MIKHA 2:8 - ALLAH NIHYET MEM TUNGWATU NYA

⁸ tuhan buhup “Jeni rino jihwen bit Ditde limwa nya noyam kin gi jihwen bit siceu nya. Tirigi ingkwei hanyen leu ikon pranti lene igyok ingon mem gima ibong kei igwam kei ei ide ig bei noro jitindei ser yok ei ide ig bei leu binhyepo jipos ide sinsun dut leu yok nok mun di bindo bipia yoni mirop ningwam hanyen bije ei nidipti bu.

MIKHA 2:8 ပူးပေါင်းရင်းမြစ်များ

SAMUEL GI NICAN 20:19

Nyende minu ndig Abel dini nindig bibor ba, timiei nya ibong kei igwam kei cem ba, dem mem gima jiba jingon com nye dor njiriek gi jiba jingon com minu ndig di mben Israel ide hagom. Nggon rino na di Andigpoi anggok puig mem gima abindei sar minu ndig dini i? na di Andigpoi e, ajoi sut gima anggek tuhan de dihyei hanjop nsi dini e?”

MAZMUR 55:20

Allah di ninyeng tak kep mun nyeng hagom habiei ei nimbie him kikau kwei bipek ammani kep mimiap dihyet ba, bindei timek yok. Lewo ikou sut gi ittin ser ide sisar. Iba yoho rok Allah ba, igittin tut Noni cem bi.

YEREMIA 12:8

Lewo yaham imbuk kep Da noyam kin singa ei baham tindurti di yau-yau nyen binggok Da. Gima rino dingon mpo tut yok.

MIKHA 3:2

noro jingon mpo tut mun di kei leu api jiba joho rok mun di mbuk. Jeet Ditde limwa nya ingkek leu bijicug inghui bingwig leu injum nya.

MIKHA 3:3

Jiyem Ditde limwa nya nok jiyem mikwau. Jeet ingkek leu bijikinam injum cem. Jidigo inghui noyam kin mikwau di jikwen ei yengti.

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.