NAHUM 2:13 - ALLAH NIHYET MEM TUNGWATU NYA

¹³ tuhan Di Sindem Bibor pai “Ade nitok rino Dani. Midindig ade kroba pran nya hagom bingwig ei humti ba, ade tentara nya mimai nimbiam ei pranti. Midiyai mun di apos leu yo di hiter nya hagom leu na. Ahyet di buhun di asok ei ade nibou niya hacanti ntus hak ba, hi ngig nitingou mem bu bi.”

NAHUM 2:13 ပူးပေါင်းရင်းမြစ်များ

NIBOU NDIG NYA GI NICAN 18:17

Lene nibou ndig mem mben Asyur cuk nide tentara nya imang bibor ba, ijo leu Lakhis ba, ihwen timiei minu ndig Yerusalem nya. Nide nibou pran di inyeng jei ibou ningai ibie tut tentara dima yok. Ba, yo dini ne Tartan kin Rabsaris kin Rabsaki ri. Tirigi ikwei krau minu ndig Yerusalem lene idis yam ei mpia gom di ijem ninyeng bipia Mpia Yo Di Itot Sinsun Igkei di jo simiak minyei di yehek kwei leu minyei bousi gom di jo nai nindenti dima.

NIBOU NDIG NYA GI NICAN 18:19

Lene nibou pran Asyur gom pai biyok “Ma jitri tut nibou ndig mem mben Asyur nihyet dini bak Hizkia ‘Nggon rino akan bipia asindem bibor i?

NIBOU NDIG NYA GI NICAN 19:23

Aba angon di jei bitri tut biDa tug hon yo po acuk yok kwei pima bipia aba ade kroba pran hagom bipos nungug jei nya ei Libanon. Aba angon di jei bitri tut biDa bipia awim buom Libanon di jei bibor ba, dia-diau kei cem. Lene acoi kikau ug ei baham nitindurti dima cem.

NIBOU NDIG NYA GI NICAN 19:9

Noro nibou ndig mem mben Asyur sindi miap nihyet gom tut Tirhaka di nok nibou ndig mem Sudan di bie tut tentara Mesir kwei ba, ikon pran bit noni. Tirigi noni miap tu lene pas srat nimeng gom bak Hizkia di nok nibou ndig mem timiei Yehuda nya,

NIBOHON MBEN ISRAEL GI NICAN 32:19

Yoni ipai sut Allah di timiei minu ndig Yerusalem ikuk yok bak dima noyam kin gi ipai sut kwar di yo di hiter nya ibon bou inda him bikuk yok bak.

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

YEREMIA 21:13

Leu api tuhan pai bak minu ndig Yerusalem “He minu ndig Yerusalem e, ajoti anai dor njiriek briep bou him di jo ttai na nisurti-nipekti. Adem kep mbigdip tig di kui bijo anai ei briep bou him. Noro midihwen bit na. Atri tut bipia hi dima coi bihwen na kan bi. Hi dima njei ade tentara nibousi nya bibindei cut kan bi.

YEREMIA 46:14

“Yeremia e, apai bidem mben Mesir ide minu ndig nya bitut Memfis kin Migdol kin Tahpanhes hagom ‘Jitin ei mem gima jikon pran gau jenti. Lewo siceu nya mibindei sar mun di jinyeng tut nya hagom ei pranti!

YEREMIA 50:31

Mben Babel e, jingon jei bibor! Gima rino Da di tuhan Di Dinyeng Jei Bibor kin tuhan Di Sindem Bibor dihwen je ug a. Tto bou dem mem gima dikes hukum ei jeni dip tu.

YEREMIA 51:25

Minu Babel e, adem kep nungug di bindei timek dihyeisi dini hagom. Noro Da di tuhan midihwen nani. Midibrim nani bidirim na lene dibisindui sut ba, hum yem na leu api anok atriem ndung.

YEHEZKIEL 13:8

Gima rino Da di tuhan Di Dinyeng Jei Bibor dipai biyok: Jisuglai mun cem jingat ningat-hi-ngat di nitrowai he. Gima rino midikiju nok jide siceu.

YEHEZKIEL 21:3

apai bipia Da di tuhan dipai ‘Dani ne jide nitok ri. Midikus Ditde singau simeda ba, dibiyai nimai bak je di jisibut kin je di jisingat cem jahagom.

YEHEZKIEL 26:3

tuhan Di Ninyeng Jei pai “Minu ndig Tirus e, Dani ne ade nitok ri! Midibuwak mben imang bibor mem gima dibihwen nani. Ba, yoni minjei kwei nok muk di roi a.

YEHEZKIEL 28:22

Atri tut bak timiei nya bipia Da di tuhan Di Dinyeng Jei Bibor dipai ‘Minu ndig Sidon e, Da dini ne ade nitok ri. Tungwatu nya mikon dinyeng tug hon Ditde niyai nibou tut nati. Mpe dino dikes hukum ei ade timiei nya dip ne ikan tut bipia Dani ne tuhan di Kwes-Kwau ri.

YEHEZKIEL 29:10

Dani ne ade nitok rin ba, dinok nitok mem Minyei Pmem Nil cem. Midibindei ba, minu Mesir titut yam wer dihyei di mpia mbum-bra bram ei minu ndig Migdol ei nite bei mpia nijjai kikau ug bipek kin minu ndig Aswan ei nite bei mpia nibiho kikau ug bipek kin mben Sudan ide minu niya kwas yamti.

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

YEHEZKIEL 35:3

Ma atri tut mun di Da di tuhan Di Dinyeng Jei Bibor dipai bak timiei minu dima nya, ‘Je di timiei nungug him ei minu Edom e, Da dini ne jide nitok ri. Midibindei jide dihyei ba, mpia mbum-bra bram leu api hi di bong ser bi.

YEHEZKIEL 38:3

Apai binoni bipia Noni ne Da di tuhan Di Dinyeng Jei Bibor Ditde nitok ri.

YEHEZKIEL 39:1

tuhan Di Ninyeng Jei Bibor pai, “Na di tungwatu di ayaijo kikau bi e, ma apai kep nibou ndig Gog di ninyeng tak kep minu Mesekh kin Tubal nya. Apai bak bipia nide nitok rino Dani.

YEHEZKIEL 5:8

Gima rino Da di tuhan Di Dinyeng Jei Bibor dipai brei bina bipia ade siceu rino Dani. Midikes hukum ei na dip bou ngkiai nya igyai him.

NAHUM 2:12

Nipou yo ne singa nikre brig-brig nyen mun di yem ei mpia dima. Lene brig mun di yem dima mem niwek kin nipmot nya lene gima bindei ba, yaham mpung tut mun nghui di brig di kwei sut nya.

NAHUM 3:1

Buhun bibor mem minu ndig dini di mpung tut nisuglai mun cig nya kin nihwen mun cig nya. Lene minu ndig dini mpung tut ndigban di ipos nya kin gi icat nya cem.

NAHUM 3:12

Ade tentara nibousi di igya coi nya hagom midem kep biei ara di mpung tut ningat di nggwop nya. Gino ikit biei dima ne ningat llet ei yo di ijoi sut igyem nya insi.

NAHUM 3:15

Mbro nok gino anggok puig hi gom-hi gom leu binhyepo angwes ngun lo, hum miyem na ningwig ba, amai nimbiam ei pranti. Ajjem hak noyam kin mun di ngun ei miaisi di hai ceng duhwen di jjem hak a. Ade nidigekti digek bibor bidem hai ceng nya tu!

NAHUM 3:5

tuhan Di Sindem Bibor pai “Minu Niniwe e, midihwen bit na! Dikau sre ade leu na ei ngkiai nya igyai him leu api ingat ammai joti.

YOSUA 11:6

Lene tuhan pai bak Yosua “Ma attin tut yoni au. Lewo njap di hyep mporo ug cut nituti di noyam kin nituti dini lene midiyai nimai bak yoni yahagom drek dip je di Israel ug ri. Tirigi pran tun tu lene suar jikos kuda di ide nya imig nggiluk leu lene ma jindig kroba pran di ide nya hagom ningwig hak.”

YOSUA 11:9

Yosua bibon yok bit leu tuhan nicuk noti nipou su. Ba, ikos kuda di ide nya imig nggiluk leu lene indig kroba pran di ide nya cem.