MIKHA 1:15 - ALLAH NIHYET MEM TUNGWATU NYA

¹⁵ Je di timiei minu ndig Maresya e, tuhan mikes je ei jide siceu nya indati tirigi yoni ikwei kon pran bit je. Mpe dima lene yo di inyeng jei nya di ibie tut mben Israel minang biku yok ei hak mihyeti Adulam.

MIKHA 1:15 ပူးပေါင်းရင်းမြစ်များ

NITRITI 38:1

Mpe dima lene Yehuda kes nikindig bat-nikinjoi bat nya ei lene ug bong bit Hira. No dini ne timiei minu ndig Adulam ri.

SAMUEL GI NICAN 23:13

Mpe di gom tirigi nijam dem mem tungwatu nya ipuk njita ngat kui ig gudan lene ibou ningai leu Daud de nibou tentara ibou ningot ningai di inyeng jei ijuk ug ei Hak Mihyeti Adulam. Mpe dima lene Daud ningat rin ei mpia di inen biei ser siceu bigya nding di iwin ei hak mihyeti dima. Mben Filistin yohok ide prak meng yati ei Mbang Briep Refaim lo, ide tentara nimpung gom yuug ba, ibong ei Betlehem.

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YEREMIA 49:1

tuhan pai sut mben Amon “Nggon rino yo di ikuk yok bak Kwar Milkom igyai dihyei keret Gad di igyati lene ibibongti cem i? Mben Israel bihi ikon pran gau minu dima bi e?

SAMUEL GI NIGOM 22:1

Lene Daud kiju binang leu minu ndig Gat lene ug ku no ei hak mihyeti gom di jo dideu minu ndig Adulam. Tirigi nikindig bat nya kin nide bat nya yahagom ikan tut bipia ningat rin ei hak mihyeti dima lene induk yam kwei bitti kin noni.