MIKHA 6:9 - ALLAH NIHYET MEM TUNGWATU NYA

⁹ Yo di ittin tut tuhan ingon ki. Noni tri tut nihyet bak timiei minu ndig bipai “Je di jinduk yam ei minu ndig dini e, ma jingig jitingou mem dihyet!

MIKHA 6:9 ပူးပေါင်းရင်းမြစ်များ

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

AYUB 10:2

Allah e, ma apai kep da au. Ma apai brei bida tut Ade nihwen bit dati!

AYUB 23:14

Noni mibindei mbut ningon kanti di tin ei di bitut dani. Ter leu gima ne ningon kanti di tin ei mem dani mang bibor bu no rinaha.

AYUB 5:17

Gino Allah sok kep na lene ma angon nggei-hi-nggei! Gino Noni hwen bit angonti lene ma awok tut au.

MAZMUR 107:43

Dijoi sut gima yo di ingon ki nya ikan-kan nyen tut gima yok hagom ba, iba ingon srip bram tuhan de ningon ngakei nyeti di ug hon nohonti bi sren a.

MAZMUR 48:10

Nikan-kan nyen tut angon ngakei nyeti tirigi nikuk nye bak Nani ei Ade Ig.

MAZMUR 83:18

Nnaba tungwatu nya ibindei binimmai kui yokti bijo ninno ba, igwam nidigitti bimai ei nipai yok kinei-kinausi cem,

MAZMUR 9:16

Ngkiai nya di ikan tut Nani bi nya icut ug ei jui di yonti itig eiti ba, ico bon di yonti indin eiti bisrou yok.

NIPINGOK NINGONTI 22:3

Gino yo di ipmem bat nya imiep ingon tu nya itau kep mun di nahanok micut igkep yok ne imbres yonti leu noro bon yo di ingon mbum nya yoom yonti leu kan bi apino itug midut.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 27:10

Minu ndig di bon tentara nibousi di igya coi nya dem kep mpia di ha he bong hak tu. Ba, ikes bijo hak bidem kep iggum ndigsi di tungwatu ibong bi pimo. Mindhe-ndhe nimuhup tu nya itat minta bibong nyahan kep inghuisi cem ei sirima. Ba, ibitot biei meng bingwig leu nimbrinap nya.

YESAYA 30:27

tuhan de nisindemti kin ninyeng jeisi jo brei mem nye leu Nide mpia di ting tu. Hum kin hum mmup bindo tut niggati. Ba, Noni mbrap lene nihyet noyam kin hum di yem mpia.

YESAYA 66:6

Jimiap i! Nibimbiti di bong dihyeiti binok kru di cut no nugwei jo kep minu ndig a. Nihyet no tibim kwei leu Ditde Ig a. Nihyet dima ne tuhan nihyet di Noni kes hukum ei nide siceu nya dip ri!

YESAYA 9:13

Gima rino tuhan kes hukum ei nibou mben Israel bitut ide limwa nya yahagom dip mem njap gom ngat he. Noni kwam minu Israel bicom nibou kin nipu ei.

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 47:7

Noro gino dicuk singau simeda dima mem gima ug tot timiei Askelon kin timiei muk nipimat nya tu lene notou singau dima gwam kep ninghuisi i?”

YEHEZKIEL 7:9

Dingondut na bidikos ser ade sisar kan bi. Dikes hukum ei na dip bit leu mun di suwok hagom di abon tu nya. Leu api mporo akan tut bipia Dani ne tuhan rin ba, Dani rino midikes hukum ei na dip.”

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

AMOS 2:5

Gima rino midipinak hum di cig-cai ug ei minu Yehuda leu api hum dima miyem tentara nibousi di igya coi nya ei minu ndig Yerusalem.”

AMOS 6:1

Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

MIKHA 6:10

Yo di imbuk nya iku ndigban kin mitiei di iris leu tungwatu nya tug hon nisinati di igbit bi ei ide ig bei. Yo dima iba ide kilo nitrowai biris ndigban leu yok. Dingon mpo tut igyai munti dima nindig bibor. Midikes hukum ei yo dima dip drek dip igyai munti dima yok.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

ZEFANYA 3:2

Buhun bibor mem timiei minu ndig di ikou sut tuhan nisok kep yokti ba, ijoi sut nipingok yokti bi cem. Yo dima iba ingon com Tuhan ba, yahara bak mem gima mpu yok cem bi!

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.