MIKHA 7:6 - ALLAH NIHYET MEM TUNGWATU NYA

⁶ Lewo ei nijam di nok gini ne yo di ig bei nsi gom iba nitok biyam. Pinai nya ingwes om kep icig bat nya lene sop nya iba nitok bak ipmem bat nya. Sop di ignyot bat yam cem iba nitok biyam bu.

MIKHA 7:6 ပူးပေါင်းရင်းမြစ်များ

NITRITI 49:4

Anok minyei di ugwa-kwei apino anyeng jei dor njiriek nindigsi nya bi. Acut tut ditnem ndrim ba, abimangkrei ditde nghim nsi tu.

SAMUEL GI NICAN 16:11

Daud pai bak Abisai kin nibou nya di igya kui noni yahagom “Dipmot bungwam mem gima yai nimai bida. Nggon rino jinga leu sut no di ntun Benyamin him dini nimbriom dati i? tuhan cuk noni bipia mbriom da. Ma jisindui sut noni ba, mbriom da hak ug.

MAZMUR 41:9

Ipai biyam “Nggwen buhun bibor. Bit bon noni kiju hanyen kan bi.”

NIPINGOK NINGONTI 30:11

Tungwatu nya bihi ighyet wer mpiahi tut icig bat nya ba, ingkek ndok tut ipmem bat nya.

NIPINGOK NINGONTI 30:17

Gino tungwagom nihyet wer mpiahi tut nicig-nipmem nya di inghim koi su lene ma tungwatu nya injei noni ug ei nisai leu binhyepo mini wou nya ipuk niyai njep leu ba, hacam krubri nya ipuk ningut nok ide mun di igyem.

YESAYA 3:5

Tungwatu nya yonti mico kep yam nyen. Pilei nya igimiap ndigpoi nya ighyet bi lene nikinei-kinau nya igikuk yok bak ndigpoi ndig nya ba, igibit ighyet bi.

YESAYA 9:19

Tungwatu nya bidem minu dima hagom ibrim-nggok njita di igyem bigyem-yem wai. Noro igikan niyem mun di ndei inggumti bi. Gima rino ibiyem yonti imunggwom bat nya inghui cem!

YEREMIA 12:6

Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

YEREMIA 9:4

Suar bikwop tungwatu nya ingon sok kep yonti tut isut bat nya. Gi mbun adig-ajoi ningat-ngat nya cem iba ingon com yam kan bi. Lewo idem kep Yakub ba, bikwop yahagom iris bak ide adig-ajoi nya. Bikwop tungwatu nya ibindei hi ninyeng kinei ba, iris mun cem.

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

OBAJA 1:7

Yo di jijem jisut bit yok iris mun bije ba, ijji je leu jide minu tu. Jisut bat nya ihwen je bijicut biyok ba, yo di igyem njita bit je cem isrou je. Ihig yam nyen ser je bipai ‘Ide ningon kiti nya no jo hantousi i?’

MATIUS 10:21

Mpe dima lene yo di ikinjoi bat yam mitri yam leu api yo di ikrau nisindemti nya mijem nimai gau yok. Nok gima cem andig poi nya mitri imunggwom bat nya ba, munggwom nya mitri icig bat-ipmem bat nya leu api yo di ikrau nisindemti nya mijem nimai gau yok bu.

MATIUS 26:23

Yesus buhup “No di tur roti ei mokti bit Da rino mitri Dani.

LUKAS 12:53

Andigpoi nya iba nitok bak ipmot bat nya lene pinai nya iba nitok bak icig bat nya. Sindig nya iba nitok bak ipmisop bat nya lene sop nya iba nitok bak ipmem bat nya. Sop dino ignyot bat yam cem iba nitok biyam.”

LUKAS 21:16

Mpe dima lene jicig bat-jipmem bat nya kin jikindig bat-jikinjoi bat nya kin jide bat nya kin jide yo di jinttig-tta nya yahagom mibakilak je apino jibihi mijiyai nimai.

YOHANES 13:18

Dikan igbit tut je di didimig je ei su. Dihyet di dibinut bu dini bitut jahagom bi. Allah nihyet pai ‘No di yem njita bit Da ham nimbuk kep Da.’