MIKHA 7:10 - ALLAH NIHYET MEM TUNGWATU NYA

¹⁰ Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

MIKHA 7:10 ပူးပေါင်းရင်းမြစ်များ

SAMUEL GI NICAN 22:43

Dihwen yok binem-nnai bidem kep dihyei ndung di kimba-kimba wai. Dico kep yok noyam kin gi dico kep igkrop di jo ei puigsi.

MAZMUR 109:29

Nna ba siceu nya inyeng di kinei kieng kep yok ba, nimmai nggai kep yok noyam kin sinsun ndok di jei di nijeisi pek imig ggom di nggai yok.

MAZMUR 115:2

Nggon rino ngkiai nya ihig ser yam “Ide Allah No ritou i?”

MAZMUR 18:42

Yahara noro hi gimpu yok bi. Yahara tuhan noro Noni buhup ighyet bi.

MAZMUR 35:26

Handei kon ba, yo di ingon kei kep da drek dip dinghuisi weisi nya ingon tai-tai bou ba, igwam nimmaiti ug. Handei kon ba, yo di ipai sut yonti bipia ikei-kau dor njiriek da pima cem igwam nimmaiti ug.

MAZMUR 42:10

Allah ne No di ya srak ko hagau da ri. Gima rino dihig ser Noni “Nggon rino angon prion ser da tu i? Nggon rino ditde siceu di isibut bibor nya ibindei ba, mun di buhun bibor cut igkep da i?”

MAZMUR 42:3

Allah di niyaijo e, diyok dingon mem Na. Apig bu leu api mibon nituti mem da leu binhyepo dihwou kuk da biNa ei Ade Ig i?

MAZMUR 58:10

Isar nipou tirigi ingon huk niti bigyo dem kep nok biei war di nimon yo ba, mahan bigyo di hou kui binjei bingwig hak ba, noyam kin ndia kioi di mui su.

MAZMUR 79:10

Ma acuon ser ngkiai nya di ihig ser yam tut nye bipai “Ide Allah no hantou i?” Asindui sut ba, ningat hukum di akes ei yo di igyai nimai bak Ade awak nya dip bou nyeni niyai him.

MAZMUR 92:12

Dingat ditde siceu nya di ikiju kep da di ihwen da icut bou diyai him. Dimiap tut ingon kanti di kinei di ikos tut mem dani cem tu.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 41:25

Didimig tungwagom di bong bei mpia nipriti ei su leu api dihig noni kwei leu mpia nijjai bikon pran. Noni mico kep nibou ndig nya noyam kin gi ico kep igkrop. Noni ne niba igtuyap bibon kep dibijig cig di co kep igtuyap ri.

YEREMIA 49:15

tuhan bindei ba, ayai nisindemti bi leu api tungwatu nya ighyet wer mpiahi tut je cem.

YEREMIA 51:24

tuhan pai “Nogindini dibirop bak minu Babel kin timiei Babel nya tut ide niyai mun kineisi di bitut minu ndig Yerusalem hagom hanyen ba, jingat gima bou jiyai him a.

YEREMIA 51:51

Jipai-pai nyen “Yo dima ipai nye kinei ba, igyai nimmai binye tu. Nigwam nimmaiti lewo ngkiai nya ibong ser ninsi di kwes nya ei tuhan De Ig hagom bidem ser nye tu.”

YEHEZKIEL 7:18

Yoni mijuk sinsun kron ba, idigit-digoi. Ikak ibou nta apino hiter ingwes pri gau yok drek dip ide nimmaisi.

DANIEL 3:15

Gi nok ne tirigi pun mbrei kin porei kin nggong mbrei kin rebab kin gambus kin serdam nya bitut mun di tungwatu ikek nindigsi nya hagom nibimbiti tibim hanyen ne suar jikuk je bak kwar dima bijinggei sut. Gi bi ne yo di igya ser nya micom je tut jiyaisi ug ei tong nsi di hum njeng cig-cai eisi. Jikan bipia kwar ninyeng hi mikwei teu je leu hukum dima e?”

YOEL 2:17

Suar imam nya di ibon midut bak tuhan ei nimbar hum dokti kin tuhan De Ig nide bisai ma kwei nikieti igyai nggwei kibor bingat nadi “tuhan e, ma angondut Ade limwa nya. Ma asindui sut ngkiai nya bingwes pri gau nye ba, iba ighyet bicig nye tirigi ipai ‘Mben Israel ide Allah No ritou i?’ ”

OBAJA 1:10

“Jiba nisibutti biyai jide adig-ajoi di intun Yakub him. Gima rino jide nitok nya mibindei sar je ba, ighyet kinei sut je mem nijam di jei.

OBAJA 1:12

Dem tut gima jingon kei kep timiei Yehuda drek dip mun di kinei di cut igkep yok bijingon nggei-hi-nggei ei njap di jide adig-ajoi nya isar dima bi. Dem tut gima jipa ndip yok mpe di mun di buhun cut igkep yok bi.

MIKHA 4:11

Minu ndig Yerusalem e, mben imang bibor injei siceu ndam na bicuk yam “Jikwei ba, inggek minu ndig Yerusalem bitimek bingwig! Ma ita ibou eisi leu binhyepo ingat minu ndig Yerusalem di wer igkum kroi bou igyai him!”

MIKHA 7:8

Ide siceu nya ipai mun mem ibisu tindei ingon di kei kep nye tut gi itimek bingwig bi. Mbro nok gino nyeni icut tu lo, jei bi ne ikiju hanyen bu. Nogindini ingat rin ei nidinditi noro tuhan mipiga digai nye bu.

ZEFANYA 3:15

Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.

ZAKHARIA 10:5

Timiei minu Yehuda miyoom kep ide siceu nya dem kep nok nikon mbrap cig nya di ico kep ide siceu nya ba, ide siceu nya idem kep igkrop kak puig sinon. Yoni mibindei timek siceu nya bitut tentara nibri kuda cig nya yahagom lewo Da di tuhan dimpu yok.

MALEAKHI 1:5

Mben Israel ingat mun dini yok bou igyai him lene ipai “tuhan ninyeng jei bibor ba, Nide nisindemti om kep mben di ibong ttai minu Israel nya!”

MALEAKHI 4:3

Mijinjei yo di imbuk nya bingwig mem njap di Danti dikos tut ei mem yok tu apino inok dihyei ndung di jico-co nyen kep.

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”

NINGAT-HI-NGAT NYA 18:20

Timiei gwamti jen, ma jingon llei bibor tut minu ndig dima nicutti! Allah de limwa kin je di jiya kui Yesus kin je di nabi e, ma jingon llei bibor! Lewo Allah kes hukum ei minu ndig dima dip drek dip niyai munti di kinei bibor di bibon bije tu.