MIKHA 4:9 - ALLAH NIHYET MEM TUNGWATU NYA

⁹ Nggon rino jipim nggruet i? Nggon rino jinghuisi wei noyam kin sop di ninghim dut tut munggwom i? Gima hagom nok lewo jibon jide nibou ndig di bie tut je bi ba, yo di ipingok kep jingonti yahagom imai bingwig leu je tu e?

MIKHA 4:9 ပူးပေါင်းရင်းမြစ်များ

YEREMIA 8:19

Jimiap i! Ditde limwa nya iba nipim bahara kot. Ighyet dima nugwei bong bidem minu nisurti-nipekti ba, ihig ser “tuhan ningat rin ei Sion bu bi e? Ide nibou ndig no hantou i?” Lene ide nibou ndig di tuhan buhup “Nggon rino jikuk je bak kwar di ibon inyeng bi bibor nya i? Nggon rino jibindei di dingon wei tug hon gi jikuk je bak kwar di jibon bou jinda him nya di ibon inyeng bi bibor nya i?”

HOSEA 10:3

Jei bi ne yoni mipai biyam “Ide nibou ndig hi ninyeng tak kep nye bi drek dip nittin tut Allah bi rin. Apo gi nibou ndig gom di ninyeng tak kep nye dima bon ninyeng mem nye e?”

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

NIBWOS-BWOS NYENTI 4:20

Ikat tuhan de nibou ndig di Nonti dimig ei su ba, no dima ne no di nyeni niba ningon com nok no di mibindei ba, nibong kei nigwam kei ba, no di minyohou nye leu siceu di ihwen bit nye inda nsi cem rin o!

YEREMIA 50:43

Nibou ndig minu Babel miap tut nibimbiti dima lo, bitbon yai no nyen bu kan bi. Nittinti ngot no bingkiem ba, noni tug ndei ninghuisi wei dem kep nok sop di tta buhun di ninghim dut di gwam tut munggwom a.

YEREMIA 22:23

Jibong kei jigwam kei ei tiang di iba buom Libanon bibon ninggreti lo, hammi tirigino ninghuisi wei cut igkep je kros rino mijahara noyam kin sop di ninghim dut tut nisrek tut nimunggwomti.”

YEREMIA 4:21

Suar dingat nikon pran bit yamti di kinei-kinau bou diyai him ug bipek apig bu i? Dimiap pun mbrei di nibimbi bindei di ditingou nam ug bipek apig bu i?

YESAYA 26:17

tuhan e, abindei ba, nidem kep sop di ninghim dut mem gima gwam tut nimunggwom di dahat kukwei ninghusi nyen ba, hara ninghusi di wei.

YESAYA 21:3

Ningat-hi-ngat dima bindei bidingon tai-tai bou ba, digingat mpia cem digimiap nihyet gom cem bu bi. Nittinti kin ninggwenti hwen da bidinoyam kin sop di sindi gwam tut nimunggwom.

YESAYA 13:8

Nittin biborti micut igkep yo dima yahagom. Yahara inghuisi di wei noyam kin sop di ninghim dut di bigwam tut nimunggwom. Yoni miba ingon di digit bitou kep yam yaisi ba, iimaisi hai lewo igwam nimmaiti.

YOHANES 16:21

Bit leu nok sop di tta buhun ba, dideu nigwam tut munggwomti lene ningon buhun lewo tto bou dem mem ninghim dut. Noro tirigi srek tut munggwom leu su lene ningon prion ser nide ningon buhunti lewo ningon llei sut munggwom di noni srek tut ei dihyeisi dini.

NINGAT-HI-NGAT NYA 12:2

Sop dima sindi tta buhun ba, son dideu nisrek tut nimunggwomti. Gima rino hara nyen tut ninghim di dut nindig bibor.

YEREMIA 48:41

Yo dima migyai minu Moab kin tentara nibousi di igya coi nya bigyati. Tentara Moab nya mittin bibor noyam kin sop di sindi ninghim dut bigwam tut munggwom.

HOSEA 13:13

Nituti mem mben Israel igyaijo tau su noro ingon mbum bibor bibrim ingkek mem nituti dima bi. Inoyam kin ningwoi-ngwoi di kou sut gima srek kwei leu nipmem ninghopti.

MIKHA 5:3

Mpe dino no di ninyeng jei dima kwei krau ne ninyeng mitak kep nide limwa nya tug hon nisindemti kin mimbri di kui ningkek di kwei leu tuhan di nide Allah Nongkom. Nide limwa nya ingon mijo nyahan lewo tungwatu dihyeisi dini hagom mikuk yok bak Nide ninyeng jeisi.

YEREMIA 4:31

Dimiap nahara ninghuisi wei di noyam kin sop di ninghim dut tut munggwom. Minu ndig Yerusalem pim bininnei cun tut noyam kin sop gwam nitta pilei di sindi srek tut nimunggwom gi nimbie him. Noni su ninda nyen-nyen bahara “Buhun bibor mem da o! Siceu mikwei yai nimai bida ug rin o!”

YEREMIA 30:10

Ditde limwa mben Israel e, ma jingon ttin bibor au! Ditde awak di intun Yakub him e, ma jidigit-digoi tut au. Miditeu jeni kin yo di intun jeni him nya bijingwes ngun leu jingkiaisi di ting bibor di jisima eisi. Jingkwei hanyen bijibong kei jigwam kei ei jitimieisi hanyen leu api mun nyeng hi bindei ba, jittin tut bi.