MIKHA 4:10 - ALLAH NIHYET MEM TUNGWATU NYA

¹⁰ Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

MIKHA 4:10 ပူးပေါင်းရင်းမြစ်များ

NIBOU NDIG NYA GI NICAN 20:18

Mporo yo dima mikat yo di intun nani him ibou poi lene yuubon yok mem gima igyai midyai ei nibou ndig mem mben Babel de ig nibou ndig.”

NIBOU NDIG NYA GI NICAN 25:4

lene ide siceu nya inggek ngug tig dima bicoi ug ei minu ndig Yerusalem. Mbro nok gino mmun dima ide siceu nya igyon ttai minu dima lo, tentara timiei Yehuda yahagom imbris nyahan sir nibou ndig de bunggan nghousi bimbut kak dimbou heisi di itu ei ngug tig nipuig can ikieti binang ug ei Yordan nyai leu api ingwes ngun.

NIBOHON MBEN ISRAEL GI NICAN 33:11

Gima rino tuhan bindei di nibou pran mben Asyur nya ikwei coi minu Yehuda di ihwen ug a. Lene iba simper nindig bipos Manasye ba, iba lante biteu nimig-ninda lene ikri ug ei minu Babel.

NIBOHON MBEN ISRAEL GI NICAN 36:20

Noni kri limwa ngot di ingwes ngun nya yahagom ug ei minu Babel. Lene ibinok awak mem nibou ndig mben Babel kin yo di intun noni him nya ei minu Babel kikau ug bipek nijam di nibou ndig Persia ninyeng tak kepti kiju ba, sindem bibor.

NIBOHON MBEN ISRAEL GI NICAN 36:23

“Gini ne Kores di nibou ndig Persia nicukti ri! tuhan Allah di ninyeng tak kep gwamti kon da bidigwam nok nibou ndig di ninyeng tak kep dihyeisi dini nisurti-nipekti hagom. Noni ndo da pijum ei leu binhyepo dingot ig gom mem Noni ei minu ndig Yerusalem ei minu Yehuda. Gima rino suar je di jinok Allah de limwa nya jahagom jingkwei ug ei jitimieisi hanyen! Handei kon ba, jide tuhan Allah minyohou je.”

MAZMUR 106:10

Tug hon nisinati dima lene Noni teu yok bingwes ngun leu yo di ihwen bit yok inda nsi. Noni kwek yok leu siceu inda nsi.

YESAYA 43:14

Mben Israel ide tuhan Di Kwes-Kwau di teu yok bingwes ngun cem pai “Midipinak tentara nimpung gom ug ei minu Babel leu binhyepo iteu je bijingwes ngun. Dinggek tut dimbou ig bui de nibahau yamti nya leu lene mben Kasdim mimbos-hi-mbos bu bi noro igyai nggwei kibor.

YESAYA 45:13

Diyai dibou tut Kores leu binhyepo noni miyai igbit dingon kanti bibindei ba, ningon di kwes-kwausi kieng kep dihyeisi. Midiji kep njuisi bidem nimbutti nya hagom. Leu api noni mipui nihyet tut Ditde minu ndig Yerusalem hanyen bikwek Ditde limwa nya leu ig bui di isima eisi. Hi miyai mitiei binoni bingot kep noni drek dip bi.” tuhan Di Sindem Bibor simbot dat tu.

YESAYA 48:20

Jinang ba, jingwes ngun leu minu Babel hak ug bijitri tut nihyet dini ug ei tirima-tirima lene jiba nimbos-hi-mbos kin ningon nggei-hi-nggeisi bitri tut “Gi tuhan teu Nide awak di Israel ba, ningwes ngun tu!

YEREMIA 13:4

“Aug ei Minyei Efrat nyai ba, aku minghas cun dima ei tig nggreti gom.

YEREMIA 15:21

Midikwek na leu yo di imbuk bibor nya di ihwen bit na ide nisindemti. Da di tuhan disimbot dat tu.”

YEREMIA 29:20

Je di dicom je ug ei minu Babel jahagom e, ma jingig jitingou mem Da di tuhan dihyet di dipai hwou bak jeni.”

YEREMIA 4:31

Dimiap nahara ninghuisi wei di noyam kin sop di ninghim dut tut munggwom. Minu ndig Yerusalem pim bininnei cun tut noyam kin sop gwam nitta pilei di sindi srek tut nimunggwom gi nimbie him. Noni su ninda nyen-nyen bahara “Buhun bibor mem da o! Siceu mikwei yai nimai bida ug rin o!”

YEREMIA 48:41

Yo dima migyai minu Moab kin tentara nibousi di igya coi nya bigyati. Tentara Moab nya mittin bibor noyam kin sop di sindi ninghim dut bigwam tut munggwom.

YEREMIA 52:27

Minu ndig dima jo ei hanjop Hamat. Lene nibou ndig dima bindei ba, tentara nya ibui yahagom binem-nnai leu api igyai nimai biyok. Nok lene siceu nya ikat timiei Yehuda nya bibuwak yok leu itimieisi kikau ug ei ingkiaisi.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

HOSEA 13:13

Nituti mem mben Israel igyaijo tau su noro ingon mbum bibor bibrim ingkek mem nituti dima bi. Inoyam kin ningwoi-ngwoi di kou sut gima srek kwei leu nipmem ninghopti.

HOSEA 2:14

tuhan pai “Gima rino midibuwak noni hanyen ug ei iggum ndigsi leu api diba dihyet di mmau bihwen ningonti.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MIKHA 5:3

Mpe dino no di ninyeng jei dima kwei krau ne ninyeng mitak kep nide limwa nya tug hon nisindemti kin mimbri di kui ningkek di kwei leu tuhan di nide Allah Nongkom. Nide limwa nya ingon mijo nyahan lewo tungwatu dihyeisi dini hagom mikuk yok bak Nide ninyeng jeisi.

NINGAT-HI-NGAT NYA 12:14

Noro hi yai ninyehei can dem kep hacam krubri di nindig bibor ninyehei bak no di sop leu binhyepo bimba bingkwei hanyen ug ei nigwam kepti ei iggum ndigsi. Leu api hi minyohou noni mem ari bingwam ningai biniken ei sirima leu binhyepo ningwes ngun leu naga di micut igkep noni.