MIKHA 4:5 - ALLAH NIHYET MEM TUNGWATU NYA

⁵ Bikwop mben hagom ei dihyei njek dip dini ikuk yok bak ide kwar bibit kwar nihyet. Noro tut nyeni ne ikuk nye bak tuhan di nok ide Allah bibit nihyet bijo ninno bijo kikau.

MIKHA 4:5 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NIBOU NDIG NYA GI NICAN 17:29

Noro yo di ikwei bong ei Samaria dima ibon ide kwar nya mem yonti bijo kikau. Lene ikes bijo ei ig kwar po mben Israel di nipou ibong ei minu mien dima ingot ei ninsi. Bikwop nimpung nya ibon kwar biyonti ei minu mien di ibong ser nya.

NIBOU NDIG NYA GI NICAN 17:34

Niyai kepti di jo ninghig-niker dima yok jo kikau kwei bipek ammani kep. Ikuk yok bak tuhan Nongkom bi. Igibit tuhan niggai serti nya di Noni yai bak yo di intun Yakub him nya di Noni jem ninyeng Israel pima cem bi.

MAZMUR 20:6

Leu api miniba ningon di nggei bimbos-hi-bos tirigi abindei timek ade siceu nya biniba kendera bikon ide Allah ninyeng cem. Handei kon ba, tuhan buhup igbit mun di ahara No tut nya hagom.

MAZMUR 48:14

Jicap ngug tig ba, jiyok jiyai kep tentara nibousi di igya coi nya leu binhyepo jipui sut gima yok hagom bak jide nintun him yamti di bram yam nya bu. Ma jipui biyok,

MAZMUR 71:16

tuhan Allah e, dinggei sut mimbri di kui angkek. Ditri tut angon sren-srausi bidem minu lo, digitri tut mun nyeng hiter bi.

YESAYA 2:5

Je di jintun Yakub him e, jikwei ba, imbut ei nipigati di kwei leu tuhan!

YESAYA 26:13

Nibou ndig ngkiai nya inyeng tak kep nye nipou pini jug. Noro nipai brei bipia Nangkom rino nyende tuhan Allah ba, nikon anyeng a!

YESAYA 26:8

Nibit Na di tuhan Ade nikos tutti nya ba, niyok ningon mem Na. Nani ne No di nikon ninyeng kin No di nijoi sut ri.

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

ZAKHARIA 10:12

Midiyai nisindemti bak Ditde limwa nya ba, yoni mice tut bibit dihyet bikuk yok biDa cem.” tuhan simbot dat tu.

KISAH 14:16

Ei nijam gi nipou ne Allah sindui sut tungwatu ba, igyaijo bit leu yonti ingon kanti.

NINDAT KEP TUHAN NICUKTI NYA 27:10

Gima rino ma jibit jide tuhan Allah nihyet ba, jiyai mun igbit nicuk jeti nya di ditri tut bije njap di ammani hagom.”

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”