MIKHA 3:5 - ALLAH NIHYET MEM TUNGWATU NYA

⁵ Jingot kep nabi nya leu binhyepo itri tut mun di kei di mipek kep mem tungwatu nya noro iba nitok bak yo di ingot kep yok nya bi. tuhan pai bak nabi dima yok,

MIKHA 3:5 ပူးပေါင်းရင်းမြစ်များ

NIPINGOK NINGONTI 28:21

Gino hi mbus nggok tungwatu ne gima kei mem bi. Noro nikei nya ibou poi isindui sut hi ba mitiei bingot kep yok bibindei ba, ikos tutti nya sren kei bi.

YESAYA 3:12

Nipos mitiei cig nya mico kep ditde limwa nya ba, inok adrom di muhun Ditde limwa nya inggrom leu yok.” Ditde limwa jen e, nibou nya ico kep je bibindei srawir je apino jingon kiowi tut puig di kei mem je.

YEREMIA 23:27

Ikan bipia mumpriem di itri tut nya mibindei ba, Ditde limwa nya ingon prion ser Da bit leu nok idigup bat-idigai bat nya di ingon prion ser Da leu bikuk yok bak Baal pima e.

YEREMIA 23:32

Da di tuhan ditte tut nabi di itri tut ide mun di imumpriem nya di mpung tut mun di igbit bi. Iba ide mumpriem dima biris mun bak tungwatu nya. Iba ingon di jei bindei ba, Ditde limwa nya israwir. Dipinak nabi dima yok bi ba, impu Ditde limwa nya bi sren. Da di tuhan disimbot dat tu.”

YEREMIA 6:14

Yoni ingat Ditde limwa nya ibokti dima nok mun di buhun bi bipai biyok ‘Dwai. Hagom kei ba, jo nyahan.’ Noro ningat ne nok gima bi bibor.

YEREMIA 6:4

Nibou tentara mipai bak nide limwa nya “Jikwei ba, itin ei mem icoi bihwen minu ndig Yerusalem! Jikwei binjei bihwen mem mpia ngket dini ug!” Noro jei bi lene ipai biyam “Mbenjen, ibinyen ba, mpia mmunti tu ba, dindi ug ri. Ingwes nya cem jei tu.

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEHEZKIEL 13:9

Je di nabi di jisuglai sut mun di mipek kep ei nidipti kin ningat-hi-ngat di kwei leu jibou ngwakti di kwes bi cem e, midikes hukum ei je dip. Gino Ditde limwa nya di idem yam ei mem gima itri tut ide nikos tutti nya ne mijigwam bit yok bi. Mididip tut jinyeng leu daptar di mben Israel inyeng joti. Jingkwei hanyen ug ei jidihyei hanyen bi sren. Tug hon nisinati dima ne jikan tut bipia Dani ne tuhan Di Ninyeng Jei Bibor ri.

HOSEA 4:5

Jeni kin jide nabi nya cem jiyai munti nya kinei bikwop mmun-njap. Gima rino midibindei timek jipmem di Israel.

YOEL 3:9

Ma jitri tut nihyet dini bak ngkiai nya yahagom bijipai ‘Ma jitin ei mem gima jikon pran bijinjei siceu cem ba, jicuk yo di ikon pran kan yahagom bidem yam bimbut sindem!’

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

MALEAKHI 2:8

Noro tini bu ne je di imam jikriek leu puig di igbit tu. Jide nipingok tungwatu nyati bindei ba, imang bibor ibon mun tunggwei. Jibindei ba, gi preu di dipreu ei mem Lewi bitut je di jintun noni him kinei su.

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.