NAHUM 2:12 - ALLAH NIHYET MEM TUNGWATU NYA

¹² Nipou yo ne singa nikre brig-brig nyen mun di yem ei mpia dima. Lene brig mun di yem dima mem niwek kin nipmot nya lene gima bindei ba, yaham mpung tut mun nghui di brig di kwei sut nya.

NAHUM 2:12 ပူးပေါင်းရင်းမြစ်များ

SAMUEL GI NICAN 17:8

Jikan tut bipia acig di Daud kin nide tentara nya iba mimbri di kui ingkek bikon pran sindem bibor. Yoni idem kep nok mindhe beruang niwek di sindi bep nipmot lo, hi mbrai leu noni. Acig nok tentara di ningon ki ba, bong bit nide limwa nya mem mmun bi.

MAZMUR 17:12

Idem kep mindhe singa di ibriug da kin mindhe singa nipmot bo di bong nyahan ser puig nghas ei nindingti.

YEREMIA 51:34

Nibou ndig minu Babel ya kep minu ndig Yerusalem bitimek lene biyem hagom bingwig. Noni bindei minu ndig dima bingwak dem kep nok tungwatu ibindei ngwak ampou a. Minu Babel dem kep mindhe di nindig bibor di pinde minu ndig Yerusalem titut yam lene pos ndigban nyeng di kei hagom biduhwen bicom niken.

NAHUM 2:11

Nogindini minu ndig dima no hantou i? Minu ndig dima dem kep hak mihyeti di singa itot yaham eisi kin mpia di ibrig-brig nyen mun di igyem bigyai bak singa pmot nya eisi. Bidem kep mpia di singa nikre kin niwek nya yuug eisi kin mpia di singa pmot nya igya coi.

NAHUM 2:13

tuhan Di Sindem Bibor pai “Ade nitok rino Dani. Midindig ade kroba pran nya hagom bingwig ei humti ba, ade tentara nya mimai nimbiam ei pranti. Midiyai mun di apos leu yo di hiter nya hagom leu na. Ahyet di buhun di asok ei ade nibou niya hacanti ntus hak ba, hi ngig nitingou mem bu bi.”

MBEN ISRAEL IMBUT-MBUT NYEN 23:24

Lewo keret dima ikiju kui dem kep nok mindhe singa niwek. Yoni igya ngkiem dem kep nok mindhe singa nikre. Singa dima mibong kep ninghuisi bi bibou ham nimbiam biyem ninghui ba, dut nimbiam ninggrom ug e.”