NAHUM 1:5 - ALLAH NIHYET MEM TUNGWATU NYA

⁵ Nungug nya ugwa-kwei nyen ei Noho bei lene mbigdip nya cem jet ningwig a. Gino Noni tau kep nye ne dihyei bingmai ba, dihyei kin timiei dihyeisi dini yahagom ingon bingmai.

NAHUM 1:5 ပူးပေါင်းရင်းမြစ်များ

SAMUEL GI NICAN 22:8

Lene dihyei ugwa-kwei ba, mun brim apino nungug kiou nya kit ba, ugwa-kwei lewo Allah gga bibor!

AYUB 26:11

Mpe dino Allah ba nihyet di noyam kin kru bimbrua lene cou di bahati mpia-bbed him nya ugwa-kwei.

AYUB 9:5

Allah sindem mem gima son nungug leu nijoti ba, tri tut niyai munti dima nipou bak tungwatu nya bi. Noni ba ningon sibuisi kin nigga biborti bikiek nungug nya binggek ningwig.

MAZMUR 104:32

Noni tou kep dihyeisi dini nggilun bibindei ba, ugwa-kwei. Noni ngget nungug him bibindei ba, hum mmup brou leu nimbigdip nya.

MAZMUR 114:4

Nungug nya ipri-pri nyen noyam kin kambir nya lene mbigdip nya igwam ibiau dip nyen nok domba mien nya.

MAZMUR 114:6

Mei, nungug jen e, mindei rino bindei di jipri-pri nyen i? Mei, je di mbigdip nya e, jigwam jibiau dip nyen tut mindei i?

MAZMUR 18:7

Dingat rin ei mun di buhun tak dati bibor. Gima rino dahara Na di tuhan. Dahara ditde Allah leu binhyepo Noni mimpu da. Mpe dima lene Noni gwam ei Nide Ig bimiap kep dihyet biyok nitingou kep ditde nahara Noti.

MAZMUR 18:8

Apino Allah nigga biborti bindei ba, dihyei ugwa-kwei. Dihyei bingmai ba, nungug kiou nya cem lor bibingmai.

MAZMUR 46:6

No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.

MAZMUR 68:8

Allah e, tirigi po abuwak Ade limwa nya ba, abie tut yok bimbut kak iggum ndigsi di ngak-cai pima ne,

MAZMUR 98:7

Muk ndigsi kin mun di joti nya e, ma jide kru nibimbiti bong. Dihyeisi dini kin mun di joti nya e, ma jipai doia.

NEHEI LEUSI 19:18

Hum mmup di ndok bibor nggai kep Nungug Sinai titut yam lewo tuhan juk kwei ei dip dem kep nok huma. Hum mmup dima brou kikau dem kep nok hum mmup ei tong nsi apino nungug dima mun brim nindig bibor.

YESAYA 24:1

tuhan mibindei sar dihyeisi dini. Apino dihyeisi dini ngoi ba, mpia mbum-bra bram. Noni minggek bikiek ninjek dip bibindei ba, timiei dihyeisi dini intek gimahap.

YESAYA 24:20

Dihyei dini minok bar di sibui-sibui nyen bidem no di dut pes di nibou ngwak sibui ba, bingmai bidem kep nok ig jibei di hou sigau hwen di bingmai a. Dihyeisi dini mitti lewo nide sisar buhun tak apino mitimek ba, mikiju hanyen bu bi sren.

YESAYA 5:25

tuhan gga nide limwa nya bitin ei mem gima kes hukum ei yok dip. Nungug nya mporo ugwa-kwei. Nimbiam ngut mijo-jo wai bidem kep mumpiang di jo-jo wai ei puigsi nya. Mbro nok gima lo, tuhan gga yok bikes hukum ei yok dip kikau.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

YEREMIA 4:24

Diyai bong kep nungug tou kin mbigdip di anai nya bidingat lo, hagom ugwa-kwei nindig bibor.

YEHEZKIEL 38:20

Wau nya kin ha nya kin mindhe-ndhe nindig kin nimien nya hagom kin yo di yahagom di ingat rin ei dihyei njek dip dini migwam nidigitti tirigi igya um Da. Nungug nya mitti ei yam dip lene pimbien nya cem mikau dop ei yam dip ba, ngug tig nya cem hagom milus bingwig ei yam dip.

YOEL 2:10

Tirigi hai ceng dima yok injei kwei lene ibindei ba, dihyei ugwa-kwei. Mpia-bbed him bingmai ba, mpia njap kin bed mmun dindi-kai lene ham nya cem jimjit bu bi.

AMOS 9:5

tuhan Di Ninyeng Jei Bibor ba, Sindem Bibor cem ngget dihyeisi dini bibindei ba, ugwa-kwei lene biyai ba, timiei dihyeisi dini yahagom ingon buhun bibor. Dihyeisi dini titut yam dwoi bisri hanyen noyam kin Minyei Nil di dwoi lene sri hanyen.

MIKHA 1:4

Noni bindei ba, nungug nya jet bingwig noyam kin lilin di jet ei humti ei nimig jou. Nungug dima jet ba, kau dop kak bisunggung ug ei mbang briepti nya noyam kin minyei di biam leu mbigdip nya kikau ug ei nimig nya.

HABAKUK 3:10

Tirigi nungug him nya ingat Na lene ingon digit ba, biget mbras kwei leu mpia-bbed him. Minyei ei dihyei jou nibimbi bong nindig bibor bitti bram yam bidwoi bibor.

ZAKHARIA 4:7

Nibigen ser nati di dem kep nungug lo, mipror leu aho bei. Nani rino ma awin Ditde Ig hanyen. Mpe dino akrau tig mma di bon ninyeng ba, aprion ei nuhuisi lene tungwatu nya mimbos-hi-mbos bipai ‘Kei bibor kei!’ ”

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MATIUS 27:51

Ban mbrawin di ipindur ei Tuhan De Ig rik hacan bipek guhu bipek gimu. Dihyei mun brim ba, hak cem ki hacan.

MATIUS 28:2

Idrui sut gi dihyei mun brim kros nindig bibor ba, Tuhan de malaikat gom juk kwei leu gwamti leu api rim tig mma leu jui dip bigwam dip.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

NINGAT-HI-NGAT NYA 6:14

Mpia-bbed him cem pror hak nok srat di ikijum ba, nungug nya kin mios nya hagom son leu nijoti.

NIJAM NIKEI NYA 5:5

Nungug nya ugwa-kwei ei No di ninyeng tak kep Nungug Sinai Noho bei ba, ei tuhan di nok mben Israel ide Allah Noho bei cem.