MIKHA 6:16 - ALLAH NIHYET MEM TUNGWATU NYA

¹⁶ Mun dini yok hagom micut igkep je drek dip gi jiyai bram Nibou Ndig Omri kin nipmot Nibou Ndig Ahab igyai munti di mbuk bibor nya. Jiyai bram igyai kepti di kinei dima yok kikau. Gima rino midibindei ba, jitimek bijingwig apino tungwatu dihyeisi dini hagom ighyet wer mpiahi tut je. Mbro nok gino jinok Ditde limwa nya lo, yahagom ingwes om je.”

MIKHA 6:16 ပူးပေါင်းရင်းမြစ်များ

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NIGOM 9:8

Mben ngkiai minggek Ditde Ig dini bibindei ba, tig gom mijo-jo yam dip bu bi. Lene bikwop yo di injiriek minu dini minga leu nindig bibor leu api mihig yam ‘Nggon rino tuhan kes hukum nok gima ei minu kin Nide Ig diniti i?’

NIBOU NDIG NYA GI NICAN 16:3

Noni yai bram nibou ndig mben Israel di nipou nya igyai munti nya ba, bon mun di tunggwei tug hon nidat nipmot bindig ningut ei nimbar hum dokti bak kwar nya noyam kin yo po tuhan jji yok leu minu Kanaan ei mpe di po mben Israel icoi ug ei minu dima nimbie him pima ide nibon kepti.

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

NIBOHON MBEN ISRAEL GI NICAN 22:4

Ahazia bon sisar tut tuhan noyam kin Nibou Ndig Ahab nide bat nya ibonti cem. Lewo yoni rino ipingok kep ningonti tirigi nicig nimai leusi. Yo di ipingok kep ningonti dima rino ibindei di cut ei mun di kineiti ug a.

NIBOHON MBEN ISRAEL GI NICAN 34:25

Yoni iba inghim bak Dani leu ba, ibui ide mindhe bibikuk yok bak nung nya. Mun nyeng di ibon nya hagom bindei ba, digga yok. Digga timiei minu ndig Yerusalem nya lene doom kep diggati dima kan bi.

MAZMUR 1:1

Bikwop no di bit yo di isibut nya ide nipingok noti cem yai bram yo di ibon kep sisar nya igyai kepti bi tti kin yo di ighyet wer mpiahi tut Allah cem bi,

MAZMUR 44:13

Aba nibok di laide bitri Ade limwa nya leu api abipek mun nyeng hi bi.

MAZMUR 44:14

Ngkiai nya di ibong ttai nye iba nye bikek ba, ipa ndip nye cem drek dip abibon nyeti dima.

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 9:16

Mben dima ikes ide niba ningon com Allahti ei ba, ide niyaijoti kinei lene ighyet nya hagom kinei-kinau cem tu. Gima rino tuhan teu pinai pilei hi di ningwes ngun bi ug a. Noni ngondut kibom nya kin moibihi nya cem bi noro gga yok kikau ba, kes hukum ei yok dip yo.

YEREMIA 19:8

Mun di buhun bibor di dikes ei minu dini dip mibindei ba, yo di injiriek mpia dini mikit ibou leu binga leu sut cem.

YEREMIA 25:18

Diyai gimokti dima bak minu ndig Yerusalem kin minu ndig hagom di jo ei minu Yehuda bitut nide nibou ndig nya kin yo di igya kui yok bidut. Apino iwer iggum ndigsi di ngoi-nga di bindei igyai ttin. Tungwatu nya iba minu dima ninyeng bisigion yam kikau kwei bipek ammani kep.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 29:18

Midiba pran kin ninggum kin nsuwer ajar buhuk-huk nyen yok. Apino timiei minu ngot di itou kep mun di cut igkep timiei Yehuda nya ingon ttin bibor drek dip. Tungwatu nya bidem minu di dibindei ntek gimahap yok ug eisi nya igyai ttin ba, ittin tut mun di itou kep nya. Yoni mporo iba ighyet bicig timiei Yehuda nya lene iba inyeng bisigion yam cem.

YEREMIA 51:51

Jipai-pai nyen “Yo dima ipai nye kinei ba, igyai nimmai binye tu. Nigwam nimmaiti lewo ngkiai nya ibong ser ninsi di kwes nya ei tuhan De Ig hagom bidem ser nye tu.”

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

NIBWOS-BWOS NYENTI 5:1

tuhan e, ma ayok ngon kep mun di cut igkep nye o! Ma atou kep nye ba, angat niwer mindheti o!

YEHEZKIEL 39:26

Tirigi ibong kei igwam kei ei ide minu hanyen lene hi di hwen bit yok bu bi. Lene yoni mibbwe ser gi itug ndei nimmai drek dip ide naham nimbuk kep Dati.

DANIEL 9:16

Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

HOSEA 12:14

tuhan pinak nabi gom di buwak mben Israel biyehei leu gi yuubon yok nok awak ei minu Mesir binyohou yok cem.

HOSEA 5:11

Ico kep mben Israel leu api mben Israel ide hanjop nsi di nok ide dihyei ninda rom nya ngwig leu yok drek dip gi iba ingon com ngkiai nya ba, yahara yok bikwei mpu yok. Noro ningat ne ngkiai dima yok isindem bi.

MIKHA 2:6

Tungwatu nya ipai ighyet bida bipai “Ma atri tut Allah nihyet kin mun di micut igkep nye au. Allah mibindei ba, nimmai sut nyenti bi sren.

MIKHA 6:13

Gima rino dikinyon ei gi dibui je bidibindei ba, jitimek bijingwig drek dip jide sisar.

NINGAT-HI-NGAT NYA 2:20

Noro diwok je tut mun nyeng gom. Jisindui sut sop di ninyeng Izebel di pai sut nonti bipia tri tut Allah nihyet. Noni ba ningginausi dima biris bak Ditde awak nya imang bibor. Noni bindei ba, icut ug ei sisar nicut tut yamti bigyem njita di tungwatu nya ipigig ser mem kwar nya cem.