MIKHA 5:2 - ALLAH NIHYET MEM TUNGWATU NYA

² tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MIKHA 5:2 ပူးပေါင်းရင်းမြစ်များ

NITRITI 35:16

Lene Yakub kin nide bat nya yahagom ijo leu minu ndig Betel biyuug ei Efrata. Tirigi yoni yuug krau Efrata bigyo rino Rahel di tta buhun ninghim dut ei puig sinon lo, nimunggwom kinai ei ninghopti.

NITRITI 35:19

Niabiati tirigi Rahel mai leu su lene nide bat nya itig ei simpak di bie ug ei Efrata ninghas him bijem mpia dima ninyeng Betlehem.

NITRITI 48:7

Dipai dingon kanti dini bina drek dip apmem Rahel di mai kep da kak puig sinon ei minu Kanaan tirigi nyeni ikwei leu Mesopotamia bimbut ug ei dideu Efrata. Dingon ngguk tut noni nindig bibor biditig ei simpak di ug ei Efrata ninghas him.” (Nogindini ijem Efrata ninyeng Betlehem bu.)

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

NIBOHON MBEN ISRAEL GI NIGOM 2:54

Salma di win minu ndig Betlehem ne pung di mben Netofa kin mben Atarot-Bet-Yoab kin mben Zori intun him ri. Ba, mben Zori ne igom leu insi de can di ibong ei Manahti ri.

NIBOHON MBEN ISRAEL GI NIGOM 5:2

Noro keret Yehuda rino sindem bibor dor njiriek keret nindigsi nya hagom. Nok gima cem no di ntun keret Yehuda him rinok nibou ndig gi nimbie him ngat mem mben Israel yahagom.

MAZMUR 132:6

Nyeni nimiap tut Brua Gi Preu ei Betlehem leu api nittau kep brua dima ei susti dideu Yaar.

MAZMUR 90:2

Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

NEHEI LEUSI 18:21

Noro ma ayai bit leu dingon kanti dini. Ma adimig pinai di ingon ki nya ibou poi leu api ata yok nok nibou mem ade limwa di imangti ibou sribu gom kin ibou sratus gom kin ibou ningot muhwi kin ibou ningot gom lene nok. Ma ata yo di ittin tut Allah bibit nihyet kin yo dino aba angon com yok kin yo di ingon ya mem gima tungwatu ingot kep yok bi cem.

NEHEI LEUSI 18:25

Ba, noni dimig pinai di ingon ki nya leu mben Israel ikieti ei bita yok nok nibou mem nimpung nya di imangti ibou sribu gom kin ibou sratus gom kin ibou ningot muhwi kin ibou ningot gom lene nok.

YESAYA 11:1

Nibou Ndig Daud de nintun him yamti di bram yam nya midem kep nok biei di iwim tu. Bit leu nok nibiop ntun ningwam him hanyen ne nibou ndig nijep bu di ntun Daud him mikiju kwei.

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

YESAYA 55:4

Dita noni nok nibou ndig cem nibou pran cem bidindo Ditde nisindemti bak ngkiai nya ei dihyeisi dini tug hon noni.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YEREMIA 30:21

Nibou ndig di ninyeng tak kep je nimbier mikim je di mben Israel hanyen ba, nibou ndig di ninyeng jei mem je mikiju leu jenti jikieti. Gino dihig noni kwei lene mun nyeng hi mibigen ser noni tut gima son dideu Da bi. Lewo tou rino brim ningkek bikwei ngat Da gino dihig noni kwei bi i? Mpe dima lene jinok Ditde limwa nya bidinok jide Allah. Da di tuhan disimbot dat tu.”

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

AMOS 9:11

tuhan pai “Ei nidipti bu ne midipindi Daud ninyeng tak kepti di tti tu di noyam kin ig di nggun ba, kei hanyen. Dikinding ngug tig di krop ttai minu dima binoyam kin ngug tig gi nitimiei hanyen.

MIKHA 4:10

Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

LUKAS 23:2

Ikkin kep Yesus ninghapti ei sirima bipai “Nittau kep No dini tirigi Noni kes ningon bak ade limwa nya. Noni pai ser tungwatu nya bipia ma igo belasten bak Kaisar au noro jem Nonti ninyeng bipia Nibou Ndig di teu tungwatu nya biyai niyaijo nijep biyok.”

LUKAS 23:38

Srat nimeng gom di ipas Nide hukum eisi jo anai nibou. Nipas kepti pai ‘No dini ne Nibou Ndig Mem Mben Yahudi ri.’

YOHANES 7:42

Allah nihyet pai ‘Nibou Ndig di teu tungwatu nya biyai niyaijo nijep biyok ntun Nibou Ndig Daud him ba, nipmem srek tut Noni ei minu ndig Betlehem di Daud nitimieisi.’ ”

NINDAT KEP TUHAN NICUKTI NYA 1:15

Leu api dimbus nibou di ingon ki bibor kin gi igya hacan mem tungwatu nya igkei di jindo ei su pima ba, dita yok nok nibou nya mem je. Dita yok nok nibou mem nimpung nya di imangti ibou sribu gom kin nimpung nya di imangti ibou sratus gom kin nimpung nya di imangti ibou ningot muhwi kin nimpung nya di imangti ibou ningot gom lene nok. Lene dita nibou hiter nya mem gima igyok igyai kep jide mben nya.

KOLOSE 1:17

Kristus No rinaha nipou tirigi Allah pai tes mun nyeng hi bigyo. Mun nyeng hagom jo nijoti tug hon Noni.

IBRANI 13:8

Yesus Kristus luei ningonti kan bi ei nijam gi nipou kin nijam di nogindini kin nijam di nidipti di jo kikau bi sren.

IBRANI 7:14

Tungwatu nya yahagom ikan tut bipia ide Tuhan ntun keret Yehuda him. Lo, no di nggre kin keret Yehuda hi yai midyai nok imam bi sren.

YOHANES GI NIGOM 1:1

Nipas srat tut Nihyet di yai niyaijo nijep bak tungwatu nya dini bak jeni. Ba, Nihyet dima no rinaha habiei ei nimbie him kikau kwei bipek ammani kep. Nihyet dima tibim ei nitingou nsi cem ningat ningat bou niyai him cem niprios ningkek dip cem tu.

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”

NINGAT-HI-NGAT NYA 2:8

“Apas srat dini bak malaikati di buhup tut mbusyamei ei minu ndig Smirna. Nipas kepti dini kwei leu No di nimbie him kin nohon keti ba, No di mai su kin No di kiju hanyen leu nimai eisi.

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NIJAM NIKEI NYA 17:7

Mpe dima lene pinai pilei gom di ntun keret Lewi him cem no rinaha. Nipou yo lene noni bong ei Betlehem ei keret Yehuda de dihyei hanjop nsi.

SRAT RUT 1:1

Habiei mimbrek tu nipou tirigi nibou ndig hi ninyeng tak kep mben Israel bigyo lene ninggum nindig bibor kieng kep minu Kanaan. Gima rino timiei gom leu hanjop keret Yehuda di bong ei Betlehem kin nitnem kin nipmot bat nya ibou can yahagom yuug bong ingkiaisi ei minu Moab.

SRAT RUT 4:11

Lene yo dima yahagom isimbot dat bipai “Igbit ri. Ningat hagom bou niyai him tu. Handei kon ba, tuhan bindei ba, atnem noyam kin Rakhel kin Lea po igyai imunggwom bat nya imang bibor bak Yakub mimbrek ngan tu pima. Nnaba ma anyeng bibor ei ade bat di itig mbier tut Efrata ikieti ba, anyeng jei bibor ei Betlehem.

SAMUEL GI NIGOM 10:19

Dinyeng tak kep je ba, diteu je leu mun di cut igkep je kin mun di buhun tak je bijingwes ngun tu. Noro tini bu lene jikou sut Da ba, jisuar jide nibou ndig gom. Nna ba dice tut jingon kanti dima. Gima rino ma jahagom jikwas yam bit leu nok jide keret kin jide pung di jintun him nya cem leu api jikwei ya ei tuhan Noho bei.’ ”

SAMUEL GI NIGOM 17:12

Daud nicig ninyeng Isai lene Isai tig mbier tut keret Efrata bibong ei Betlehem ei hanjop keret Yehuda ide. Noni yai nipmot bat nya ibou muhwindaningai. Tirigi Saul ninyeng tak kep mben Israel lene Isai nok andig-ndau leu su.

SAMUEL GI NIGOM 17:18

Apwoi keju nindak simnai dini cem lene attei ba, ayai bak ide nibou pran. Ma ahig ser yok ingwes ngun e? Tirigi akwei hanyen lene ma apwoi mun di bindo bipia angat yok bou ayai him ba, ingat rin nok gi kei kwei.

SAMUEL GI NIGOM 23:23

Gima rino ma jiyok jiyai kep hak mihyeti di ku no kikep eisi nya mungkun kei leu api jingkwei hanyen kwei ba, jipai sut bida haninyai leu api midibit je. Mbro nok gino diya kep hanjop Yehuda titut yam bidinggek lo, midikat noni he.”

SAMUEL GI NIGOM 8:12

Noni mita bihi nok nibou mem tentara ibou sribu gom lene mita bihi nok nibou mem tentara ibou ningot muhwi. Noni mikes midyai di buhun bibor ei jipmot bat nya inghat dip. Yoni migyai kep nide miai nya bipuk nide njita ningat kwei leu beisi cem ba, ibon nide minggwen nya kin nimbumbati mem nide kroba pran cem.