MIKHA 6:8 - ALLAH NIHYET MEM TUNGWATU NYA

⁸ Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MIKHA 6:8 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

NITRITI 5:22

Henokh yai Metusalah lene nide njap ug ei ari bingwam sratus ningai bu ba, ningon kwes kin Allah kikau. Noni yai nimunggwom bat nya hi kin bu ba,

NIBOHON MBEN ISRAEL GI NICAN 30:11

Noro yo di intun keret Asyer kin Manasye kin Zebulon him pima bihi ijoi sut induk yam ug ei minu ndig Yerusalem.

NIBOHON MBEN ISRAEL GI NICAN 32:26

Noro niabiati bu ne Hizkia kin timiei minu ndig Yerusalem yoom yonti ei tuhan Noho bei. Gima rino tuhan kes hukum ei nide limwa nya dip mem nijam di Hizkia niyaisi jo yo dima bi.

NIBOHON MBEN ISRAEL GI NICAN 33:19

Manasye de nadi di ngat bak Allah bitut Allah nibuhup hanyenti bak kin nipai jit nide sisar di bon nya nipou tirigi ttin ser sisar di bon bigyo nya kin mpia di mem nikuk no bak kwar eisi di nonti ngot nya kin kwar ngot di nonti tas ei mem kwar Sop Asyera nya kin kwar nindigsi di kuk no bak nya cem nipas kepti hagom jo ei srat Nibohon Nabi Nyati.

NIBOHON MBEN ISRAEL GI NICAN 33:23

Noro Amon niyai munti nya ter leu nicig niyai munti nya lewo Amon om nonti ei tuhan Noho bei ba, ngkwei hanyen ndam Noni bi. Nide sisar di bon nya dor tunggwei nicig nibon sisarti cem.

NIBOHON MBEN ISRAEL GI NICAN 34:27

anso nanti tut leu api aboom nanti tut ei Doho bei. Ditin ei mem gima dihwen minu ndig Yerusalem bidikes hukum ei dip. Noro tirigi amiap tut dihyet dima rino apim ba, arik sinsun di ajuk ser angkek dip cem nok bindo tut angon di ngguk. Dimiap kep ade nadi tu ba,

NEHEMIA 9:13

Asrek kwei leu mpia-bbed him ei Nungug Sinai leu api ambrap bit Ade limwa nya ba, ayai Ade nicukti kin Ade nikos tutti kin Ade nipingok yokti di nijit-jau nya bak yoni ei sirima.

MAZMUR 101:1

Doia Daud. tuhan e, diba doia bikiek dingon di gom tut Na kin ditde niba ningon sren bibon tungwatu nyati. Diba doia dini bikon anyenga!

MAZMUR 112:4

Nipigati piga ei nidinditi mem no di singat kin ningon sren cig kin ningondut cig kin ningon ngakei cig.

MAZMUR 112:9

Noni kwas mun di nyeng tut nya tut hiter bikwas mun tut yo di yuhui mbum cem ba, niyai munti nya hagom kei kikau. Gima rino ninyeng jei ba, tungwatu nya ikon ninyeng cem.

MAZMUR 37:26

Noni kwas mun tut yo di hi ter lene bisindui sut hiter ibon ningwam binoni cem ba, nimunggwom bat nya mibiyai ningon nggei-hi-nggei.

MAZMUR 73:28

Noro tut dani ne gino diya kui Na di tuhan biditri tut Ade midyai nya ne dingon llei bibor lewo Nani ne mpia di diya coi ri.

NIPINGOK NINGONTI 21:3

Ayai munti nya di igbit ba, sren kei cem kei bibor ei tuhan niyai him dor njiriek midut di abon ei nimbar hum dokti bak Noni.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

YESAYA 56:1

tuhan pai bak Nide limwa nya “Ma jibon mun di igbit di dem igbit Ditde nicukti nya. Leu ariman bu ne midihwou teu je bijingwes ngun rin ba, dingon sren-srausi jo brei bou tungwatu nya yahagom igyai him.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YEREMIA 22:3

“Da di tuhan disok kep je mem gima jiba ningon gomti kin ningon srenti biyai kep jiyai munti nya. Ma jikwek no di yo di isibut nya ikes nibittemti nindig bibor ei ninghat dip dima leu inda nsi. Ma jico kep ngkiai di ibong timiei bit je nya kin moibihi nya kin kibom nya ba, jibon mun kinei sut yok au. Ma jiyai nimai bak yo di ingwes ngun ei mpia dini au.

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

NIBWOS-BWOS NYENTI 3:26

Gima rino nna ba nyeni yoom ingon bigwam nyahan bibou tuhan kwei mpu nye ug e.

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

YEHEZKIEL 33:14

Gino disok kep no di mbuk bipia jei bi ne noni mitug ndei nimai apino noni mbres nonti leu sisar biyai kep mun di kei bibor kin mun di igbit,

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

HOSEA 6:6

Diyok dingon mem gima jingon jo kep Da kin gi jingon ngakei Da ba, mun nyeng can dini bon ninyeng nindig bibor dor njiriek nindig mindhe-ndhe ei nimbar hum dokti bak Dati.

IMAM NYA IDE MIDYAI 26:41

apino ibindei dino dikes hukum ei yok dip ba, dicom yok ug ei ingkiaisi ei minu di ide siceu nya ide drek dip ide sisar. Gino jide nintun him yamti di bram yam nya dima yoom yonti ba, ikum ningwam di ibon bak Dani drek dip ide sisar kin ide nikiek nimig jou tut Dati cem,

AMOS 5:24

Ma jibrim jingkek leu binhyepo nikei nikos tutti di sren kei biam nok minyei di biam sindem ba, ningon sren-srausi biam bidem kep minyei di pingge kan bi cem.

MIKHA 6:9

Yo di ittin tut tuhan ingon ki. Noni tri tut nihyet bak timiei minu ndig bipai “Je di jinduk yam ei minu ndig dini e, ma jingig jitingou mem dihyet!

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

ZAKHARIA 7:9

“Ditri tut nicukti dini yok bak Ditde limwa nya mimbrek ngan tu. ‘Suar jahati tut nikei nikos tutti di sren kei nya ba, jingon nggriu sut yam. Suar jingon kwes kin yam cem.

MATIUS 5:3

“Bikwop yo di ikan tut bipia isindem bi lo, iba ingon com Tuhan he ingon nggei-hi-nggei lewo inggre kin Allah Ninyeng Tak Kepti tu!

MATIUS 5:7

Bikwop yo di ingondut yo di hiter nya ingon nggei-hi-nggei lewo Allah mingondut yoni cem bu!

LUKAS 10:42

noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

LUKAS 11:42

Aye! Buhun bibor mem je di Farisi nya! Lewo jikwas jide mun di bindei njita nyop kei gom leu ningot gom tut Allah noro jiba jinghim bak ningon srenti kin ningon ngakei Allahti. Suar jiyai igbit mun dini yok lene ma jingon prion ser nicukti nya pima cem au.

LUKAS 12:14

Yesus buhup “Disut na e, tou rindo Da nok nikei kin no di dem mem gima dikwas mun di jiba jekep pima tut je i?”

LUKAS 6:36

Ma jingondut yam bit leu nok Jicig ngondut tungwatu nya!”

ROMA 7:16

Gino diyai kep mun di srep tut dingon kanti ne gini ndo bipia dice tut bipia Puig Yahudi niggai serti ne mun di igbit ri.

ROMA 9:20

He disut na e, nani ne tungwatu dihyeisi dini he ri! Ma ahap aji ba, abirop Allah nihyet au! Ma dibijig hig ser nibon dibijig cig “Nggon rino abon da bou anda him nok gini i?” E bi!

KORINTUS GI NIGOM 7:16

Na di sop Kresten e, nggon rino akan tut bipia ajjep miyai niteu leu sisarti kin niyaijo nijep tug hon na bi i? Na di pinai Kresten e, nggon rino akan tut bipia atnem miyai niteu leu sisarti kin niyaijo nijep tug hon na bi i?

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

NINDAT KEP TUHAN NICUKTI NYA 27:10

Gima rino ma jibit jide tuhan Allah nihyet ba, jiyai mun igbit nicuk jeti nya di ditri tut bije njap di ammani hagom.”

NINDAT KEP TUHAN NICUKTI NYA 30:15

Njap di ammani dibon nituti mem gima jima gi kei e, he jima gi kinei e? Mem gima jima niyaijo e, he jima nimai e?

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

YAKOBUS 2:20

He na di angon mbum e? Ajoi sut gima dindo brei bina bipia gino niyai munti nya bicim tindei niba ningon comti bi lene hagom bon ninyeng bi, bi e?

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.

PETRUS GI NIGOM 3:8

Nirop ninda ndigsi rinok gini. Ma jahagom jice tut yam hyet kin jingon kanti cem gom. Ma jingondut yam tereu nok yo di itig mbier tut yam. Ma jingon nggriu sut yam bijiba jibou coi mem yam cem.

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.