NEHEI LEUSI 1:21 - ALLAH NIHYET MEM TUNGWATU NYA

²¹ Lene Allah bindei ba, sop cin dima ibon imunggwom bat nya lewo yahacem ikuk yok biNoni bibit nihyet.

NEHEI LEUSI 1:21 ပူးပေါင်းရင်းမြစ်များ

NIBOU NDIG NYA GI NIGOM 11:38

Gino abit Ditde awak di Daud niyai kepti kin Ditde niggai serti nya ba, abindei bidijoi sut na tug hon gima abit Ditde nicuk nati nya di diyai bina cem lene midingat rin bit na kikau. Midita nani nok nibou ndig mem mben Israel leu api ade nintun him yamti di bram yam nya migya luei ahoti ba, inyeng mitak kep Ditde limwa nya bram yam bit leu nok gi dipreu ei mem Daud pima.

NIBOU NDIG NYA GI NIGOM 2:24

tuhan kon da bikes da ei dicig Daud de banggo mbrei ba, Nide nipreu ei mem dati pek kep mem da tu. Noni bindei ba, dani kin ditde nintun him di bram yam inyeng mitak kep mben Israel. Deheng bitug hon tuhan di niyaijo ninyeng bipia Adonia mitug ndei nimai mem njap di ammani ug ri!”

MAZMUR 112:1

Ma jinggei sut tuhan! No di kuk no bak tuhan bibit Nide nicukti nya ne ninggon nggei-hi-nggei.

MAZMUR 127:1

Salomo de doia nikui ug ei Mbigdip Sion Gino tuhan win ig bi ne tukan di ingot nya iwin ig mikui-kausi. Gino tuhan ya srak ko hagau minu ndig bi ne tentara di igya ser minu ndig nya igya ser mikui-kausi.

MAZMUR 127:3

Munggwom nya di Allah yai binye ne munkwas di kwei leu Noni ri. Ibindei ba, nyeni ingon nggei-hi-nggei.

MAZMUR 37:3

Ma jiba jingon com tuhan cem jinda jo kep jide midyai di kei nya cem. Ma jibong ei minu dima ba, jiba jingon di gom biyai mun nyeng hagom.

NEHEI LEUSI 1:17

Noro sop cin dini ne sop di ikuk yok bak Allah bibit nihyet ri. Gima rino ibit Firaun nihyet bi ba, isindui sut munggwom pinai nya cem ba, igyaisi jo.

NIPINGOK NINGONTI 24:3

Yo di ig bei nsi nya ibindei sindem ide ig tug hon ide ningon kiti kin ide ningon dor nititi.

NIBA NINGON SRIP HUKTI 8:12

Mbro nok gino no di sibut bon sisar nimangti sratus gom ba, nide njap cem jei lo, dikan tut bipia no di bit Allah nihyet bikuk no biNoni mimbrek-mimbrek mporo bong kei gwam kei.

YEREMIA 35:2

“Aug mbrap bit Rekhab ninsi de nya lene abuwak yok kwei bijicoi ug ei ninsi gom ei Ditde Ig leu api ahug ba anggur ngei ei mokti mem yok bidut.”

SAMUEL GI NIGOM 2:35

Lene mididimig imam di ningon gom di bit leu dingon kanti ei mem Da. Midibindei ba, imam nya mintun noni him sindam leu binhyepo igyai kep midyai imam nya ide ei nibou ndig di didimig ei su noho bei.

SAMUEL GI NIGOM 25:28

Nnaba abbwe ser ade awak di dani ditunggweisi. tuhan mikon na di Andigpoi kin ade nintun him di bram yam nya ba, inok nibou ndig gau mben Israel sindam mem nijam di na di Andigpoi akon pran mem tuhan ba, na di Andigpoi ma abon mun di kinei tirigi ayaijo ei dihyeisi dini bi.