MIKHA 7:19 - ALLAH NIHYET MEM TUNGWATU NYA

¹⁹ Mporo ma angon nggriu sut nye hanyen bu ba, akos ser nyende sisar. Mporo ma aco kep nyende sisar binnir-wap ba, acom hagom ug ei muk jou!

MIKHA 7:19 ပူးပေါင်းရင်းမြစ်များ

SAMUEL GI NICAN 24:14

Lene Daud buhup bak “Ayo! Buhun bibor mem dani o! Dikou sut gima limwa nya ikes hukum ei da dip a. Gima rino ma tuhan kes mun di buhun ei nyeni dip bit leu Nonti ningon kanti hak ug lewo ningon nggriu sut nye nindig bibor.”

MAZMUR 103:12

Noni com ide sisar ug ei minu ting bibor dem kep nok mpia nipriti kin nikimbasti niting leu yamti.

MAZMUR 130:8

Noni miteu nide limwa di mben Israel leu ide sisar nya hagom.

MAZMUR 85:3

Akos ser Ade limwa nya ide sisar nya ba, adip tut ide nitunggweisi nya hagom tu.

YESAYA 33:24

Mpe dima lene tungwa hi minso tut ninggwen di hwen noni bu bi. Ba, tuhan mikos ser sisar hagom.

YESAYA 38:17

Dingon nggukti minggek binok nibong kei nigwam keisi. Ateu da bidingwes ngun leu mun di buhun di cut igkep da. Akos ser ditde sisar nya hagom tu.

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

YEREMIA 33:8

Midipiap ingonti leu sisar di ibon tut Da bidikos ser ide sisar nya kin ide naham nimbuk kep Dati nya.

YEREMIA 50:20

Mpe dima lene mben Israel kin Yehuda ingon pwoi-pwau lewo sisar ninyeng hi rap yok bi. Dikos ser yo di diteu yok di ingwes ngun tu nya ide sisar leu yok. Da di tuhan disimbot dat tu.”

NIBWOS-BWOS NYENTI 3:22

tuhan de ningon ngakeisi jo kikau bijo mumpui lene nisingat tut nyeti ngwig hon nohonti bi sren,

NIBWOS-BWOS NYENTI 3:32

Niabiati Noni yai ninghuisi wei binye leu lene mingondut nyeni yo. Lewo Noni ba ningon ngakeisi di ug hon nohonti bi bingon ngakei nye kikau.

YEHEZKIEL 18:22

Midikos ser nide sisar hagom. Noni mehek tut niyaisi drek dip niyai munti di igbit.

YEHEZKIEL 39:29

Miduhug Dinnei ei mben Israel dip lene midikes yok ei bu bi sren. Da di tuhan Di Dinyeng Jei Bibor disimbot dat tu.”

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

HOSEA 14:4

Bit bon tentara Asyur iteu nye biningwes ngun kan bi. Bit bon kuda pran cem mpu nye kan bi. Nipai bak kwar di nibon bou ninda him nya bipia inok nyende Allah rin bu bi sren. Na di tuhan e, angondut yo dino tungwatu hiter impu yok bi nya.”

ZAKHARIA 3:4

Gima rino malaikati dima pai bak yo di igya kui no ei gwamti “Jicom sinsun di rom-rau di no dini juk leu no.” Ba, pai bak Yosua “Dicom ade sisar leu na tu. Midiyai sinsun di nijep-jau bina.”

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

ROMA 8:13

Leu gino jiyai mun bit leu jingut kanti di ntun dihyeisi dini him ne jimai. Noro gino jiba nisindemti leu Allah Ninnei bimu kep sisar di jibon nya ne jiyaijo.

NINDAT KEP TUHAN NICUKTI NYA 30:3

tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.

NINDAT KEP TUHAN NICUKTI NYA 30:6

tuhan di nok jide Allah mibindei ba, jeni kin jide nintun him yamti di bram yam nya jingon sren leu binhyepo jiba jingon titut bingon ngakei Noni apino mijibong ser minu dima kikau.

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 8:12

Midikos ser ide nitunggweisi nya di bindei ba, ingon mui lene diyok ngon kep ide sisar bu bi.”

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.