NAHUM 3:6 - ALLAH NIHYET MEM TUNGWATU NYA

⁶ Midibibon na nok mun di biyai ningkek di henha tut bidiba mumpiang birus na cem leu api tungwatu nya igyai ngkek ttin ser na.

NAHUM 3:6 ပူးပေါင်းရင်းမြစ်များ

AYUB 30:19

Lene ba da bitoi igkrop ba, diwer igkrop apino mumpiang cem kui da!

AYUB 30:8

Yo dima ibon inyeng ba, inyeng jei bi cem. Timiei nya ijji yok leu minu dima tu.

AYUB 9:31

Allah tur dani ei jui mumpiangti apino ditde sinsun kou sut da.

YEREMIA 51:37

Minu dima miwer ig kum kroi ba, nok mpia di nsien bigbehei nya iku yo eisi. Tirigi tungwatu ingat gima lene igyai ttin ba, hi di joi sut bong ei mpia dima bi.

NIBWOS-BWOS NYENTI 3:16

Noni rino ba diimaisi binging dihyei lene ba dikwai bitug tig bitig dino dikwai dahat o!

YEHEZKIEL 16:37

Gima rino midinduk pinai di abou buwei kep yok nya kin ade di angon kinei sut yok nya cem yahagom keyam. Ba, yahagom igya ttai na leu api mijuk sinsun ade nya hagom leu na bitou kep ajo risti.

NAHUM 1:14

Gini ne tuhan nikos tutti di bitut mben Asyur ri. Yoni mimbun imunggwom di intun yok him mem gima ibinut ide nintun yam him yamti di bram yok nya bu bi. Midibindei timek kwar di ikuk yok bak ei ide kwar nibousi nya hagom. No ditin ei jui mem mben Asyur tu lewo dem tut gima igyaijo bu bi!

HABAKUK 2:16

Nogindini bon nituti mem tungwatu nya ikon jinyeng bi noro bon nituti mem jimmai sut jenti sindam. tuhan mibindei ba, jidut ei gi mokti di hukum joti noyam kin jidut ba anggur ngei di pu je. Tirigi jidut bingwig ne jintig kibi-kibou yam nyen.

ZEFANYA 2:15

Mun dima yok hagom micut igkep minu ndig di ninggei ngwig sut nide nisindemti di kan bipia ibong kei igwam kei dima. Timiei nya ikan bipia ide minu ndig dima nindig bibor dor njiriek minu ndig dihyeisi dini hagom. Ayo! Minu dima mpia mbum-bra bibor lewo hi di bong ser bi. Noro mindhe-ndhe bigbehei nya he rino itot yaham eisi! Yo di ikak puig binjiriek minu ndig dima midigit tut ba, ingkek hyenha tut.

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.

MALEAKHI 2:3

Midikes hukum ei jimunggwom bat nya dip lene midiba jiimaisi bitoi mindhe di jibui mem midut nya yooi leu api midikri je bidikes je ei mindhe yooi di ut eiti.

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”

KORINTUS GI NIGOM 4:13

gino ikkin kep nyeni ninghapti lene niba ningon di nggriu birop hanyen biyok. Ibibon nye noyam kin mumpiang dihyeisi dini. Nyeni ne nggruau ei tungwatu nya igyai him nipou kwei bipek ammani kep.

KORINTUS GI NIGOM 4:9

Noro dikan bipia Allah kuk nye di niya kui Kristus biniya abia kep nide limwa nya yahagom tereu nok yo di isima nya di itug ndei nimai brei bou malaikati kin tungwatu yahagom igyai him.

IBRANI 10:33

Mpe hi ne tungwatu nya ikucang je bou tungwatu nya igyai him bihwen bit je cem. Mpe hi bu ne jitti kin yo di igyai inghuisi wei leu yo dima.

YUDAS 1:7

Ma jiyok ngon kep minu ndig Sodom kin Gomora kin minu mien di gahai nya. Lewo timiei minu dima yok igyai bram malaikati dima yok igyai kepti nya bicut tut yam. Pinai yonti icut tut yam ba, sop yonti icut tut yam apino yahagom itug ndei hukum ei hum njengti di bit bon hi mu kan bi. Ba, gima nok mun di bisok kep bijo nibreisi mem yo di yahagom.