NAHUM 1:7 - ALLAH NIHYET MEM TUNGWATU NYA

⁷ tuhan ningon nggriu ba, nyohou Nide limwa nya ei mpe di igwam coi Noni drek dip ide ningon buhunti ba, Noni ya ser yok.

NAHUM 1:7 ပူးပေါင်းရင်းမြစ်များ

NIBOHON MBEN ISRAEL GI NIGOM 16:34

tuhan ningon kei sut nye ba, ningon ngakei nyeti jo kikau bijo ninno. Gima rino ma jipai sigyo bak Noni.

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

NIBOHON MBEN ISRAEL GI NICAN 13:18

Tentara timiei Yehuda nya ibindei timek yok lewo iba ingon com idigup bat-idigai bat nya ide tuhan Allah.

NIBOHON MBEN ISRAEL GI NICAN 32:11

Apo Hizkia pai bije bipia jide tuhan Allah miteu je leu nyende nisindemti e? Ma jiba jingon com noni au lewo ris mun bije hak ug. Noni misindui sut je ba, jimai jinggum kin jinggobiau cem.

NIBOHON MBEN ISRAEL GI NICAN 32:21

Apino tuhan pinak malaikati gom biyai nimai bak tentara Asyur nya kin ide nibou nya di igyon ttai minu ndig Yerusalem pima yahagom. Gima bindei ba, nibou ndig mben Asyur ngkwei hanyen ba, mmai sut nindig bibor. Leu api mpe di gom bu tirigi ningat rin ei nide ig kwar lene nimunggwom bat ningat-ngat nya ibou poi ikwei ba simeda biyai nimai bak ei mpia dima.

NIBOHON MBEN ISRAEL GI NICAN 32:8

Nisindemti di ningat rin bit noni ne tungwatu nya he. Noro nisindemti di ningat rin bit nyeni ne tuhan Allah rin ba, Noni mimpu nyeni bikon pran bit nibou ndig mben Asyur kin nide tentara nya gau nye.” Tirigi limwa nya imiap ide nibou ndig nihyet dima lene itug ndei mimbri di kui ingkek noyam.

EZRA 3:11

Iba doia binggei sut tuhan bipai, “tuhan kei-kau ba, ningon ngakei mben Israelti bijo ninno bijo kikau.” Tungwatu nya yahagom imbos-hi-mbos sindem bibor binggei sut tuhan lewo tukan nya ikinyon ei midyai niwin tuhan De Ig nikiouti hanyen tu.

MAZMUR 1:6

Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

MAZMUR 100:5

Lewo Allah singat kei ba, Nide ningon ngakeisi ug hon nohonti bi sren. Nide ningon gomti jo ninno bijo kikau.

MAZMUR 20:1

Doia Daud mem no di bie tut doia nimpung.

MAZMUR 25:8

tuhan ndo puig bak yo di israwir nya lewo Noni kei ba, ningon gom cem.

MAZMUR 27:5

Tirigi mun di kinei micut igkep da lene Noni mikieng ninyehei gau da binyohou da bidingwes ngun ei Nide Ig lewo Noni nok tring ser da.

MAZMUR 37:39

tuhan teu yo di ingon sren nya binyohou yok ei mpe dino mun di buhun om kep yok.

MAZMUR 37:40

Noni mpu yok biteu yok bingwes ngun leu yo di isibut nya indati lewo igwam coi Noni.

MAZMUR 46:2

Allah ne mpia di igya coi ba, ide nisindemti cem ri. Noni yai nibou tut gima mpu nye ei mpe dino mun di buhun bibor cut igkep nye.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 59:16

isror binggok njita nyen. Gino igyem njita bindei yok bi lene igyau.

MAZMUR 71:3

Abindei ba, anok nungug tig di digwam coi bidigwam nding eisi. Anok tentara nibousi di dinang coi ba, dingwes ngun ei niti. Nani ne mpia di digwam coi kin mpia di digwam nding ri.

MAZMUR 86:7

Mpe di mun di buhun bibor buhun tak da lene dahara Nani lewo abuhup dihyet.

MAZMUR 9:10

tuhan nok tring behei bicuon yo di ide siceu nya ico kep yok igyaisi. Noni ne mpia di mem yo di yuum mun di nggruk nya igya nding ri.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

NIPINGOK NINGONTI 18:10

tuhan dem kep nok ig di bon ninggre di jo-jo yam dip di inang coi. Yo di ingon sren nya igwam coi ig dima bingwes ngun leu ide siceu nya indati.

YESAYA 25:4

Anok gumihyep ninang coi mem yo di inghuisi jet nya kin gumihyep nibong kei nigwam keisi mem yo di yuhui mbum nya ei mpe di yuum mun di buhun tak yok. Anok mpia di igya nding leu hou di nimig ten. Anok mpia nohousi di igya nding leu mpia niwamti cem. Lewo yo di isibut icut di ihwen munti noyam kin hou sigau di cut mem bed di biang hou a.

YESAYA 32:2

Bikwop yoni yahagom inoyam kin ig jibei di yohok ser hou di kui yokti kin hak mihyeti di icoi bigya nding tirigi sigau yem yok. Yoni idem kep nok minyei di biam sindem ei iggum ndigsi nya kin tring behei ngot di tungwatu nya igwam coi ei iggum ndigsi.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 17:17

Mpe dino mun di buhun bibor cut lene Nani ne mpia di dinang coi ri. Gima rino ma abon Nanti nok mun di biyai ningon di ttin bida au.

YEREMIA 24:5

“Dingat yo di disindui sut yok di ikat yok di ikri yok ug ei minu Babel dima idem kep biei ara ningat di kei bibor kei dini ri. Gima rino Da di tuhan Allah Israel midiba dingon nggriu bibibon yok.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

NIBWOS-BWOS NYENTI 3:25

tuhan singat tut yo di iba ingon com Noni kin yo di inggok tut Noni.

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

DANIEL 6:23

Ditde Allah cuk Nide malaikati gom kwei leu api noni tak kep singa yuhui ser leu ba, yaham da bi tu. Noni teu da bidingwes ngun lewo kan tut bipia dingon ngun. Dibon mun tunggwei sut Noni kin na di Andigpoi cem bi.”

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

ZEFANYA 3:12

Midisindui sut mben gom di yoom yonti ba, iba ingon com Da tut Ditde nimpu yokti bibong kikau ei minu ndig dima.

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

MATIUS 7:23

Lene dibuhup biyok ‘Dikan tut je bi sren. Juug bihigom leu Da lewo jisibut bibor!’ ”

YOHANES 10:14

Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

YOHANES 10:27

Ditde domba nya imiap dihyet. Dingat igbit yok lene ibit Da.

ROMA 11:22

Mun dima yok ndo binye bipia Allah ningon nggriu cem nggwes cem. Ningon nggwes tut yo di ibon sisar noro ningon nggriu sut je gino jiyai munti nya biyai Allah ningon nggriu sut je. Gi bi ne Noni misriot je hanyen leu.

GALATIA 4:9

Noro tini bu ne jikan tut Allah lo, gi nijit ne Allah kan tut jeni. Nggon rino jingkwei hanyen kep ninnei nya di tungwatu nya ikuk yok bak di isindem bibon inyeng bi pima i? Nggon rino jisindui sut ba, ninnei dima yok yuubon je tereu nok awak nya hanyen bu i?

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”