

Lene noni ug leu hanjop dima bitig minyei bousi nijep gom kin bu. Lene yo dima iba minyei bousi dini biki noni drek dip minyei bousi dini bi. Gima rino noni jem ninyeng “Minyei Bousi Nikes Tut”. Lene noni bitri tut “tuhan bon nibresti ei minu dini mem nye tu. Gima rino nyeni minidigek kep mpia ei sirini bu.”

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

NITRITI 35:11

Lene Allah pai binoni “Dani ne Allah Di Sindem Bibor ri. Suar abon yo di intun nani him imang bibor! Ei nidipti bu lene keret nya mintun nani him ba, anok pung di nibou ndig nya cem intun him.

NITRITI 46:3

Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

NITRITI 47:27

Mben Israel ibong ei hanjop Gosyen ei minu Mesir ba, ikum ei ide mun di inyeng tut nya nindig bibor ba, idigek kep mpia.

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

NITRITI 48:4

Lene Noni preu ei mem da bipia Noni mibindei ba, ditde nintun him yamti di bram yam nya idigek kep mpia apino inok pung di keret nya imang bibor intun him. Lene Noni mipek minu dima hagom bida kin ditde nintun him yamti di bram yam nya bijo ninno.

NITRITI 9:1

Lene Allah njei mun di kei bak Nuh kin nipmot bat nya bipai biyok “Ma jibon jimunggwom bat nya imang bibor leu binhyepo jide ni ntun him yamti di bram yam nya midigek kep dihyei nisurti-nipekti hagom.

NEHEMIA 9:23

Abindei bidigek kep mpia ba, igyai imunggwom bat nya imangti noyam kin ham mpia-bbed him nimangti. Apek dihyei hanjop nsi nok gi dem mem idis yam eisi bibong kei igwam kei eisi bit leu nok apreu ei mem idigup bat-idigai bat nyati nipou su.

MAZMUR 105:24

tuhan bindei ba, nide limwa nya idigek kep mpia ba, isindem biborti dor njiriek ide siceu nya.

MAZMUR 107:38

tuhan singat tut yok bibindei ba, idigek kep mpia ba, ide mindhe-ndhe di ighyen kep nya ibep hanyen nok gi dem cem.

NEHEI LEUSI 1:12

Mbro nok gino mben Mesir ico kep mben Israel nindig bibor bikum eisi bu lo, mben Israel imangti kum eisi kikau bikieng kep minu Mesir nisurti-nipekti hagom dor njiriek bu. Gima rino mben Mesir ittin tut yok.

NEHEI LEUSI 12:37

Lene mben Israel ijo leu Raamses bimbut imig ug ei Sukot. Pinai nya imangti ibou sribu sratus muhwindagom noro ikwop sop nya kin munggwom nya imangti bi.

NEHEI LEUSI 5:5

Yo dima idigek bibor ba, imangti kum eisi bu tu. Leu api nogindini jijoi sut yoni ikes hon ba, igyai kep midyai dima bu bi!”

YEHEZKIEL 16:7

Dinek na ba, andig nok njita kioi di nnum kei. Ba, andig didiyam cem anghuisi kwes cem anghuisi llei cem ba, awer na sop gwam nitta pilei ndig cem. Ba, ado mbuk lene abou nta cem bijei noro ajou hangwang.

KISAH 13:17

Mben Israel ide Allah dimig ide pung di intun him nya leu api bindei ba, ibong ingkiaisi ei minu Mesir bidigek bibor. Leu api Noni ba nisindemti di nindig bibor bibuwak yok kwei leu minu dima.

NINDAT KEP TUHAN NICUKTI NYA 10:22

Tirigi po jidigup bat-jidigai bat nya yuug ei minu Mesir nipou pima lene imangti ibou ningot muhwindacan he. Noro nogindini tuhan di nok jide Allah bindei ba, jimangti dem kep nok ham mpia-bbed him nimangti tu.”

NINDAT KEP TUHAN NICUKTI NYA 26:5

Lene ma no di ttei bansi dima kwei ndat kep nihyet dini ei tuhan di nok jide Allah Noho bei bipai ‘Arig tuhan e, pung di dintun him ne tungwagom leu Aram po mbut-mbut nyen bibuwak nide ig bei nsi nya yahagom ug ei minu Mesir pima ri. Tirigi yoni yuug krau minu Mesir lene imangti gom-gom he noro idigek kep mpia ei sirima apino imang nding bu ba, isindem bibor cem.