Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”
Yusuf de njap ug ei ari bingwam sratus gom simnai leu api noni mai ei minu Mesir. Lene yo di itin nimai ngut kan nya inggai kep ningut leu api ikon bikes ei brua nsi.
Lene andigpoi nya di igyaijo mem nijam pima cem yahagom ide njap ningwig honti leu api imai. Noro tirigi imunggwom bat nya indig su lene ikiek yoho ter leu tuhan bibit nihyet bi lewo ingat mindur di Noni bibon mem mben Israel pima bou igyai him ba, hagom pek kep mem yok bi.