Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MIKHA 5:1 - ALLAH NIHYET MEM TUNGWATU NYA

1 tuhan pai “He minu ndig Betlehem Efrata e, anyeng mitibim nok minu mien he ei minu Yehuda bu bi! Noro midita ade timiei gom nok nibou di ninyeng jei mem mben Israel ba, pung di noni ntun him jo habiei nipou su.”

အခန်းကိုကြည့်ပါ။ ကော်ပီ




MIKHA 5:1
35 ပူးပေါင်းရင်းမြစ်များ  

Niabiati tirigi Rahel mai leu su lene nide bat nya itig ei simpak di bie ug ei Efrata ninghas him bijem mpia dima ninyeng Betlehem.


Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.


Pai nok lene nabi Zedekia kwei ttem Mikha ningyoi bihig ser noni “tuhan Ninnei kes da ei bipingok angonti apig su i?”


tuhan pinak nimpung nikon minggwen nya leu minu Babel kin Siria kin Moab kin Amon hagom mem gima ikon pran bit Yoyakim ba, ibindei timek timiei Yehuda nya. Gima dem igbit mun di tuhan pai nipou su tug hon nide awak di nabi nya.


Tungwatu iba ighyet bicig da ba, igyai ngkek ttin ser da cem leu api ingwig kep da bittem dingyoi cem.


Noni pai tes da habiei ei nimbie him nipou tirigi Noni pai tes dihyeisi dini bigyo.


Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”


tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.


Je di ngkiai nya e, ma jiba jingon di digit nduk yam ei gom! Je di jibong dihyei nohon keti nya e, ma jimiap kep dihyet! Ma jiba jingon di digit binjei siceu. Igbit ri! Ma jiba jinghuisi di mpig bibor binjei siceu.


Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.


‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.


Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.


Mbro nok gino siceu ittem nye bipai nye kinei lo, suar iba ibou coi sut gima yok hagom.


Hum miyem je bijingwig. Jinggrom misiber ei jitimieisi hanyen. Hi di miyok ngon kep je bu bi sren. Da di tuhan disimbot dat tu.’ ”


“Na di tungwatu di ayaijo kikau bi e, apas kep njap di ammani ninyeng lewo njap di ammani rino nibou ndig minu Babel kinyon ei gi njei siceu ba, igyon ttai minu ndig Yerusalem a.


Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.


Ma jitri tut nihyet dini bak ngkiai nya yahagom bijipai ‘Ma jitin ei mem gima jikon pran bijinjei siceu cem ba, jicuk yo di ikon pran kan yahagom bidem yam bimbut sindem!’


Midibindei ba, nibou ndig minu Moab kin yo di igya kui noni ei minu dima yahagom itug ndei nimai.”


Midiyai nisindemti bak mben Babel di iten-pos bimbuk bibor cem. Yoni sindi injei siceu bimbut bidem dihyei nisurti-nipekti leu binhyepo ikon pran bit mben dihyeisi dini bihwen yok.


Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.


Lene bihi itrai ndei Yesus niimaisi bibui Noni cem lo, hiter di ittem nijap ihig singgre Noni,


Itrai ndei Noni biba Nide tom bibui nibou cem.


Noro tini bu ne dipai bije bipia harin dima jiba nimbuk bibuhup hanyen tut no di mbuk tut je a. Gino hi ttem jingyoi ei nite bei jinda com lene ma jikiek jingyoi ei nite bei jinda prak bak bittem bu.


Tirigi Yesus pai nok rino tungwagom leu yo di igya ser dima ttem nijap bimbrua kep Noni “Nggon rino abrim angkek bibor dino abuhup Imam Nibou Ndig nok gima i?”


lene ingkwei-ngkwei nyen kep Noni bipigo “Na di Nibou Ndig mem mben Yahudi e, ayaijo kikau ug o!” Leu api ittem-ttem nyen nijap.


Pai nok rino Ananias di Imam Nibou Ndig cuk yo di igya dideu Paulus bittem ser nuhuigya.


Jiba jibou coi mem yo di ibibon je tereu nok awak kin yo di ico kep je kin yo di igyem jimuhup kin yo di ingwes om kep je kin yo di ittem jijap.


tuhan mijem mben gom di jingon hukti tut ighyet bi nya kwei leu minu nohon keti mem gima ihwen jeni. Yoni midwop kwei bikam jeni noyam kin ha krubrigya.


Jiya coi Noni dem kep nok jiya coi tring behei ninno tu lene ninda di sindem hati tut je bijo ninno bijo kikau. Tirigi jimbut-mbut nyen pima lene Noni njei jide siceu nya sindam ei joho bei bicuk je bipia suar jihwen yahagom bingwig ug.


Mpe dima lene pinai pilei gom di ntun keret Lewi him cem no rinaha. Nipou yo lene noni bong ei Betlehem ei keret Yehuda de dihyei hanjop nsi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ