NAHUM 1:3 - ALLAH NIHYET MEM TUNGWATU NYA

³ Ningat ne tuhan gga haninyai bi. Noro Noni sindem bibor apino bindei ba, bit bon no di bon mun tunggwei ningwes ngun leu hukum kan bi. Hou di nimig ten bibor cut ei mpia di tuhan mbut eisi. Dihyei ndung wer bumbuhui ei mpia di nimig co eisi.

NAHUM 1:3 ပူးပေါင်းရင်းမြစ်များ

SAMUEL GI NICAN 22:10

Noni bindei kki mpia-bbed him bikki hacan leu api juk kwei ba, co bumbuhui di dindi-kai dip.

NEHEMIA 9:17

Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

AYUB 10:14

Amian huk da leu binhyepo angat ditde nitunggweisi nya leu binhyepo akou sut gima akos ser ditde sisar.

AYUB 38:1

Lene tuhan ba nibuhupti di noyam kin sigau nibimbiti buhup bak Ayub bipai,

AYUB 9:4

Tut Allah ne ningon ki bibor ba, sindem bibor cem. Tou rino sindem mem gima kui dip Noni i?

MAZMUR 103:8

tuhan ningon ngakei nye bingondut nye cem. Noni bet ningon mem nye ba, ningon mpung tut ningon ngakei tungwatu nyati di ug hon nohonti bi sren.

MAZMUR 104:3

angot ig mem Nanti ei minyei ngwa dip di jo anai gwam nibehei lene apri ba, agwam ei bumbuhui nya di nok Ade kroba pran kin hou ninyehei dip ba, abidor-dor nyen.

MAZMUR 145:8

tuhan ningon ngakei tungwatu nya ba, ngondut yok cem. Ningon sibui sut yok haninyai bi ba, ningon ngakei yokti ug hon nohonti bi sren.

MAZMUR 147:5

Ide tuhan nindig bibor ba, mipbor ngat cem. Bit bon nyeni ingon dorti tut Nide ningon kiti di ug hon nohonti bi kan bi.

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

MAZMUR 62:11

Ma jiba jingon com mun di jiyai leu nico kep tungwatuti au. Ma jiyok jingon mem mun di jitug ndei tug hon ndigban di jipos nya au. Mbro nok gino mun di jinyeng tut nya kum eisi lo, ma jiba jingon com ndigban dima au.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YESAYA 29:6

tuhan Di Ninyeng Jei Bibor miba hou sigau di nimig ten bibor kin ngkit di sindem bibor biteu minu ndig dima biyai ningwes ngun bak. Noni mikes hou sigau di nimig ten bibor kin hum di cig-cai kwei.

YESAYA 66:15

Ningat ne tuhan mikwei sut hum a. Noni mikui Nide kroba pran di dem kep hou di nimig ten bibor lene bindei hei nigga biborti bikon nihyet kep yok bibor.

YEREMIA 4:13

Jingat i, siceu itau kwei ba, idem kep bumbuhui di tap a. Kroba pran di ide nya dem kep hou sigau di cut a. Kuda di ide nya idor sindem dor njiriek ha krubri cem. Ayo! Buhun bibor mem nyeni o! Nyeni yahagom isar ug rin o!

DANIEL 7:13

Tirigi dingat ningat-hi-ngat dini bou diyai him mem mmun dima lene dingat mun nyeng gom kin bu di noyam kin tungwatu. Noni mbut kwei ndam da lo, bumbuhui nggai kep noni. Noni mbut ndam No di niyaijo bijo ninno bijo kikau ba, ibindo noni bak.

HOSEA 8:7

Tirigi Ditde limwa nya igimahap ningan hou he ne yoni mipuk ningat hou sigau ri! Ide miai gandum len bi. Ba, gima bindei ba, igyai tepun mem ide njita cem bi. Noro tirigi miai dima len leu api ngkiai nya mikwei yem tepun dima bingwig leu yok.

YOEL 2:13

Ma jiba jingon di nggriu-nggrop bindo tut gi jittin ser jide sisar leu gino jirik jide sinsun ei je him he ne dem mem bi.” Ma jingkwei hanyen ndam tuhan di nok jide Allah. Ningon jo nyahan ba, ngondut je biningon nggriu sut je cem. Noni tin ei mem gima kos ser tungwatu nya ide sisar bikou sut gi kes hukum ei yok dip.

YUNUS 4:2

Lene noni ngat nadi bipai “tuhan e, tirigi dijo leu ditimieisi bigyo ne dikan tut bipia mporo abindei ba, timiei minu ndig Niniwe mittin ser ide sisar. Dikan tut bipia angondut tungwatu nya ba, angon nggriu sut yok. Aom angon tut yok ba, asingat tut yok leu api atin ei mem gima aluei angonti tut hukum di akes ei yok dip. Apino bitig dino dinang leu Ade nicuk dati leu api dinang ug ei minu Spanyol leu a.

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

MBEN ISRAEL IMBUT-MBUT NYEN 14:18

‘Dani ne tuhan rin ba, dingon sibui sut tungwatu nya haninyai kan bi. Noro Ditde ningon ngakeisi nindig bibor bikum eisi bu ba, dingon gom cem. Lewo dikos ser tungwatu nya ide sisar kin ide naham nimbuk kep Dati. Mbro nok gima lo, midikes hukum ei imunggwom bat nya kin ignyon bat-idrot bat nya dip kikau ug bipek yo di intun yok him gi niningai kin gi nibitai drek dip ide pung di intun him nya ide sisar.’

MATIUS 26:64

Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat Gi kwei hanyen ei bumbuhuiti leu mpia-bbed him kwei ri!”

YAKOBUS 1:19

He disut bat di dingon kieti jen, ma jiyok ngon kep dihyet bipia suar bikwop tungwagom-gom bipbur ba, nitingou dile noro nyohou yai sut nimbrapti. Ma ningon sibui sut tungwatu nya au.

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!