MIKHA 3:11 - ALLAH NIHYET MEM TUNGWATU NYA

¹¹ Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

MIKHA 3:11 ပူးပေါင်းရင်းမြစ်များ

NIPINGOK NINGONTI 17:23

Nikei di ingon dwei nya isindui sut ba, tungwatu nya ingot kep yok leu api ide nikos tutti mbut ei nisren-srausi bi.

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 48:2

Mbro nok gima lo, jiba ningon di llei bipai bipia jeni ne timiei minu ndig di kwes rin ba, jirok kui Da di Allah Israel di dinyeng rino tuhan Di Ninyeng Jei Bibor.

YESAYA 5:23

Noro jiba gima biyai mitiei nibingot kep jeti leu binhyepo jibikes yo di ibon mun tunggwei bingwes ngun lo, jibikkin ser yo di ibon mun di igbit nya leu binhyepo itug ndei nikei nikos tutti di sren kei bi.

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 26:7

Nok rino imam kin nabi nya kin ide limwa nya yahagom imiap kep dihyet di ditri tut ei tuhan De Ig.

YEREMIA 5:12

tuhan de limwa nya ipai mun di igbit bi tut Noni. Ipai “Nok ug e. Noni mibon mun nyeng hi bi. Nyeni mitug ndei mun di buhun bicut ei pranti kin nimai ninggumti cem bi.

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEREMIA 7:4

Ma jiba jingon com yo di iris igkei nya di ipai bije bipia jibong kei jigwam kei drek dip tuhan De Ig di jiwin ei mpia dini au. Lewo ipai bipia Igbit ri! Ig dini ne tuhan De Ig ri!’

YEREMIA 8:10

Gima rino yo di hiter migyai ide ngoi dumti nya nok ide dihyei ninda rom bu. Midikes itnem bat nya bak yo di hiter bu. Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 34:2

“Na di tungwatu di ayaijo kikau bi e, ma apai kep nibou ndig minu Israel. Da di tuhan Di Dinyeng Jei Bibor disok dihyet ei na dip bak yo dima ba, apai ‘Je di gembala Israel nya e, mun di buhun bibor micut igkep je lewo jehek tut jenti noro jehek tut jide domba nya bi.

HOSEA 4:18

Niabiati idut ba anggur ngei nindig di pu yok lene ibou buwei kep nicut tut yamti. Ingon llei sut gi tungwatu nya ighyet wer mpiahi tut yok leu gima inggei sut yok.

HOSEA 4:8

Mun di jinyeng tut dima kum eisi bu tug hon Ditde limwa nya ide sisar di ibon nya. Gima rino gino ibon sisar kwop ne jijoi sut igyai munti dima.

AMOS 5:14

Ma jita jibou ei jiyai munti di kei bibor keiti lene ma jibon mun di mbuk au. Apino mijiyai niyaijo. Leu api tuhan Di Sindem Bibor ningat rin bit je nijit bit leu nok jipai ei juhui him tut Noni.

AMOS 9:10

Ditde limwa nya di ibon kep sisar ipai biyam ‘Allah misindui sut ba, mun di buhun bibor micut igkep nye bi.’ Noro ningat ne yoni mitug ndei nimai ei pranti.”

MIKHA 3:5

Jingot kep nabi nya leu binhyepo itri tut mun di kei di mipek kep mem tungwatu nya noro iba nitok bak yo di ingot kep yok nya bi. tuhan pai bak nabi dima yok,

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

ZEFANYA 3:4

Nabi nya igita ibou ei ide midyai nyati bi ba, tungwatu nya iba ingon com yok cem bi. Imam nya ibindei ba, map kui mun di ikwas pijum ei mem tuhan bikiek-kiek nyen Allah niggai serti nya mem gima bimpu yok tut mun di bon ninyeng mem yonti he.

MALEAKHI 1:10

tuhan Di Sindem Bibor pai “Dijoi sut gima jigom nggam mbou pmem ei Ditde Ig hak nhyema hi ndig hum ariwace ei Ditde nimbar hum dokti bu au. Dijoi sut je bi ba, dikou sut mun di jibikuk je biDa cem.

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”

MBEN ISRAEL IMBUT-MBUT NYEN 16:15

Lene Musa gga bibor bipai bak tuhan “tuhan e, ma arok yok tut mun di ikwas pijum ei tut Nani. Diyai mun tunggwei sut yok bi. Dimbrai mun nyeng gom bitut keledai ningut gom cem leu yok bi sren.”

MBEN ISRAEL IMBUT-MBUT NYEN 22:7

Lene nibou mben Moab kin mben Midian nya imbut ug ei Bileam de minu bipwoi mitiei nok gi dem mem Bileam leu binhyepo noni mbriom mben Israel. Lene ipai binoni bit leu nok Balak sok nihyet ei yok dip.

MATIUS 3:9

Ma jikan bipia mijingwes ngun drek dip gi jintun Abraham him au. Dipai bije bipia Allah sindem mem gima bindei tig dini yok binok yo di intun Abraham him.

TIMOTIUS GI NIGOM 3:3

Suar noni mbres nonti leu mun di pu tungwatu nya. Ma noni gga igkei au. Noro ma ningon jo nyahan. Ma noni ngat ningwes ei mitieiti au.

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.

SAMUEL GI NIGOM 8:3

Noro igyai bram icig niyai kepti nya bi lewo ita ibou ei gi inggok tut mitiei nindig biborti. Gima rino tungwatu iba mitiei bingot kep yok leu apino yoni iba ingon di sren bi bimbus tungwatu nya ingonti cem.