NAHUM 3:11 - ALLAH NIHYET MEM TUNGWATU NYA

¹¹ Minu ndig pmem Niniwe e, abou ngwak sibui drek dip gi adut mun di pu na ba, anggok puig mem gima angwes ngun leu ade nitok inda nsi.

NAHUM 3:11 ပူးပေါင်းရင်းမြစ်များ

MAZMUR 75:8

Allah rino nikei di mimbus tungwatu nya ingonti a. Noni moom bihi ei bijehei lene mikon bihi ei anai.

YESAYA 2:10

Yoni minang ug ei nungug di bon hak mihyeti nya biku yok ei jui dihyei jou leu binhyepo ingwes ngun leu tuhan niggati kin Nide nisindemti di nindig bibor.

YESAYA 2:19

Mpe di tuhan kiju bibindei ba, dihyei ugwa-kwei ne tungwatu nya minang ba, yuug ei nungug nya biku yok ei hak mihyeti kin jui nsi ei dihyei jou nya cem leu binhyepo ingwes ngun leu tuhan niggati kin Nide nisindemti di nindig bibor nicig-caisi. Mpe dima cem yoni micom ide kwar di ikuk yok bak nya di iba perak kin mas bibon ei ba, ncup kin hakom nya mitot yaham eisi.

YESAYA 29:9

Jibindei mbut ninggap leusi kin nimut niyaisi dem kep no di niyai tu kikau! Handei kon ba, jibou ngwak sibui lo, sibui sut gi jidut ba anggur ngei bi! Nnaba jiba jintig di kibi-kibou yam bimbut lo, drek dip gi jidut mun di pu je bi!

YESAYA 49:26

Midibindei ba, jide siceu nya ibou sibui sut inggrom di idut apino itot yam ba, imai bingwig. Mpe dima lene mijo nibreisi mem tungwatu dihyeisi dini hagom bipia Dani ne tuhan di teu je bijingwes ngun ri. Yoni mikan tut bipia Dani ne tuhan bidinok Yakub de Allah di sindem bibor di kwek je tu ri.”

YESAYA 63:6

Diba Ditde nigga biborti di cig-cai bico kep ngkiai nya ba, dibindei timek yok leu api disiber inggrom bingwig ug ei dihyeiti.”

YEREMIA 4:5

Ma jimiep pun mbrei bidem minu dini! Ma jiba nihyet di tibim kin nihyet di nindig bijem ug! Ma jicuk timiei minu Yehuda kin minu ndig Yerusalem inang bicoi ug ei minu ndig di bon tentara nibousi di igya coi nya.

YEREMIA 51:57

Midibindei ba, mun di pu mipu yo di inyeng jei ei minu Babel di ingon ki nya kin nibou nya kin tentara nya tug hon Ditde nigga biborti ri. Ba, yoni mibong mai bikiju hanyen bu bi. Noro ibong mai bijo ninno bijo kikau. Disimbot dat tu. Dani ne nibou ndig ba, tuhan Di Sindem Bibor ri.

YEREMIA 8:14

Allah de limwa nya ihig yam “Nggon rino igwam hak ba, immou kep yam he i? Jikwei ba, yahagom ipri ug ei minu ndig di bon tentara nibousi di igya coi nya leu api nnaba yahagom imai ei sirima. Ide tuhan Allah kos tut bipia suar isar. Noni yai krisieu ngei binye mem gima idut lewo ibon sisar tut Noni tu.

HOSEA 10:8

Siceu nya migya kep ig ngot di ingot ei mbigdip Betel di nok mpia di mem ide kwar di mben Israel ikuk yok bak eisi bingwig. Ndia nggwen kin mintu-minta mehei ei nimbar hum dok di ideti. Leu api limwa nya yahara bak nungug nya “Ma jiprioi kep nye o!” Lene yahara bak mbigdip nya “Ma jitti hwen nye o!”

AMOS 9:3

Mbro nok gino iku yo nyahan ei Nungug Karmel nimbigdip anai bibor lo, midinggok ser yok bidikat yok. Mbro nok gino iku yo nyahan ei muk jou lo, midicuk naga di bong muk ngeisi ba, ham yok.

MIKHA 7:17

Yoni miba inghop bikak dihyei ei dihyei ndungti noyam kin wou di srei ba, ikes ide ig tentara nibousi di igya coi nya ei leu api iba ingon di digit kin ingwes mien binduk yam kwei ndam nyende tuhan Allah.

NAHUM 1:10

Noni mindig na noyam kin gandum nintam di mui kin war ndia nggwen di pai yam-ngot yam nyen cem.

NAHUM 2:1

Minu ndig pmem Niniwe e, angig atingou mem nihyet ba, amiap kep! Yo di itin ei mem ibindei ba, atimek bingwig ikwei su! Aya ser tentara nibousi di igya coi nya bingkiem! Amian ser puig ba, aya ser mungkun! Atin ei mem gima akon pran a! (

LUKAS 23:30

Mpe dima lene tungwatu nya yahara nungug nya ‘Ma jitti hwen nye o!’ Ba, yahara tring behei nya ‘Ma jitti bisu kep nye o!’

SAMUEL GI NIGOM 13:6

Mpe dima ihwen tentara Israel sindem bibor bibindei ba, tentara Israel ibou ngwak sibui nindig bibor. Gima rino inang biku yok nding mpia ei hak mihyeti kin tig ninggreti kin jui nsi kin minyei bousi di jut bibor.

SAMUEL GI NIGOM 14:11

Gima rino imbut brei ei tentara Filistin igyai him apino yo dima icuk yam bipai “Jingat i! Mben Ibrani ibou poi yehei leu ide hak mihyeti po iku yok eisi pima ri!”