NEHEI LEUSI 1:11 - ALLAH NIHYET MEM TUNGWATU NYA

¹¹ Gima rino yo di igya kui Firaun ita mindor nya di iba imbuk co kep mben Israel bikes midyai di buhun bibor ei inghat dip. Suar mben Israel ingot ig gudan bousi nindig bibor ei minu ndig Pitom kin Raamses cem leu binhyepo Firaun minju ndigban ninyeng hagom eisi.

NEHEI LEUSI 1:11 ပူးပေါင်းရင်းမြစ်များ

NITRITI 15:13

Leu api tuhan pai binoni “Ei nidipti bu lene ade nintun him yamti di bram yam nya mporo minok awak ei ingkiaisi ba, ngkiai ico kep yok nindig bibor kikau mem nijam ari bingwam sratus bitai.

NITRITI 47:11

Lene Yusuf ndo dihyei hanjop nsi di kei-kau ei minu dima di jo dideu minu ndig Rameses bak nicig kin nikindig bat nya kin nikinjoi bit leu nok Firaun nicuk noti.

NIBOU NDIG NYA GI NIGOM 9:19

kin minu ndig nimbus ninju ndigban eisi nya kin minu ndig di nok nibousi mem injei kroba pran kin kuda eisi nya hanyen. Salomo ningon kanti di tin ei mem niwin minu ndig Yerusalem kin Libanon kin nide ninyeng tak kepti nya titut yam hagom dima mbut bipek nipekti kep.

NIBOHON MBEN ISRAEL GI NICAN 16:4

Benhadad ce tut Asa nihyet nghwak him dima bicuk nide nibou tentara nya ba, injei sut ide nimpung tentara nya bigya kep minu ndig ngot ei minu Israel bikon pran bit yok. Ibindei timek minu ndig Iyon kin Dan kin Abel-Bet-Maakha di keret Naftali de minu ndig di nju kep ndigban eisi nya hagom.

NIBOHON MBEN ISRAEL GI NICAN 8:4

Ba, bindei sindem minu ndig Tadmor di jo ei iggum ndigsi leu api win minu ndig hi nok nibousi mem ig gudan nya di inju mun di misuar ei nidipti nya di jo Hamat hagom hanyen eisi.

MAZMUR 105:13

Ibong-bong nyen bit ngkiai nya ba, ipri leu minu hi ug ei minu hiter bu.

MAZMUR 129:1

Doia nikui ug ei Mbigdip Sion. Mben Israel e, ma jipai sut notou jide siceu nya ihwen bit je habiei nijam di jipilei yo kwei ug e.

MAZMUR 129:2

Nyende siceu nya ihwen bit nye habiei nijam di nipilei yo kwei su. Noro gi mbun igibindei timek nye kan bi.

MAZMUR 68:13

“Nibou ndig nya igya tut ide nimpung tentara nya binang tu!” Inang bidem kep hakimoi mbrei di dimba buug bihigom. Sop di ig bei nsi nya ikwas perak kin mas di icat di inang tut nya tut yam. Mbro nok gino Allah de limwa nya imang ibit yok bikon pran bi lo, ibindei timek ide siceu nya.

MAZMUR 81:6

Gima ne Allah nimbrap tutti di mben Israel ikrau kep ei mpe di po ikiju kep mben Mesir bihwen pima ri. Dimiap nihyet di dikan tut bi di pai,

NEHEI LEUSI 1:14

Apino mben Israel igyaijoti buhun bibor. Suar igyai midyai dino ingot ig proyek nya ba, igyai miai nya cem lo, mben Mesir ingondut yok kan bi.

NEHEI LEUSI 2:11

Tirigi Musa wer pinjoi ndig tu lene ug cem kep nide adig-ajoi nya bingat lo, timiei minu Mesir nya iba imbuk bico kep yok nindig bibor. Mpe dima lene noni tou kep timiei minu Mesir gom di bui-bui nyen mben Ibrani gom di nimbier kim Musa.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

NEHEI LEUSI 5:10

Lene mindor nya pima yok kin nibou mben Israel pima yok yuug pai bak mben Israel “Firaun ggai ser nye ba, miniyai mbrui ut bije mikuisi bu bi.

NEHEI LEUSI 5:15

Lene nibou mben Israel pima yok yuug ba, ilua sok tut bak Firaun bipai “Na di Andigpoi di anyeng jei e, nggon rino abindei ba, mun dini cut igkep nye i?

NEHEI LEUSI 5:8

Noro suar ibibon tig mma dima nimangti dem kep gi nipou pima bikwop njap-njap. Yahagom inghen ba, iba ikou biyai midyai. Gima rino ibidip huk da nyen leu binhyepo disindui sut yok ba, yuug bon midut nindig mindhe kep hum bit leu nok ide Allah nicuk yoti!

NIPINGOK NINGONTI 27:4

Ningon di nggrom kep hiter ne sisar rin binggek tut noro tou rahau mem hiter di ningon kinei sut noni i?

MBEN ISRAEL IMBUT-MBUT NYEN 20:15

Nyeni nidigup bat-nidigai bat nya yuug ei minu Mesir ba, ibong ei sirinu mem nijam ari bingwam mang bibor. Noro mben Mesir imbuk tut yoni kin nyeni cem.

NINDAT KEP TUHAN NICUKTI NYA 26:6

Noro mben Mesir imbuk tut nye nindig bibor ba, yuubon nye nok awak.