NAHUM 3:10 - ALLAH NIHYET MEM TUNGWATU NYA

¹⁰ Mbro nok gima lo, siceu nya ikat timiei minu ndig pmem Tebe bibindei ba, isima ei ingkiaisi. Ibui nimunggwom bat nya bimai bidem simpak nahau yamti hagom. Iba lante biteu nibou di inyeng jei nya yahagom ba, iko bibinggok tut leu api ikwas yo dima tut yam biyuubon yok nok awak.

NAHUM 3:10 ပူးပေါင်းရင်းမြစ်များ

NIBOU NDIG NYA GI NICAN 8:12

Hazael hig ser “Andigpoi e, nggon rino apim i?” Lene Elisa buhup “Dipim lewo dikan tut gi mporo ayai mun kinei bibor tut mben Israel. Mporo aya kep ide minu ndig di bon ngug tig jo ser nya ba, andig bingwig ba, ayai nimai bak ide pinai pilei di ubbu nya cem aom ku ide munggwom ngwoi nya ikimam ba, asrat ide sop di itta buhun nya inghop tut munggwom biyem mpia ei dihyeisi cem.”

AYUB 6:27

Gima he bi noro ako ba, abinggok tut mun di mipek kep mem munggwom moibihi. Noro aris mun leu asut ningat leu binhyepo abindei ba, anyeng bibor!

MAZMUR 137:8

Je di mben Babel e, mijimai bijiwer nimbiam! No di birop kin hukum hanyen bije dem igbit jide nikinei sut nyeti ne ningon nggei-hi-nggei.

MAZMUR 137:9

No di com jide ningwoi-ngwoi nya ug ei pimbien behei bimai ne ningon nggei-hi-nggei!

MAZMUR 149:8

iba lante ngkimom nitu bingot ide nibou ndig nya kin ide nibou di igya kui yok nya bingkiem,

YESAYA 13:16

Yoni mingat siceu nya di ibui ide munggwom ngwoi nya binem-nnai cem di icoi ug ei ig di ide bicat ndigban di ide nya cem lene ikat itnem bat nya bicut tut yok bou igyai him cem.”

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YESAYA 19:4

Midikes mben Mesir ei nibou ndig di ngondut tungwatu kan bi nindati ba, ninyeng tak kep yok isibut biborti. Da di tuhan Di Dinyeng Jei Bibor disimbot dat tu.”

YESAYA 20:4

Nibou ndig Asyur mikat timiei minu cin dima nok yo di isima di ingat ngu bikri yok ug ei ingkiaisi. Ndigpoi nya kin pilei nya yahagom miba ingat ngu bimbut ba, ijuk sinsun kin srop ser ingkek dip kin imig jou bi. Ba, ijou hangwang bijo hak apino ibiyai nimmai biyok.

NIBWOS-BWOS NYENTI 2:19

Jikiju-kiju nyen mem mmun jei leu binhyepo jahara bak tuhan ba, jipai jit mun di jo jingon bei hagom bak Noni. Jahara bak Noni leu binhyepo ngondut jimunggwom bat di ninggum hwen yok di imbris inggum bidem simpak nahau yamti nya ug o!

NIBWOS-BWOS NYENTI 4:1

Mas pimbai di jimjit kei pima pimber tu o! Tig di ibingot tuhan De Ig pima cut biyem mpia ei simpak o!

YEHEZKIEL 29:7

Tirigi irok kui na lene adahat ba, abiam ingousi apino inghim dahat a.

YOEL 3:3

Iko bibinggok tut yo di ikat yok nya leu binhyepo ikwas yok tut yam bit leu nok gi iko tut pima. Itri munggwom pinai nya kin munggwom sop nya di ikat yok nok awak bibipek mitiei mem gima ibigo gau sop di ibou sibui nya kin ba anggur ngei.

AMOS 1:13

tuhan pai “Timiei minu Amon ibon sisar ninyen. Ide sisar bindei ba, dikes hukum ei yok dip. Lewo tirigi ikon pran bit timiei minu Gilead ba, ibipos ide dihyei hanjop nsi hi kin bu leu yok lene israt sop mben Gilead di inghop tu nya ba, inghop tigwau bimai ug.

OBAJA 1:11

Njap di ide nitok nya inggek dimbou pmem ei minu ndig Yerusalem bigyai minu ndig dima bigyati lene jeni no jimbres jenti ei minu ting. Mpe di ipos mun di inyeng tut nya hagom ei minu ndig Yerusalem bimbut tut bikwas tut yam ne jigimbrap bi ba, jikimut juhui hak. Jeni cem jisibut bibor noyam kin ide nitok dima yok.