NAHUM 1:14 - ALLAH NIHYET MEM TUNGWATU NYA

¹⁴ Gini ne tuhan nikos tutti di bitut mben Asyur ri. Yoni mimbun imunggwom di intun yok him mem gima ibinut ide nintun yam him yamti di bram yok nya bu bi. Midibindei timek kwar di ikuk yok bak ei ide kwar nibousi nya hagom. No ditin ei jui mem mben Asyur tu lewo dem tut gima igyaijo bu bi!

NAHUM 1:14 ပူးပေါင်းရင်းမြစ်များ

NIBOU NDIG NYA GI NICAN 19:37

Jei bi lene noni coi ug ei ig kwar nibousi bikuk no bak nide kwar Nisrokh lene nipmot bat cin di Adramelekh kin Sarezer iba ide simeda bitot noni bimai leu api inang ug ei minu Ararat. Apino Esarhadon di nipmot hi kin bu ya luei nohoti nok nibou ndig.

NIBOHON MBEN ISRAEL GI NICAN 32:21

Apino tuhan pinak malaikati gom biyai nimai bak tentara Asyur nya kin ide nibou nya di igyon ttai minu ndig Yerusalem pima yahagom. Gima bindei ba, nibou ndig mben Asyur ngkwei hanyen ba, mmai sut nindig bibor. Leu api mpe di gom bu tirigi ningat rin ei nide ig kwar lene nimunggwom bat ningat-ngat nya ibou poi ikwei ba simeda biyai nimai bak ei mpia dima.

AYUB 18:17

Ninyeng di jei cut hak leu noni ei nitimieisi kin ningkiaisi cem. Hi dima yok ngon kep ninyeng cem bu bi.

MAZMUR 109:13

Nnaba nide nintun him yamti di bram yam nya yahagom imai urung hak leu binhyepo nimpung munggwom di misrek ei nidipti bu ibbwe ser ninyeng ug.

MAZMUR 71:3

Abindei ba, anok nungug tig di digwam coi bidigwam nding eisi. Anok tentara nibousi di dinang coi ba, dingwes ngun ei niti. Nani ne mpia di digwam coi kin mpia di digwam nding ri.

NEHEI LEUSI 12:12

Lewo midiya bidem minu Mesir nisurti-nipekti mem mmun dima bidiyai nimai bak munggwom pinai mighumbou nya bidem ide ig bei hagom kin mindhe-ndhe nipmot bou nya hagom. Ba, midikes hukum ei mben Mesir ide kwar nya hagom dip tug hon nisinati dima. Lewo Dani ne tuhan ri.

NIPINGOK NINGONTI 10:7

Tungwatu nya mikan kep yo di ingon kwes kei nya ide nibon munti nya ba, ibbwe ser yok bi. Noro ibbwe ser no di sibut haninyai hak.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YESAYA 33:13

Nnaba tungwatu di ibong dideu cem gi ibong ting cem imiap kep diyai munti nya ba, ipai jit bipia disindem bibor.”

YEREMIA 50:2

“Abon mun di bindo lene abipai bidem ngkiai nya yahagom bipia minu Babel cut tu! Ma aku mimun tut nicutti au! Siceu nya ibindei minu Babel de kwar di ninyeng Merodakh bindung-ndiem tu. Kwar di mben Babel nya ide dima di bindei di tungwatu icut ei mun di kinei nyati dima ki kukiau bikinei-kinau tu.

DANIEL 11:21

Malaikati dima binut nihyet bu bipai “Nibou ndig gi bram bu di ninyeng tak kep minu Siria ne nisibut cig ri. Dem mem noni yai ninyeng nibou ndig bi. Noro noni kwei kros lene ba niris munti biyai ninyeng nibou ndig bigwam niti.

DANIEL 5:27

‘Inai nibuhunti’ ndo tut gi Allah bakilo angon ei Nide kiloti bingat lo, adem mem bi.

IMAM NYA IDE MIDYAI 26:30

Lene midicok tut mpia di jikuk je kikep bak mun di mipror yon eisi nya di jo bidem mbigdip nya ba, midinggek jide nimbar di jindig kep biei nggrai di ui-gwang kei kikep eisi ba, midicom jide nimai ngut nya ei jide kwar di tti tu pima yok dip cem. Midiba ningon him wei,

MIKHA 5:13

Midiwim jide cou biei di jipigig sut ei mem kwar Asyera di jo bidem jide minu bidibindei ba, jide minu ndig di bon tentara nibousi di igya coi nya timek bingwig.

MIKHA 5:14

Midiba Ditde nigga biborti di cig-cai bibirop hanyen bak mben dihyeisi dini nya di ibit dihyet bi hagom.”

HABAKUK 2:10

Noro jiyaisi dima bindei ba, jide bat nya immai sut yonti. Jibindei ba, mun di buhun bibor cut igkep jenti drek dip gi jiya kep mben di dihyeisi dini imang bibor bitimek bingwig tu.

SAMUEL GI NIGOM 3:13

Dindo brei binoni tu bipia midikes hukum ei yok dip bijo ninno bijo kikau drek dip nipmot bat cin di ighyet wer mpiahi tut Da. Igyai munti di kinei dima jo nibreisi mem Eli tu noro noni ggai ser yok tut bi.