Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MIKHA 7:8 - ALLAH NIHYET MEM TUNGWATU NYA

8 Ide siceu nya ipai mun mem ibisu tindei ingon di kei kep nye tut gi itimek bingwig bi. Mbro nok gino nyeni icut tu lo, jei bi ne ikiju hanyen bu. Nogindini ingat rin ei nidinditi noro tuhan mipiga digai nye bu.

အခန်းကိုကြည့်ပါ။ ကော်ပီ




MIKHA 7:8
46 ပူးပေါင်းရင်းမြစ်များ  

Dingon kei kep ditde siceu nya di itug ndei mun di buhun tak yok kin mun di kinei bibor di cut igkep yok bi sren.


Nipigati piga ei nidinditi mem no di singat kin ningon sren cig kin ningondut cig kin ningon ngakei cig.


Ditde siceu huk-huk nyen da ba, bindei timek da tu. Noni kat da bicom da ei ig bui nsi di dindi-kai ba, didem kep nimai di itig mimbrek tu.


Tungwatu bihi iba ingon com ide kroba pran nya lene bihi iba ingon com ide kuda nya. Noro tut nyeni ne iba ingon com ide tuhan Allah bitut Nide nisindemti.


Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.


Ma asindui sut ba, yo di imbuk tut da iba da bikek mikui-kausi au. Ma asindui sut ba, yo di ingon sibui sut da imbos-hi-mbos bingon kei kep da mikui-kausi au.


No di sibut dahat ndiyok leu tungwatu nya lene rop ningwam hanyen bi. Noro no di ningon sren ba ningondut yokti bikwas mun tut tungwatu nya.


Gino no dima ndrat mpia ne kinoi bi lewo tuhan krau ninda bingkiem.


Noro ditde tuhan Allah e, diyok dingon mem Na. Nangkom rino ma abuhup dihyet.


Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.


Nipigati piga mem yo di ingon sren ba, ningon di llei piga mem yo di ingon kwes.


Je di jintun Yakub him e, jikwei ba, imbut ei nipigati di kwei leu tuhan!


Midikwek yo di isima ei ig bui nsi nya ba, imbut hanyen. Midibuwak yo di ibong ei nidinditi ba, imbut mem nipigati. Mbro nok gino inok domba di igya-ya nyen ei nungug tou di ngoi-nga bimbut ug ei minu ting lo, njita midem mem yok.


Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.


tuhan e, abindei ba, ingon llei bibor bimbos-hi-mbos. Ingon llei sut Ade nisingat tut yokti nya dem kep nok yo di ingon llei sut gandum di ikos kwei leu beisi kin yo di ikwas ndigban di ipos nya tut yam.


Nipou yo ne minu Moab pa ndip mben Israel bi e? Minu Moab bibon mben Israel dem kep nok gi ikat no di bit yo di inggimang nya pimo bi e?


tuhan pai “Mben Babel e, jicut igkep Ditde limwa nya bijipos ndigban leu yok. Apino jinggei-hi-nggei bijipri-pri nyen ba, jidem kep kuda di bon nihyet kin sapi di yem kep minta pimo.


tuhan cuk da bidipai bak Nide limwa nya “Gino tungwagom cut lene noni mikiju hanyen. Gino hi kriek leu puig lene noni mingkwei hanyen.


tuhan Di Ninyeng Jei Bibor pai “Ma jibien-bien nyen ba, jittem-ttem nyen jinda lene jibiyai nillei. Ba, jingon kei kep minu Israel.


bit leu nok jide ningon kei kep Ditde limwa di Israelti ei mpe di mpia mbum-bra bram yok. Nungug Seir nya he bi noro minu Edom titut yam mimbum-bra ri. Apino yahagom mikan tut bipia Dani ne tuhan ri.’ ”


Noni pai “Diba Ditde nigga biborti di cig-cai bipai kep ngkiai nya di ibong ttai je ba, dibipai kep mben Edom pijum. Yo dima iba ingon di kei kin ingwes di pri gau Da biyai Ditde dihyei bigyati lene ijem Ditde minta nidumti nya bou yok nok ide.


tuhan pai “Ei nidipti bu ne midipindi Daud ninyeng tak kepti di tti tu di noyam kin ig di nggun ba, kei hanyen. Dikinding ngug tig di krop ttai minu dima binoyam kin ngug tig gi nitimiei hanyen.


Dem tut gima jingon kei kep timiei Yehuda drek dip mun di kinei di cut igkep yok bijingon nggei-hi-nggei ei njap di jide adig-ajoi nya isar dima bi. Dem tut gima jipa ndip yok mpe di mun di buhun cut igkep yok bi.


Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.


Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.


Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.


Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.


mben di ibong ei nidinditi ingat ninjeng nindig bibor! Ninjeng di piga kei piga mem yo di ibong ei minu nindibutti di nimai nya ide tu!’


Ma jiyok ngon kep bipia mijipim bijiyai nggwei kibor cem noro tungwatu dihyeisi hagom ingon llei bibor. Jingon buhun noro jei bi lene jingon llei bibor hanyen bu.


Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”


leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”


Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.


Tungwatu nya imang bibor iba nitok binye noro Allah kes nye ei bi sren. Mbro nok gino ibui nye kinei-kinau lo, igyai nimai binye bi.


Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.


Mmun minggai kep yok bu bi ba, isuar mini ninjeng kin mpia njap mem gima piga digai yok bi lewo Allah Nonti piga digai yok. Leu api yoni inok nibou ndig di inyeng tak kep ide limwa nya kikau buug hon nohonti bi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ