MIKHA 1:13 - ALLAH NIHYET MEM TUNGWATU NYA

¹³ Je di timiei minu ndig Lakhis e, ma jiba kuda bikri jide kroba pran nya. Timiei minu ndig Yerusalem ingig igyai kep jiyai munti di kinei bibor leu api igyai bram jiyaisi dima. Tug hon nisinati dima ne jibindei ba, icut ei sisarti.

MIKHA 1:13 ပူးပေါင်းရင်းမြစ်များ

NITRITI 19:17

Lene malaikati gom cuk yok bipai “Jinang bihigom leu minu dini leu binhyepo jingwes ngun! Jitou kep jinghim dip ba, jiya hak jiyati ei mbang briep dini au! Suar jinang kikau bijillu ug ei cet him dima leu binhyepo jimai bi!”

NIBOU NDIG NYA GI NIGOM 14:16

tuhan mikes ninda leu mben Israel drek dip sisar di Yerobeam bon nya di bindei di mben Israel cem ibon sisar.”

NIBOU NDIG NYA GI NIGOM 16:31

Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.

NIBOU NDIG NYA GI NIGOM 4:28

Bikwop nibou hanjop dima yok ikwas gandum barli kin gandum nintam di mui su di ike kin yam cem tut Salomo de kuda nya hagom. Ba, gima ne bitut kuda di igyai kep midyai kin kuda di kri kroba nya cem. Ittei njita mem mindhe-ndhe dima yok ba, ikwas bikwop ig kandan nya hagom bidem nimangti di isuar nya.

NIBOU NDIG NYA GI NICAN 18:17

Lene nibou ndig mem mben Asyur cuk nide tentara nya imang bibor ba, ijo leu Lakhis ba, ihwen timiei minu ndig Yerusalem nya. Nide nibou pran di inyeng jei ibou ningai ibie tut tentara dima yok. Ba, yo dini ne Tartan kin Rabsaris kin Rabsaki ri. Tirigi ikwei krau minu ndig Yerusalem lene idis yam ei mpia gom di ijem ninyeng bipia Mpia Yo Di Itot Sinsun Igkei di jo simiak minyei di yehek kwei leu minyei bousi gom di jo nai nindenti dima.

NIBOU NDIG NYA GI NICAN 8:18

Yehoram wak Ahab nipmisop apino yai bram Ahab niyaisi di bon sisar tut tuhan noyam kin mben Israel ide nibou ndig nindigsi nya cem.

NIBOHON MBEN ISRAEL GI NICAN 32:9

Njap poi gi nidipti bu tirigi Sanherib ya tut nide tentara nya ei Lakhis lene sok nihyet bak Hizkia kin timiei Yehuda nya di ingat rin ei minu ndig Yerusalem leu binhyepo ibinut nibou ndig mben Asyur nihyet di pai biyok,

AYUB 39:10

Aba kuk mbrei bikim noni leu api abidip ba, abikkin dihyei mem nanti lene miba akikam bikam ade ngoi dumti cem mem na e?

NEHEI LEUSI 32:21

Lene noni hig ser Harun “Yo dini inggon ndei nani bitig dino asindui sut yok ba, ibon sisar nindig dini yok i?”

YESAYA 10:31

Timiei minu ndig Madmena kin Gebim inang leu itimieisi biyuug ei mpia ttou nsi hiter.

YESAYA 36:2

Gima leu api pinak nide nibou tentara di ninyeng jei kwei leu minu ndig Lakhis ug ei minu ndig Yerusalem. Nibou tentara dima njei sut nide tentara di nindig bibor dima kwei mem gima ibidip huk Nibou Ndig Hizkia leu binhyepo kes nonti ei indati hak ug. Ikwei krau minu ndig dima tu lene idis yam ei Gumihyep Nitot Kep Sinsun Cig nya ide di jo simiak minyei di yehek kwei leu minyei bousi gom ei nai nindenti dima.

YESAYA 37:8

Nibou tentara dima miap tut nibimbiti bipia nide nibou ndig kiju bimbut leu minu ndig Lakhis bikon pran bit minu ndig Libna di jo minu ting bi. Apino noni ug ei sirima binggok noni.

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

YEREMIA 34:7

mem nijam di nibou ndig minu Babel kon pran bit tentara minu ndig dima bihwen yok. Mpe dima lene ikon pran bit tentara minu ndig Lakhis kin Aseka cem. Lewo minu ndig cin di jo ei minu Yehuda he rino bon tentara nibousi di igya coi di ngkiem tut yok ba, cut bigyo.

YEREMIA 4:29

Nimpung tentara di iba kuda di ibri bikon pran kan kin gi iprindei siceu kan nya ibindei ba, nugwei bong mpiati apino tungwatu nya yahagom inang-nang wai ba, innei sor. Bihi inang ug ei bigbehei lene bihi inang bikui ug ei nungug tig biku yok ei hak mihyeti nya. Minu ndig nya hagom mbum-bra bram yok. Hi di ngkwei bibong ei sirima hanyen bu bi.

YEHEZKIEL 23:11

Mbro nok gino nikinjoi Oholiba ngat mun di cut igkep nikindig tu lo, ningon kui bibor tut gi cut tut pinai nya dor njiriek Ohola niyaisi.

MIKHA 1:5

Mun dini yok hagom micut igkep mben Israel drek dip sisar di ibon kikep kin ide naham nimbuk kep Allahti cem. Tou ribindei dino mben Israel ibon sisar i? Gima ne ide minu ndig pmem di Samaria rin bi e? Tou ribindei dino mben Yehuda ikuk yok bak kwar nya i? Gima ne ide minu ndig pmem di Yerusalem rin bi e?

YOSUA 10:3

Gima rino Adoni-Zedek sok nihyet bak nibou ndig Hoham ei Hebron kin nibou ndig Piream ei Yarmut kin nibou ndig Yafia ei Lakhis kin nibou ndig Debir ei Eglon bipai biyok,

NINGAT-HI-NGAT NYA 2:14

Noro diwok je tut mun nyeng poi. Ibou poi di ibit Bileam ningginausi isrig jikieti. No dima ngginau Balak biris mben Israel apino ingkwei hanyen kep sisar di ibon nya. Sisar dima ne niyem njita di tungwatu nya ipigig ser mem mun di ikuk yok bak kin nicut tut yamti ri.

NINGAT-HI-NGAT NYA 2:20

Noro diwok je tut mun nyeng gom. Jisindui sut sop di ninyeng Izebel di pai sut nonti bipia tri tut Allah nihyet. Noni ba ningginausi dima biris bak Ditde awak nya imang bibor. Noni bindei ba, icut ug ei sisar nicut tut yamti bigyem njita di tungwatu nya ipigig ser mem kwar nya cem.