NAHUM 1:2 - ALLAH NIHYET MEM TUNGWATU NYA

² tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

NAHUM 1:2 ပူးပေါင်းရင်းမြစ်များ

AYUB 20:23

Tirigi nibou sibui sut giba njita boom ninghop lene Allah migga noni bikes hukum ei noni dip.

MAZMUR 94:1

Allah e, Nani ne Allah di ba ningon sibuisi bibuhup bak yo di isibut nya ri. tuhan e, ando angon sibuisi dima brei binye.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 34:14

Harin dima jikuk je bijinggei sut kwar nya a. Lewo Dani ne tuhan rin ba, di nok Allah di kou sut kwar nya.

NEHEI LEUSI 34:7

Dingondut tungwatu nya kikau ug bipek ide nintun him yamti di bram yam nya ibou sribu-ribu. Dikos ser ide sisar kin ide mun di igyai tunggwei nya. Noro bit bon yo di ingon mui nya mingwes ngun leu hukum kan bi. Lewo midikes hukum ei imunggwom bat nya kin ignyon bat-idrot bat nya dip kikau ug bipek ide nintun him yamti di bram yam nya nimpung gi niningai kin nibitai drek dip ide pung di intun him nya ide sisar.”

YESAYA 42:13

Mimbri kui tuhan ningkek dem kep nok nikon kep pran cig di tindei ser Nide siceu nya. Noni kon nihyet kep yok bindo Nide nisindemti biyok.

YESAYA 51:17

Minu ndig Yerusalem e, akiju! Atug ndei hukum di tuhan pinak di cut igkep na kikau bingwig hon nohonti tu.

YESAYA 51:20

Ade timiei nya ide nisindemti ngwig leu yok bitti bibong ser bikwop puig nuhuisi hagom. Idem kep rusa di biam bon pimo. tuhan niggati cut bihwen yok ba, itug ndei Allah nikon nihyet kep yokti tu.

YESAYA 66:15

Ningat ne tuhan mikwei sut hum a. Noni mikui Nide kroba pran di dem kep hou di nimig ten bibor lene bindei hei nigga biborti bikon nihyet kep yok bibor.

YEREMIA 25:15

tuhan di mben Israel ide Allah pai bida “Ayai mok ba anggur ngei di ut tut Ditde nigga biborti di noyam kin ba anggur ngei dini. Attei ba, aug sut ndam ngkiai nya yahagom bidem minu di dipinak na ndam yok nya. Lene ma acuk yok bidut ei gimokti dini.

YEREMIA 28:8

Nabi di igyaijo nipou tirigi nijam di nyeni igyaijo eisi dini bigyo itri tut bipia pran kin mun di buhun bibor kin nsuwer ajar micut igkep mben imang bibor kin ninyeng tak kepti di sindem bibor nya cem.

YEREMIA 3:5

Lene jipai biDa bipia midigga jeni bijo kikau bi. Je di mben Israel jipai nok gima noro no jibon kep mun di kinei bibor nyeng hagom yo.”

YEREMIA 36:7

Mpaba ahyet dima mibindei ba, yoni mingat nadi bak tuhan bittin ser igyai munti di kinei bibor nya. Lewo tuhan ba nigga biborti bicug yok tu.”

YEREMIA 4:4

Je di timiei minu Yehuda kin minu ndig Yerusalem e, ma jikrau kep jide mun di jipreu ei mem jide tuhan di Dani ba, jidimig jenti pijum ei mem Da. Gi bi ne Ditde nigga biborti micig-cai nok hum di bit bon tungwa hi mu kep kan bi. Gima yok hagom micut igkep jenti njem drek dip jide nibon munti di kinei bibor.”

YEREMIA 50:15

Jikon jihyet nindig bijihyet sra tut pran ttai minu ndig dima! Nogindini mben Babel ikes yonti ei jinda nsi tu. Siceu nya ihwen ngug tig binjei bitti tu. Dani dibirop hanyen bak mben Babel. Gima rino ma jibibon yok nok gi ibibon nindigsi nya.

NIBWOS-BWOS NYENTI 4:11

tuhan kes Nide nigga biborti di cig-cai biyem minu Ndig Sion bijjem sur dihyei njek dip hak ug su o!

YEHEZKIEL 36:6

Gima rino ma ambot kep tut dingon kanti mem mben Israel. Apai bak nungug nya kin mbigdip nya kin minyei pmot nya kin mbang briep nya bipia Da di tuhan Di Dinyeng Jei Bibor digga yok ba, bit bon doom dingonti drek dip ngkiai nya di ighyet wer mpiahi tut yok bibor bingwes pri gau yok cem kan bi.

YEHEZKIEL 38:18

tuhan Di Ninyeng Jei Bibor pai “Noro tirigi nibou ndig Gog coi bihwen Israel lene midoom dingonti tut bi. Ba, dihwen noni haninyai lewo digga bibor.

YEHEZKIEL 38:19

Midiba Ditde nigga biborti bisimbot dat bipia hammi njap dima tau rino ngkit di buhun bibor micut igkep minu Israel.

YEHEZKIEL 39:25

tuhan Di Ninyeng Jei Bibor pai “Noro tini bu ne midingondut Ditde limwa Israel di intun Yakub him. Midibindei ba, mun di isuar nya hagom midem mem yok. Dinyohou dinyeng tug hon nisinati dima leu binhyepo ikon dinyeng kikau.

YEHEZKIEL 5:13

Mporo atug ndei diggati kin dingon mpo tut nati kikau kep dingon bibou dingon cut ug e. Tirigi mun dima yok hagom cut igkep na leu su lene aba angon com bipia Da di tuhan dimbrap bit na ba, digga bibor drek dip ade ningon di gom tut Dati bi.

YEHEZKIEL 6:12

Yahagom mitug ndei Ditde nigga biborti. Yo di ibong ei ingkiaisi micut ei ninggwenti leu api imai. Yo di ibong dideu mimai ei pranti. Lene niken di jo mimai inggum.

YEHEZKIEL 8:18

Yoni mitug ndei Ditde niggati di buhun bibor! Dingondut yok bidikos ser ide sisar bi. Mbro nok gino iba nadi bahara tignam-tignam biDa lo, midimiap ighyet bi sren!”

YOEL 2:18

Mpe dima lene tuhan ningon buhun tut Nide dihyei bingondut Nide limwa nya.

IMAM NYA IDE MIDYAI 26:28

lene midiba dingon di sibui bittem jeni ba, midikes hukum mbimuhwindacan bram yam ei jeni dip bu ba, gima buhun bibor dor njiriek gi nipou nya.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

ZAKHARIA 1:14

lene malaikati dima cuk da biditri tut nihyet di tuhan Di Sindem Bibor pai dima. Noni pai bida “Da di tuhan dingondut minu ndig Yerusalem di kwes kei dima bibor ba, dingon ngguk bibor tut cem.

ZAKHARIA 8:2

“Diwis him nituti tirigi dimpu minu ndig Yerusalem lewo dingondut timiei nide nya bibor. Ditde ningondut yokti dima ribindei dino dingon nggrom kep ide nitok nya.

MBEN ISRAEL IMBUT-MBUT NYEN 25:11

“Imam Harun nignyon Pinehas di Eleazar nipmot brim ningkek ba, nyohou dinyeng di jei bibor ei mben Israel ikieti. Apino Ditde nigga yo dima biborti kes hon tu ba, dibindei sar yok bi.

ROMA 12:19

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

ROMA 13:4

Lewo nibou dima ne Allah de awak di yai midyai di bindei mun di kei bibor pek kep mem je ri. Gino jibon mun di kinei lene ma jidigit tut noni lewo noni yai nisindemti mikuisi bi noro mem gima kes hukum ei tungwatu nya dip. Noni ne awak mem Allah rin ba, Allah kes hukum ei yo di isibut nya dip tug hon noni.

NINDAT KEP TUHAN NICUKTI NYA 4:24

Lewo tuhan di nok jide Allah dem kep nok hum di cig-cai ba, Noni kou sut mun di jikuk je bak nya.

NINDAT KEP TUHAN NICUKTI NYA 7:10

Noro Noni miba nihig ningon tut bisi bikes hukum ei yo di ingon mpo tut Noni dip.

IBRANI 10:30

Lewo ikan tut No di pai “Midikes hukum ei tungwatu nya dip ba, dibirop hanyen biyok” kin No di pai “Tuhan mimbus Nide limwa nya ingonti.”

YOSUA 24:19

Lene Yosua pai biyok “Krop kei mem jikuk je bak Noni bi. Suar jiba jingon titut bibit nihyet lewo Noni ningon sren-srau. Bit bon Noni kos ser jide sisar dino,

PETRUS GI NICAN 2:9

Gima rino Allah kan tut nisinati mem gima teu yo di ingon sren nya ba, ingwes ngun leu mun di buhun tak yok. Ba, Noni kan tut nisinati mem gima om kep yo di isibut nya bibou Njap di Noni kes hukum ei yok dip midem ug e.