MIKHA 3:7 - ALLAH NIHYET MEM TUNGWATU NYA

⁷ Nabi nya di itri tut mun di mipek kep ei nidipti bu mimmai sut yonti lewo mun di itri tut mipek kep mem tungwatu nya bi. Yahagom mimmai sut yonti lewo Allah mibuhup ighyet bu bi.

MIKHA 3:7 ပူးပေါင်းရင်းမြစ်များ

MAZMUR 74:9

Ningat nabi nya kin mindur nya ei niyai him bu bi. Lene hi di kan tut mun di cut igkep nye dini nohonti bi.

NEHEI LEUSI 9:11

Bit bon yo di nung kui yok ikwei ya ei Musa noho bei kan bi lewo buhwei com ingut titut yam noyam kin mben Mesir nindigsi nya yahagom.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEHEZKIEL 24:17

Ma asindui sut ba, hi miap tut annei di kui-juk nyen cem au. Ma ayai bram yo di yuum ningon nggukti igyai munti au. Aba minghas binggai kep abou ba, aba amig ngwak bimbut-mbut nyen au. Ma anggai kep aimaisi ba, ayem roti ningon nggukti cem au.”

YEHEZKIEL 24:22

Leu api mijiyai bram diyai kepti dino jinggai ser jiimaisi bijiyem roti ningon nggukti cem bi ba, gima noyam kin diyai kepti pima.

IMAM NYA IDE MIDYAI 13:45

Suar yo di bras mbrei yem yok ijuk sinsun di rik-ta ba, ibou jo hak cem iba sinsun nghas binggai kep ser ihwap kin yuhui cem yahara kikau bipia “Map kui dati o! Map kui dati o!” lene nok.

AMOS 8:11

tuhan Di Ninyeng Jei Bibor pai “Jei bi ne tto bou dem mem diba ninggum di buhun bibor bihwen yok. Tungwatu nya minggum noro inggum tut njita bi. Inggobiau noro inggobiau sut minyei bi. Yoni inggum ba, inggobiau cem tut nihyet di tibim ei duhui him.

MIKHA 3:4

Jei bi ne jahara tuhan bikwei mpu je noro Noni kou sut gima buhup jihyet lewo jirom je kep jiyai munti di mbuk bibor nya.

MIKHA 7:16

Mben dihyeisi dini isindem bibor lo, yahagom mimmai sut yonti tirigi ingat mun di abibon mem nye bou igyai him. Ingon micut leu lene bit bon yahap iji bimbrap ba, imiap kep nihyet cem kan bi.

ZAKHARIA 13:4

Njap dima dem ne nabi nya mimmai sut yonti drek dip ide niyai nibou tut nibon mun noyam kin nabiti. Ba, ijuk sinsun nabi leu binhyepo ibiris mun bibinggei sut ide ningat-hi-ngat di ingat cem bu bi.

SAMUEL GI NIGOM 14:37

Gima rino Saul hig ser Allah bipai “Gino dihwen mben Filistin lene ma abindei ba, icut bak nyeni e?” Noro Allah buhup nihyet mem njap dima bi.

SAMUEL GI NIGOM 28:15

Lo bi lene Samuel hig ser Saul “Nggon rino abindin da i? Nggon rino abindei bidikwei hanyen i?” Lene Saul buhup “Mun di buhun bibor cut igkep da tu! Mben Filistin mikon pran bit da bigyai nimai bida noro dikan tut bipia Allah kes da ei su. Noni buhup dihyet tug hon nabi nya ighyet kin mumpriem nya cem bu bi. Gima rino dihig na kwei leu binhyepo apingok dingonti tut mun di midiyai.”

SAMUEL GI NIGOM 28:6

Gima rino noni hara tuhan mem gima ndo bindo binoni. Noro tuhan buhup nihyet tug hon mumpriem nya kin Urim kin Tumim kin nabi nya ighyet bi.

SAMUEL GI NIGOM 9:9

Ei nijam dima ne tungwatu nya ijem no di nabi ninyeng hi no di kan huk mindur kan cem. Gino tungwagom hig ser Allah tut mun nyeng hi lene noni mipai “Jikwei ba, yuug cem kep no di kan huk mindur kan.”)