MIKHA 3:12 - ALLAH NIHYET MEM TUNGWATU NYA

¹² Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

MIKHA 3:12 ပူးပေါင်းရင်းမြစ်များ

MAZMUR 107:34

Noni bindei ba, dihyei ninnumti luei nitta binok iggum ndigsi drek dip timiei minu dima ide nisibutti.

MAZMUR 79:1

Doia Asaf. Allah e, mben ngkiai di ikuk yok biNani bi nya igyai Ade dihyei ninda rom bigyati tu. Ibindei suwok Ade Ig lene ibindei ba, minu ndig Yerusalem nggek sinsiou cem.

YESAYA 32:14

Nibou ndig de ig di kei bibor kin jide minu nibousi po nipou ne igyai nillei eisi pima minok ha ngunti bu lewo tungwatu nya ikes hagom ei binang leu su. Jide siceu nya midime jide nungug tou nya kin jide ig hagom ba, sur yam kei bijo ninno bijo kikau. Leu api keledai bigbehei nya miya-ya nyen kep ba, domba nya miyem kep abris bou cem ei sirima.

YEREMIA 17:3

kin nungug dip di jo ttai jide minu ndig nya cem. Midibindei ba, jide siceu nya migya kep jide ndigban kin mun di jinyeng tut nya hagom bimbut tut leu je drek dip gi jiwin mpia di mem jikuk je bak kwar nya eisi bidem jide minu nisurti-nipekti lene drek dip sisar nyeng hagom di jibon nya cem.

YEREMIA 22:5

Noro gino jibit Ditde nicukti nya bi ne diba neheng bipai bipia ig nibou ndig de dini mitti binok ig kum kroi bijo ei. Da di tuhan disimbot dat tu.

YEREMIA 22:6

Nibou ndig minu Yehuda de ig kei-kau-kei binok minu Gilead kin Nungug Libanon nya bou diyai him. Noro midibindei mpia dima bidem kep nok iggum ndigsi di tungwatu ibong ser bi.

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 35:17

Gima rino Da di tuhan Di Disindem Bibor di Allah Israel midikes mun di buhun hagom di ditin ei dingon kanti tut nya ei je di timiei Yehuda kin minu ndig Yerusalem nya dip bit leu nok gi dipai ei su. Dibon nok gima lewo jigimiap dihyet mpe dino dimbrap bit je ba, jibuhup dihyet mpe di dihig je cem bi.”

YEREMIA 44:2

Gini ne tuhan Di Sindem Bibor di Allah Israel nihyet di sok mem yok rin, “Jingat mun di buhun di dikes kwei ei minu ndig Yerusalem kin minu ndig ngot gi nindigsi nya ei Yehuda dip bou jiyai him tu. Minu ndig ngot dima timek ningwig tu ba, hi bong ser bi kikau kwei bipek ammani kep.

YEREMIA 52:13

Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek bingwig ba,

YEREMIA 9:10

Da di Yeremia dipai “Midingon ngguk tut nungug him nya. Diyai nggwei kibor tut beisi nya lewo hagom ngoi-nga ba, tungwatu nya ikriau binjiriek cem tu. Mindhe di ihyen kep nya idungwek eisi bu bi ba, ha nya kin mindhe-ndhe di niten-pos nya hagom inang bingwig leu su.”

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

NIBWOS-BWOS NYENTI 5:18

lewo Mbigdip Sion ne mpia di mbum-bra rin ba, ninduk yam ei bu bi. Noro nsien bigbehei nya ilus-lus nyen eisi o!

MIKHA 1:6

Gima rino tuhan pai “Midibindei ba, minu ndig Samaria timek bingwig leu api nigkumti minok ha ngunti leu api tungwatu nya mita ba anggur ei mpia dima. Midinjei tig di jo-jo yam dip ei minu dima hagom ug ei mbang briepti bidinggek nikiou nya.

MATIUS 24:2

Noni buhup “Jicap ser mun dima yok hagom bou jiyai him mem nijam dini. Ma jiyok ngon kep bipia ei nidipti bu lene tungwatu nya minggek hagom ba, tig di jo-jo yam dip mijo nijoti bu bi.”